სოსო გომარელი - AI-ზე დაფუძნებული SEO-ს კურსის ლექტორი

blog-detail-img

ციფრული მარკეტინგის სამყაროში ცვლილებები არასდროს ყოფილა ისეთი სწრაფი და ფუნდამენტური, როგორც დღეს. ხელოვნურმა ინტელექტმა შეცვალა არა მხოლოდ ძიების ტექნოლოგია, არამედ მომხმარებლის ქცევა, მოლოდინები და ბიზნესების სტრატეგიებიც. ამ ახალ რეალობაში SEO უკვე გაცდა კლასიკურ ჩარჩოებს და გადაიქცა ბევრად უფრო ფართო – სტრატეგიულ მიმართულებად.

ამ ბლოგში გაგაცნობთ, სოსო გომარელს – commschool-ის AI-ზე დაფუძნებული SEO-ს კურსის ლექტორს, რომელიც გაგიზიარებთ საკუთარ გამოცდილებას, ხედვებსა და მიდგომებს.

გაიგე მეტი კურსის შესახებ

სოსო გომარელი მრავალწლიანი გამოცდილების მქონე ციფრული მარკეტინგის პროფესიონალია. ის ხელმძღვანელობს საქართველოს ბანკის ციფრულ არხებს და ბოლო ორი წლის განმავლობაში აქტიურად ავითარებს ბანკის SEO სტრატეგიას.

იგი წარუძღვება AI-ზე დაფუძნებულ SEO-ს კურსს, რომელიც ფოკუსირებული იქნება არა მხოლოდ საძიებო სისტემებზე, არამედ AI პლატფორმებზე და ოპტიმიზაციაზე.

სფეროში არსებული გამოწვევები

SEO სფეროში მუშაობისას ერთ-ერთ მთავარ გამოწვევად სოსო სისწრაფეს ასახელებს. ძიების ქცევა ეტაპობრივად იცვლება: მომხმარებელი სულ უფრო ხშირად იღებს პასუხს ისე, რომ ვებგვერდზე საერთოდ არ შედის. ეს ნიშნავს, რომ ბიზნესს აღარ ჰყოფნის მხოლოდ პოზიციებზე ზრუნვა. საჭიროა სრულიად ახალი სტრატეგია, რომელიც უზრუნველყოფს იმას, რომ AI-მ ბრენდი პასუხებში ახსენოს და ამავდროულად, ძიების შედეგებშიც მაღალი ხილვადობა შეინარჩუნოს.

საძიებო სისტემების განვითარება

სოსო ამბობს, რომ ბოლო წლებში საძიებო სისტემები მკვეთრად განვითარდა. Google, Bing და სხვა პლატფორმები უკვე აღარ გვთავაზობენ მხოლოდ ბმულების სიას. ისინი ცდილობენ უშუალოდ პასუხი გასცენ მომხმარებელს. ამის ნათელი მაგალითია Google-ის AI, რომელიც ინტერნეტში არსებულ ინფორმაციას აჯამებს და მომხმარებელს მზა რეზიუმეს აძლევს. სწორედ ამ ცვლილებამ გამოიწვია ის, რომ მოკლე საკვანძო სიტყვები ჩაანაცვლა გრძელმა, კომპლექსურმა და სასაუბრო კითხვებმა – იგივე პრომპტებმა.

AI ინსტრუმენტები

სოსო AI ინსტრუმენტებზე, როგორებიცაა ChatGPT, Gemini და Perplexity, გვიყვება, რომ დღევანდელ SEO პროცესში აქტიურად გამოიყენება. მათი მთავარი ღირებულება კონტენტის გენერირებაში კი არ არის მხოლოდ, არამედ იმაში, რომ სპეციალისტებს ეხმარება მომხმარებლის რეალური კითხვების უკეთ გაგებაში. ამავე დროს, ამ ინსტრუმენტების გამოყენებით შესაძლებელია გამოვლინდეს ის წყაროები, რომლებსაც AI ყველაზე მეტად ენდობა და რომლებიდანაც ინფორმაციას ციტირებისთვის იღებს.

ხილვადობა და ტრადიციული SEO

სოსოს აზრით, ტრადიციული SEO დღეს უკვე საკმარისი აღარ არის. მხოლოდ საკუთარი ვებგვერდის ოპტიმიზაციაზე მუშაობა არ უზრუნველყოფს სრულ ხილვადობას, რადგან AI პასუხებს ხშირად ისე აძლევს, რომ მომხმარებელი საიტზე არ გადადის. სწორედ ამიტომ, ბრენდი უნდა ჩანდეს ყველგან, საიდანაც AI ინფორმაციას აგროვებს – ფორუმებზე, ვიდეო პლატფორმებზე, მედიასა და სხვადასხვა მესამე მხარის საიტებზე.

დღევანდელ საძიებო სამყაროში ერთ-ერთი მთავარი კონცეფციაა ის, რომ ხილვადობა გადაიქცა „ახალ კლიკად“. მნიშვნელობა აღარ აქვს მხოლოდ ტრეფიკს – მთავარი ის არის, მოხვდება თუ არა ბრენდი AI-ს პასუხში. ამ ეტაპს სოსო „Land grab“-ის პერიოდს უწოდებს, როდესაც ბაზარი ჯერ კიდევ ბოლომდე გადანაწილებული არ არის და კომპანიებს აქვთ შანსი კონკურენტებზე ადრე დაიკავონ პოზიციები. ამასთან, ის ხაზს უსვამს, რომ ტრადიციული SEO კვლავ რჩება საძირკვლად, რადგან AI პასუხების გენერაცია ძირითადად მაინც ძიების შედეგებზე დაყრდნობით ხდება.

SEO და კომპლექსურობა

ლექტორი ამბობს, რომ მნიშვნელოვნად შეიცვალა მომხმარებლის ქცევაც. ადამიანები უფრო იშვიათად იყენებენ მოკლე ფრაზებს და სულ უფრო ხშირად სვამენ გრძელ, ბუნებრივ და სასაუბრო კითხვებს, რაც საშუალოდ დაახლოებით 25 სიტყვას შეადგენს. მათი მოლოდინები გაიზარდა – ისინი ელიან არა ბმულებს, არამედ ზუსტ და პერსონალიზებულ პასუხებს და მზად არიან, არაერთი დამაზუსტებელი კითხვა დასვან. ეს ყველაფერი SEO-ზე მუშაობას ბევრად უფრო კომპლექსურს ხდის.

საჭირო უნარები

ამ სფეროში განვითარების მსურველი ადამიანებისთვის სოსოს აზრით,  განსაკუთრებით მნიშვნელოვანია რამდენიმე უნარის ქონა. პირველ რიგში, ეს არის მონაცემთა ანალიზის უნარი და ექსპერიმენტების დაგეგმვა. ასევე საჭიროა მზადყოფნა, იმუშაო ბუნდოვან გარემოში, სადაც პასუხები ყოველთვის ერთმნიშვნელოვანი არ არის.

მნიშვნელოვანი პლატფორმები და ინსტრუმენტები

ლექტორის თქმით, Google Search Console დღემდე რჩება ერთ-ერთ ყველაზე მნიშვნელოვან პლატფორმად. ის აუცილებელია საიტის ინდექსაციის, ტექნიკური გამართულობისა და საძიებო ეფექტურობის მონიტორინგისთვის. Keyword Planner კი საფუძველია საბაზისო საკვანძო სიტყვების გამოსავლენად, რომლებიც შემდგომ AI პრომპტების კვლევის საწყის წერტილად გამოიყენება.

ტექნიკური SEO-ს მხრივ სოსო განსაკუთრებულ მნიშვნელობას ანიჭებს Screaming Frog-ს. ეს არის ინსტრუმენტი, რომელიც საიტს ასკანერებს და სხვადასხვა ტიპის ტექნიკურ ხარვეზს ავლენს. მარკეტერისთვის მისი მთავარი ღირებულება ის არის, რომ აღმოჩენილი პრობლემები შეიძლება კონკრეტულ და გასაგებ დავალებებად გადაკეთდეს დეველოპერისთვის.

რატომ SEO & AEO ?

SEO და AEO მიმართულება დღეს განსაკუთრებით მოთხოვნადია, რადგან კომპანიები უკვე ხედავენ რეალურ ბიზნეს შედეგებს AI სისტემებიდან. 2024 წლის იანვრიდან AI პასუხები უფრო „კლიკვადი“ გახდა, რაც ტრაფიკის ზრდასაც უწყობს ხელს. სწორედ ამიტომ, ამ მიმართულების შესწავლა ახლა იძლევა შესაძლებლობას, ადამიანი იმ მცირე პროცენტის ნაწილი გახდეს, ვინც ნამდვილად ესმის, როგორ მუშაობს ძიების მომავალი.

კურსის შესახებ

კურსი განკუთვნილია მარკეტერებისთვის, კონტენტ სტრატეგებისა და ქოფირაითერებისთვის, ვისაც უკვე აქვს SEO-ის საბაზისო ცოდნა და სურს გააღრმავოს უნარები AI ეპოქის მოთხოვნებზე მორგებული ოპტიმიზაციით. კურსი ფოკუსირებულია გენერაციული ძრავების ოპტიმიზაციაზე (GEO) და აერთიანებს ტრადიციულ SEO საფუძვლებსა და AEO სტრატეგიებს.

სტუდენტები ისწავლიან, როგორ შექმნან ისეთი კონტენტი და ტექნიკური სტრუქტურა, რომელიც ერთდროულად ხილვადი იქნება Google-ში და ციტირებული – AI სისტემების მიერ. კურსი პრაქტიკულია და მოიცავს რეალურ ინსტრუმენტებთან მუშაობას, მათ შორის Google Search Console-ს, Screaming Frog-სა და AI პლატფორმებს.

კურსის დასრულების შემდეგ მონაწილეები შეძლებენ დამოუკიდებლად დაგეგმონ და მართონ SEO/AEO სტრატეგია, გააუმჯობესონ ბრენდის ხილვადობა და უკეთ გაიგონ, როგორ მუშაობს ძიების მომავალი ხელოვნური ინტელექტის ეპოქაში.

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
20 საათი
დამწყები
1400₾
AI-ზე დაფუძნებული SEO
SEO-ს მიზანია, მომხმარებლებს პროდუქტის ან სერვისის მოძებნისას ჩვენი ბიზნესი მოხვდეს პირველი თვალში, რადგან ტერმინი Top of Mind ციფრულ ერაში Top of Search-ს ნიშნავს. საძიებო სისტემების სამყარო "Wild West" ფაზაშია. ტრადიციული SEO, რომელიც ლურჯ ბმულებზე იყო ორიენტირებული, ტრანსფორმირდება პასუხების სისტემების ოპტიმიზაციად (AEO). კურსზე ვისწავლით, როგორ ეძებს AI ინფორმაციას და როგორ აგენერირებს პასუხებს. როგორ კითხულობენ ბოტები თქვენს საიტს და როგორ ყალიბდება თქვენი ბრენდი AI-სთვის სანდო წყაროდ.  
12 ლექცია
24 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება