გაიცანი ციფრული პროდუქტის დიზაინის კურსის ლექტორი - ეკატერინე პატარიძე
დღეს ციფრული პროდუქტი ადამიანების ყოველდღიურობის განუყოფელი ნაწილია. იქნება ეს საბანკო აპლიკაცია, ონლაინ მაღაზია, გასართობი პლატფორმა თუ სხვადასხვა ტიპის ვებ-სერვისი – მომხმარებლის გამოცდილება დიდწილად იმაზეა დამოკიდებული, რამდენად მარტივად, სწრაფად და ინტუიციურად შეუძლია მას პროდუქტთან ურთიერთობა.
სწორედ ამას ემსახურება ციფრული პროდუქტის დიზაინი, რომელიც მხოლოდ ვიზუალური მხარის შექმნას არ გულისხმობს. ის აერთიანებს მომხმარებლის საჭიროებების კვლევას, პრობლემების იდენტიფიცირებას, პროდუქტის სტრუქტურის დაგეგმვასა და საბოლოო გამოცდილების გაუმჯობესებას.
ამ ბლოგში გაგაცნობთ ეკატერინე პატარიძეს – Product Design Lead-ს, UX/UI Designer-სა და ციფრული პროდუქტის დიზაინის კურსის ლექტორს, რომელსაც სფეროში 10+ წლიანი გამოცდილება აქვს. მისი პროფესიული გზა და გამოცდილება კარგად აჩვენებს, როგორ ვითარდება თანამედროვე Product Design, როგორ იცვლება დიზაინის სამუშაო პროცესი და რატომ ხდება AI დიზაინერებისთვის სულ უფრო მნიშვნელოვანი ინსტრუმენტი
ეკატერინე პროფესიით მხატვარია. კარიერა ვებ და გრაფიკული დიზაინით დაიწყო, შემდეგ კი პროფესიული გზა UX/UI და Product Design მიმართულებით გააგრძელა. მხატვრულმა განათლებამ და ვიზუალურმა აზროვნებამ მნიშვნელოვანი გავლენა მოახდინა მის დიზაინერულ ხედვაზე.
ბოლო შვიდი წელია ეკატერინე Flutter Entertainment-ში საერთაშორისო ციფრულ პროდუქტებზე მუშაობს, საიდანაც ბოლო ოთხი წელია დიზაინის გუნდს ხელმძღვანელობს. კარიერის განმავლობაში მას ასევე უმუშავია სარეკლამო სააგენტოებში, საბანკო სექტორში, e-commerce-სა და საერთაშორისო პლატფორმებზე.
ეკატერინე ასევე Surprise.ge-ს თანადამფუძნებელი, Product Designer და Product Owner-ია, რამაც მას საშუალება მისცა, დიზაინთან ერთად პროდუქტისა და ბიზნესის სტრატეგიის მიმართულებითაც ემუშავა.
დღეს მისი ერთ-ერთი მთავარი პროფესიული ინტერესია AI-ის გამოყენება Product Design-ში.
"ყოველდღიურ საქმიანობაში აქტიურად ვიყენებ ChatGPT-ს, Gemini-ს, Figma AI-სა და სხვა თანამედროვე ინსტრუმენტებს, რათა უფრო სწრაფად შევისწავლო პრობლემები, შევქმნა იდეები და მივიღო უკეთესი პროდუქტის გადაწყვეტილებები."
რა არის ციფრული პროდუქტის დიზაინი?
ეკატერინესთვის ციფრული პროდუქტის დიზაინი, პირველ რიგში, პრობლემების გადაჭრის პროცესია. Product Design მხოლოდ ლამაზი ვიზუალის შექმნას არ გულისხმობს – ის მომხმარებლის კვლევას, ბიზნეს მიზნების გააზრებას, პროდუქტის სტრუქტურის დაგეგმვასა და საბოლოო გამოცდილების გაუმჯობესებას აერთიანებს.
პროდუქტის დიზაინერი მხოლოდ ეკრანებს არ ქმნის. ის ცდილობს გაიგოს, რა პრობლემა აქვს მომხმარებელს და როგორ შეიძლება მისი გადაჭრა ისე, რომ მიღებული გადაწყვეტილება ღირებული იყოს როგორც მომხმარებლისთვის, ისე ბიზნესისთვის.
სწორედ ეს განასხვავებს Product Design-ს სხვა დიზაინერული მიმართულებებისგან – დიზაინერი მუშაობს არა მხოლოდ ვიზუალზე, არამედ მომხმარებლის ქცევაზე, პროდუქტის სტრატეგიასა და ბიზნეს შედეგებზეც.
რატომ არის დიზაინი ბიზნესისთვის მნიშვნელოვანი?
დღეს თითქმის ყველა ბიზნესს აქვს მომხმარებელთან ციფრული შეხების წერტილი – აპლიკაცია, ვებგვერდი ან ონლაინ სერვისი. შესაბამისად, დიზაინი გავლენას ახდენს როგორც მომხმარებლის აღქმაზე, ისე მის ქცევაზე.
მაგალითად, რეგისტრაციის პროცესის გამარტივებამ შეიძლება გაზარდოს კონვერსია, გადახდის პროცესის გაუმჯობესებამ – გაყიდვები, ხოლო რთულმა ინტერფეისმა მომხმარებლის დაკარგვა გამოიწვიოს.
ამიტომ კარგი დიზაინი მხოლოდ ესთეტიკა არ არის – ის მომხმარებლის კმაყოფილების, ბიზნესის ზრდისა და პროდუქტის წარმატების მნიშვნელოვანი ნაწილია.
როგორ იქმნება წარმატებული ციფრული პროდუქტი?
Product Design-ის პროცესში User Research, User Persona, Information Architecture, User Flow და Design System ერთმანეთთან მჭიდროდ არის დაკავშირებული.
პროცესი User Research-ით იწყება, რადგან პრობლემის სწორად გადაჭრა მისი გააზრების გარეშე რთულია. კვლევის საფუძველზე იქმნება User Persona, რომელიც გვეხმარება უკეთ გავიგოთ, ვისთვის იქმნება პროდუქტი და რა საჭიროებები აქვს მომხმარებელს.
შემდეგ იგეგმება Information Architecture – ინფორმაციისა და ფუნქციონალის ორგანიზება, რომლის საფუძველზეც იქმნება User Flow და განისაზღვრება მომხმარებლის გზა კონკრეტული მიზნის მისაღწევად.
პროდუქტის ზრდასთან ერთად მნიშვნელოვანი ხდება Design System-იც, რომელიც დიზაინის ერთიანობასა და ხარისხს უზრუნველყოფს და გუნდს პროდუქტის უფრო სწრაფად განვითარების საშუალებას აძლევს.
როგორ ცვლის AI Product Design-ს?
ხელოვნური ინტელექტი უკვე აქტიურად გამოიყენება დიზაინის პროცესში. მისი დახმარებით შესაძლებელია კვლევის შედეგების სწრაფად გაანალიზება, იდეების გენერირება, კონტენტის შექმნა, სხვადასხვა გადაწყვეტის შედარება და პროტოტიპირების დაჩქარება.
ეკატერინეს გამოცდილებით, AI განსაკუთრებით სასარგებლოა დროის დაზოგვისა და იდეების სწრაფად გენერირებისთვის. თუმცა ის დიზაინერის შემცვლელი არ არის – უფრო ძლიერი ასისტენტია.
ადამიანის მთავარ უპირატესობად კვლავ რჩება ემპათია, კრიტიკული აზროვნება, კონტექსტის გააზრება და სწორი გადაწყვეტილების მიღება. შესაბამისად, მომავალში წარმატებული დიზაინერები იქნებიან ისინი, ვინც AI-ის ეფექტურად გამოყენებას შეძლებენ.
ციფრული პროდუქტის დიზაინის კურსის შესახებ
ციფრული პროდუქტის დიზაინის კურსი მათთვისაა შექმნილი, ვისაც სურს გაიგოს, როგორ იქმნება თანამედროვე ციფრული პროდუქტები რეალურ სამუშაო გარემოში. ის განსაკუთრებით საინტერესო იქნება დამწყები UX/UI დიზაინერებისთვის, გრაფიკული დიზაინერებისთვის, რომლებიც Product Design-ში განვითარებას გეგმავენ, და მათთვის, ვისაც Figma-ს საბაზისო ცოდნა უკვე აქვს.
კურსის განმავლობაში სტუდენტები რეალურ პროექტზე იმუშავებენ და Product Design-ის სრულ პროცესს გაივლიან — კვლევისა და პრობლემის განსაზღვრიდან Wireframe-ების, UI დიზაინის, Design System-ისა და პროტოტიპირების ეტაპებამდე, საბოლოო Case Study-ს შექმნის ჩათვლით. ასევე, გაეცნობიან თანამედროვე AI ინსტრუმენტებს და მათ დიზაინის პროცესში პრაქტიკულად გამოიყენებენ.
კურსის მთავარი მიზანი მხოლოდ Figma-ს ცოდნის მიღება არ არის — სტუდენტებმა უნდა გაიგონ, როგორ და რატომ მიიღება კონკრეტული დიზაინერული გადაწყვეტილებები და როგორ უნდა იაზროვნონ პროდუქტის კონტექსტში.
საბოლოოდ, ციფრული პროდუქტის დიზაინი შემოქმედებითობას, ტექნოლოგიას, მომხმარებლის საჭიროებებსა და ბიზნეს აზროვნებას აერთიანებს – სწორედ ეს ქმნის ღირებულ ციფრულ პროდუქტს.
რელევანტური ბლოგები
შესაძლოა გაინტერესებდეს
საშუალო
საშუალო
დამწყები
შესვლა Google-ით
შესვლა Facebook-ით