კურსდამთვრებულთა შთაბეჭდილებები

კურსდამთავრებულთა შთაბეჭდილებები - მონაცემთა ანალიტიკა

ბიზნესის მართვა, ფინანსური პროგნოზირება, სტრატეგიული დაგეგმვა – ყველა სფერო დღეს მონაცემებზეა დამოკიდებული. სწორედ ამიტომ, მონაცემთა ანალიტიკის ფლობა თანამედროვე პროფესიონალებისთვის კონკურენტული უპირატესობაა.

ამ ბლოგში მოგიყვებით, როგორ შეცვალა commschool–ის მონაცემთა ანალიტიკის კურსმა ორი კურსდამთავრებულის – ანა დოლიაშვილისა და თორნიკე ლეჟავას – პროფესიული გზა. გაეცნობით მათ შთაბეჭდილებებსა და პროგრესს, ნახავთ, როგორ აქციეს კურსზე მიღებული ცოდნა რეალურ შესაძლებლობებად და როგორ შეცვალა ამ გამოცდილებამ მათი პროფესიული რეალობა.

ანა დოლიაშვილი განათლებით ეკონომისტი და ფინანსისტია. მას მრავალწლიანი გამოცდილება აქვს სადაზღვევო სექტორის ფინანსურ მიმართულებაში. როგორც თვითონ ამბობს, მის საქმიანობას ხშირად ახლავს დიდ მონაცემებთან მუშაობა, რის საფუძველზეც იღებს სტრატეგიულ გადაწყვეტილებებს.

მონაცემთა ანალიტიკისადმი ინტერესი ანას პროფესიული პრაქტიკიდან გამომდინარე გაუჩნდა — მონაცემთა სიღრმისეულმა ანალიზმა მისცა შესაძლებლობა, რისკები უფრო ზუსტად შეეფასებინა და მიეღო ეფექტური ფინანსური გადაწყვეტილებები. გააცნობიერა, რომ თანამედროვე ანალიტიკური ინსტრუმენტების ფლობა მისი საქმიანობის ხარისხს კიდევ უფრო გააუმჯობესებდა და გადაწყვეტილებების სიზუსტეს მნიშვნელოვნად გაზრდიდა. სწორედ ამიტომ მიიღო გადაწყვეტილება, გაევლო commschool-ის მონაცემთა ანალიტიკის კურსი.

თორნიკე ლეჟავა სტუმარმასპინძლობის სფეროში მოღვაწე პროფესიონალია, რომელიც შიდა აუდიტორის პოზიციაზე მუშაობს. მისი ყოველდღიური საქმიანობა მოიცავს ფინანსური ოპერაციების კონტროლსა და რისკების შეფასებას, ხოლო ბოლო პერიოდში ფინანსური ანალიტიკისადმი გაზრდილმა ინტერესმა ბუნებრივად განაპირობა მონაცემთა ღრმა ანალიზის მიმართულებით სერიოზული დაინტერესება.

თორნიკეს გამოცდილება ძირითადად მოიცავდა დიდი მოცულობის მონაცემებთან მუშაობას Excel-ისა და ERP სისტემის (Navision) ფარგლებში. დროთა განმავლობაში გააცნობიერა, რომ მონაცემთა ანალიზისთვის საჭირო იყო უფრო მძლავრი და მოქნილი ხელსაწყოები — სწორედ ამ საჭიროებამ გახსნა მისთვის კარი Data Analytics-ის სამყაროში.

წარმოდგენა და მოლოდინები

კურსის მიმართ ორივეს მაღალი მოლოდინები ჰქონდა, რაც, როგორც თავად აღნიშნავენ, სრულად გამართლდა. მათ მიიღეს საფუძვლიანი თეორიული ცოდნა SQL-ის, Power BI-ისა და მონაცემთა ვიზუალიზაციის მიმართულებით. განსაკუთრებით დიდი ინტერესით შეისწავლეს Power BI-ის ფუნქციები, ანასთვის განსაკუთრებით ღირებული აღმოჩნდა SQL-ის ათვისება — ხელსაწყო, რომელიც მას მონაცემთა ბაზებთან ეფექტური და მიზანმიმართული მუშაობის საშუალებას აძლევს, ხოლო თორნიკეს საყვარელი ნაწილი Power BI-ის სექცია აღმოჩნდა, სადაც აქტიური სამუშაო გარემო, ჯგუფური დისკუსიები და ლექტორების სწრაფი რეაგირება სწავლას კიდევ უფრო საინტერესოს და პროდუქტიულს ხდიდა.

"ამ კურსმა ნამდვილად გაამართლა მოლოდინები: შევიძინე ძლიერი უნარები SQL-ში და Power BI-ში, რაც საშუალებას მომცემს ეფექტურად დავამუშავო მონაცემები. ეს კურსი მნიშვნელოვანი ნაბიჯი იყო ჩემს პროფესიულ განვითარებაში."

ანა დოლიაშვილი

ფინალური პროექტი

კურსის დასასრული თითოეული სტუდენტისთვის მოიცავს ფინალურ პროექტს, რომელიც აერთიანებს სწავლების მთელ ციკლს და ეყრდნობა რეალურ მონაცემებს.

ანას ფინალური პროექტის დავალება იყო მონაცემთა ბაზის შექმნა და მისი ვიზუალიზაცია Power BI-ის მეშვეობით. პროექტისათვის გამოიყენა სადაზღვევო სფერო, რამაც მონაცემების სიღრმისეული ანალიზის შესაძლებლობა მისცა. დაამუშავა მონაცემები SQL-ის გამოყენებით , შემდეგ კი Power BI-ში იმუშავა მათ ვიზუალიზაციაზე.

ეს პროცესი საინტერესო აღმოჩნდა მისთვის, რადგან მონაცემების ამ სახით მორგება, მათზე მუშაობა და საინტერესო “insights”-ის გამოტანა კონკრეტული ბიზნესსექტორისთვის, როგორიც არის დაზღვევა, დამატებით გამოწვევას წარმოადგენდა.

პროექტის განმავლობაში, ანა იღებდა უკუკავშირს როგორც ლექტორისგან, ისე ჯგუფის წევრებისგან, რაც საკმაოდ დაეხმარა მას მუშაობის პროცესში. იგი ამბობს, რომ საბოლოო შედეგით ძალიან კმაყოფილია.

ფინალურ დავალებად თორნიკემ აირჩია სასტუმროების გაყიდვების სტატისტიკის ანალიზი. პროექტი დაიწყო SQL-ით მონაცემთა ბაზის შექმნით, რის შემდეგაც Power BI-ის დახმარებით დეტალურად დაამუშავა და ვიზუალიზაციის სახით წარმოადგინა ინტერაქტიული დაფები (dashboards) და დიაგრამები. პროექტზე სრულად დამოუკიდებლად იმუშავა. საბოლოო პრეზენტაციამ კი მაღალი შეფასება დაიმსახურა, რაც თორნიკესთვის დამატებით მოტივაციის წყარო გახდა.

"პროექტის განმავლობაში, ვიღებდი უკუკავშირს როგორც ლექტორისგან, ისე ჯგუფის წევრებისგან, რაც საკმაოდ დამეხმარა პროცესის გამართვაში. საბოლოო შედეგით ძალიან კმაყოფილი ვარ."

თორნიკე ლეჟავა

რჩევები მომავალ სტუდენტებს

ანა დოლიაშვილი ამ სიტყვებით მიმართავს მომავალ სტუდენტებს:

„ვურჩევდი ყველას, ვინც დაინტერესებულია Data Analytics-ით, რომ აუცილებლად გაჰყვნენ ამ გზას — განსაკუთრებით იმ შემთხვევაში, თუ უკვე მუშაობენ მონაცემებთან ან ფინანსურ სფეროში.“

ანა დოლიაშვილი

თორნიკე ლეჟავა კი აღნიშნავს, რომ მისთის ეს პროგრამა არამხოლოდ ცოდნის გაღრმავების, არამედ სამუშაო პროცესის ოპტიმიზაციის საშუალება გახდა:

“კურსს ვურჩევ ყველას, ვინც მოიაზრებს კარიერას ანალიტიკის მიმართულებით. აღნიშნული პროგრამა მოგამარაგებთ საჭირო ცოდნით, ხელს შეუწყობს თქვენივე სამუშაო პროცესის დახვეწასა და დაგიზოგავთ დროის რესურსს.”

თორნიკე ლეჟავა

commschool: გამოცდილება, რომელიც კარიერულ გზას ხსნის

დღეს ანა დარწმუნებულია, რომ კურსზე მიღებული ცოდნა და უნარები გააძლიერებს როგორც მის პროფესიულ პოზიციას, ასევე გაუხსნის კარიერული წინსვლის ახალ შესაძლებლობებს მონაცემთა ანალიტიკის -ის მიმართულებით. сommschool-ის პრაქტიკაზე ორიენტირებული მიდგომა და პროფესიონალიზმი მისთვის მოლოდინებზე მეტად გამართლდა, რის გამოც რეკომენდაციას დიდი სიამოვნებით გაუწევს კურსს სხვა დაინტერესებული პირებისთვის.

"ლექტორმა დიდი პროფესიონალიზმით და მაქსიმალური თავდადებით შეძლო საკუთარი ცოდნის გაზიარება. ყველა ნაწილი თავისთავად საინტერესო და სასარგებლო იყო ჩემი პროფესიული ზრდისთვის."

ანა დოლიაშვილი

ახლა, კურსის დასრულების შემდეგ, თორნიკე უკვე აქტიურად იყენებს ახალ ანალიტიკურ მეთოდებსა და ვიზუალიზაციის ხელსაწყოებს ყოველდღიურ საქმიანობაში. იგი დარწმუნებულია, რომ ეს ცოდნა მნიშვნელოვნად გააუმჯობესებს მის კარიერულ განვითარებას და გახდის მას კიდევ უფრო წარმატებულსა და საინტერესოს.

“კურსმა მომცა ძლიერი თეორიული საფუძველი და მყარი ბაზა პრაქტიკული უნარების განვითარებისთვის.”

თორნიკე ლეჟავა

მონაცემთა ანალიტიკის კურსი

commschool-ის მონაცემთა ანალიტიკის კურსი საშუალებას აძლევს მონაწილეებს დაეუფლონ მონაცემთა ანალიზის ძირითად ინსტრუმენტებს, როგორიცაა SQL და Power BI, რეალურ ამოცანებზე მუშაობის გზით. კურსი პრაქტიკულია, თანამედროვე და მორგებულია როგორც დამწყებთათვის, ასევე გამოცდილ პროფესიონალებზე. ის ქმნის მყარ საფუძველს კარიერული წინსვლისთვის მონაცემთა ანალიტიკის სფეროში. კურსს უძღვებიან მაღალკვალიფიციური სპეციალისტები, რომლებიც არა მხოლოდ ფლობენ თეორიულ ცოდნას, არამედ პრაქტიკულადაც იყენებენ ანალიტიკურ ინსტრუმენტებს ყოველდღიურ საქმიანობაში.

თუ შენც გინდა, მონაცემებზე დაყრდნობით მიიღო გადაწყვეტილებები და გააღრმავო კარიერული შესაძლებლობები — მაშინ commschool-ის მონაცემთა ანალიტიკის კურსი შენთვისაა!