კურსდამთავრებულთა შთაბეჭდილებები - კონტენტ მარკეტინგი

blog-detail-img

კონტენტი დღეს ბრენდის მთავარი იარაღია – ის ქმნის პირველ შთაბეჭდილებას, აყალიბებს აუდიტორიის ნდობას და უზრუნველყოფს რეალურ ჩართულობას. კონკურენტულ გარემოში წარმატებას აღწევს ის, ვინც სწორ მესიჯს სწორ ფორმატში და სწორ დროს აწვდის მომხმარებელს. სწორედ აქ ჩანს კონტენტ მარკეტინგის მნიშვნელობა.

ამ ბლოგში მოგიყვებით, როგორ შეცვალა commschool-ის კონტენტ მარკეტინგის კურსმა ორი კურსდამთავრებულის – ბარბარე საურისა და ქეთევან კალანდაძის – პროფესიული გზა. გაგიზიარებთ მათ შთაბეჭდილებებს, პროგრესს და მოგიყვებით როგორ აქციეს კურსზე მიღებული ცოდნა რეალურ შესაძლებლობებად.
გაიგე მეტი კურსის შესახებ

ბარბარე გვიყვება, რომ ცხოვრების ამ ეტაპზე პროფესიული ცვლილება ესაჭიროებოდა, რის გამოც გადაწყვიტა ახალი მიმართულების შესწავლა. კონტენტ მარკეტინგი მანამდე ყოველთვის იზიდავდა, განსაკუთრებით კი ბოლო პერიოდში, როცა სფერო კიდევ უფრო მოთხოვნადი და სწრაფად მზარდი გახდა. მიუხედავად გამოცდილების არქონისა, ზუსტად იცოდა, რა უნდოდა ესწავლა და კურსი მისთვის უფრო საინტერესო და მრავალფეროვანი აღმოჩნდა, ვიდრე ელოდა.

როგორც ბარბარე ამბობს, კურსის შერჩევისას commschool-ის კონტენტ მარკეტინგის პროგრამაზე არჩევანი მეგობრების რეკომენდაციის გამო შეაჩერა. მიღებული ცოდნის გამოიყენებას იგი როგორც პროფესიულ საქმიანობაში, ისე საკუთარი კონტენტის შექმნაში გეგმავს.

ქეთევანს კონტენტ მარკეტინგთან პირდაპირი შეხება მანამდე არასდროს ჰქონია, თუმცა ბავშვობიდან აინტერესებდა ფოტო‑ვიდეო მასალასთან მუშაობა, იდეების გადმოცემა და კრეატიული ისტორიების გაზიარება. სწორედ ამ ინტერესმა უბიძგა კურსის არჩევისკენ – მიიჩნევს, რომ სწავლამ მის ბავშვობის მისწრაფებებს კიდევ უფრო დააახლოა და დაარწმუნა, რომ საყვარელი საქმის დაწყება არასდროს არის გვიანი.

მისთვის კურსის განმავლობაში ერთ-ერთი ყველაზე ღირებული გამოცდილება ლექტორთან ურთიერთობა აღმოჩნდა. მისი თქმით, ლექტორი, ნინუცა ოქროპირიძე, დიდი ენთუზიაზმით უზიარებდა სტუდენტებს საკუთარ პრაქტიკულ გამოცდილებას, რაც სწავლების პროცესს უფრო რეალურსა და მრავალფეროვანს ხდიდა.

"სანამ არჩევანს commschool-ზე შევაჩერებდი, საფუძვლიანად გამოვიკვლიე კურსის სილაბუსი, გავესაუბრე კურსდამთავრებულებს და პროგრამის წარმომადგენლებს. ჩემთვის ყველაზე მნიშვნელოვანი სწორედ ის მეგობრული და სტუდენტზე ორიენტირებული გარემო აღმოჩნდა, რომელსაც commschool-ში აუცილებლად შეხვდებით."

ქეთევან კალანდაძე

საინტერესო გამოცდილება და დასამახსოვრებელი კამპანია

ბარბარე ამბობს, რომ მისთვის ყველა განხილულ პლატფორმაზე მუშაობა საინტერესო გამოცდილება იყო, რადგან თითოეულ პლატფორმას თავისი სპეფიციკა და კონტენის მიმართ განსხვავებული მიდგომა სჭირდება. განსაკუთებით გამოარჩევს TikTok-სა და Instagram-ს.

მისთვის ყველაზე სახალისო აღმოჩნდა ფიზიკურ ვორქშოპებზე კონტენტის შექმნა და გამოარჩევდა ფინალურ პროექტზე მუშაობას, რომელსაც რეალური დამკვეთის ამოცანად აღიქვავდა. განსაკუთრებით დაამახსოვრდა ემოციურ კამპანიებზე დაფუძნებული პროექტები, რომლებიც აუდიტორიასთან ღრმა კავშირს ქმნიდნენ. მათ შორის აღნიშნავს Dove-ის სოციალურ სტერეოტიპებთან ბრძოლისადმი მიძღვნილ კამპანიებს, რომლებიც მისთვის ნათელი მაგალითია, რომ კონტენტი მხოლოდ რეკლამა არაა.

ქეთევანი განსაკუთრებით გამოარჩევს YouTube-ის პლატფორმას, რომელსაც მისი აზრით ყველაზე ერთგული და აქტიური აუდიტორია ჰყავს. ამბობს, რომ ვიდეოს ქრონომეტრაჟი და ფორმატის მრავალფეროვნება საშუალებას აძლევს როგორც კონტენტ კრეატორს, ასევე კონტენტ მარკეტერს, რომ აუდიტორიას გაუზიაროს ბრენდის ღირებულებები ავთენტურად და შექმნას ნდობაზე დაფუძნებული ურთიერთობა.

მისთვის ყველაზე საინტერესო TikTok-ის დავალება იყო. ქეთევანმა ნათლად დაინახა, რომ სწორი ფორმატის და სტრატეგიის პირობებში TikTok-ი ბრენდებს საშუალებას აძლევს მინიმალური რესურსით სწრაფად მიაწვდინონ ხმა აუდიტორიას. ყველაზე დასამახსოვრებელი კი აღმოჩნდა ინფლუენსერ მარკეტინგზე შექმნილი კამპანია. კრეატორების კონტენტის, ნიშისა და წარსული კოლაბორაციების კვლევამ მას აჩვენა, რამდენად მნიშვნელოვანია ავთენტურობა და ორგანული ინტეგრაცია წარმატებული კამპანიისთვის.

ფინალური პროექტი

ბარბარე ამბობს რომ ფინალურ პროექტზე მუშაობის პროცესში ლექტორი, მუდმივად მზად იყო დახმარებისთვის – პასუხობდა ყველა კითხვას და აქტიურად იყო ჩართული ნებისმიერი ეტაპის გადაწყვეტაში. ინსპირაციის წყაროდ ბარბარეს მისი ერთ-ერთი საყვარელი ქართული კომპანია, Winess, დაესახა, რომლისთვისაც საახალწლო კამპანია შექმნა. კამპანიის მიზანი იყო ეჩვენებინა, რომ ღვინო ადამიანებს აერთიანებს, ქმნის თბილ ატმოსფეროს და უფრო აახლოვებს ურთიერთობებს.

პროექტის განმავლობაში ბარბარე ლექტორისგან მიღებულ უკუკავშირს აქტიურად იყენებდა, რაც მისივე აზრით, დაეხმარა პროექტის დახვეწასა და გაუმჯობესებაში.

ფინალური პროექტისთვის ქეთევანმა შეარჩია თემა, რომელიც მისთვის პირადადაც ძალიან მნიშვნელოვანია – ჯანსაღი ცხოვრების წესი და სწორი კვება. მან იმუშავა კომპანიაზე „ფიზკულტურა“, რომელიც მომხმარებლებს ინდივიდუალურ კვების გეგმებს სთავაზობს. მისი შთაგონება გახდა კომპანიის პერსონალიზებული მიდგომა, რის საფუძველზეც შექმნა სარვამარტო კამპანია და სპეციალური მენიუ ქალებისთვის, მორგებული ჰორმონალურ და მეტაბოლურ ცვლილებებზე.

პროექტზე მუშაობა მოითხოვდა როგორც კრეატიულ ნაწილს, ისე სამედიცინო წყაროების საფუძვლიან შესწავლას. მიღებული ინფორმაცია მან აუდიტორიისთვის მარტივ და გასაგებ ენაზე გადააქცია. პროცესში აქტიურად იყენებდა ლექტორის უკუკავშირს, რაც დაეხმარა, რომ საბოლოო პროდუქტი შინაარსობრივად გამართული და ლოგიკურად სტრუქტურირებული გამოსულიყო.

რჩევები მომავალ სტუდენტებს

ბარბარე ურჩევდა ყველას, ვინც ამ სფეროთი ინტერესდება ან კურსის დაწყებას გეგმავს, რომ არ გადადონ ეს შესაძლებლობა და არ შეუშინდნენ პროფესიულ ცვლილებებს. მისი რჩევაა, მუდმივად ეძებონ პრაქტიკული გამოცდილება და გამოიყენონ ყველა შანსი, რაც გზად შეხვდებათ.

კურსისადმი ბარბარეს შთაბეჭდილება ძალიან პოზიტიურია. მისი თქმით, commschool-ის მიდგომა და ლექტორის პროფესიონალიზმი განსაკუთრებულად ღირებული აღმოჩნდა. 

ქეთევანი მიიჩნევს, რომ ეს კურსი საუკეთესო არჩევანია ყველასთვის, ვისაც კონტენტის შექმნა და სოციალური მედიის მართვა აინტერესებს. მისი თქმით, commschool‑ის ლექტორი და კოორდინატორები ქმნიან იმ გარემოს, სადაც სწავლა ერთდროულად სასიამოვნო და პრაქტიკულ გამოცდილებაზე ორიენტირებული ხდება. ქეთევანი მომავალ სტუდენტებს ურჩევს, აქტიურად იმუშაონ დავალებებზე და სრული ყურადღება დაუთმონ უკუკავშირებს.

მისი კურსისისადმი შთაბეჭდილებაც ძალიან პოზიტიურია, ამბობს, რომ მასალები თანამედროვე კვლევებზეა დაფუძნებული, ლექციები კი ინტენსიური და კარგად ორგანიზებულია, რაც პროცესს ეფექტურსა და შედეგიანს ხდის.

სამომავლო გეგმები

კარიერული მიმართულებით ბარბარე მომავალს მკაფიოდ ხედავს: სურს შექმნას და გაავრცელოს საკუთარი კონტენტი, ასევე დაეხმაროს სტარტაპებსა და სხვადასხვა კომპანიებს სწორად დაგეგმილი კომუნიკაციით, რათა ეფექტურად მიიტანონ თავიანთი მესიჯი მომხმარებლამდე, გაზარდონ გაყიდვები და ბრენდის ცნობადობა.

ქეთევანი კი, კურსის დასრულების შემდეგ  გეგმავს სტაჟირების გავლას კონტენტ მარკეტინგის მიმართულებით ერთ-ერთ კრეატიულ სააგენტოში. ის აპირებს, რომ მიღებული თეორიული ცოდნა პრაქტიკული გამოცდილებით გაამყაროს და მაქსიმალურად გამოიყენოს ეს შესაძლებლობა. შემდგომ ეტაპზე კი იმედოვნებს, რომ უშუალოდ კომპანიებთან ითანამშრომლებს, მიიღებს ახალ გამოცდილებას და გუნდთან ერთად საინტერესო პროექტებზე იმუშავებს.

კურსის შესახებ

კონტენტ მარკეტინგის კურსი ასწავლის კონტენტის შექმნისა და მართვის მთელ პროცესს – იდეის გენერირებიდან შედეგების გაზომვამდე.კურსი აერთიანებს რეალურ ბრიფებზე მუშაობას და პრაქტიკულ ვორქშოპებს, სადაც მონაწილეები სწავლობენ, როგორ უნდა გადაიქცეს იდეა სრულყოფილ კონტენტ სტრატეგიად, მოერგოს სხვადასხვა ფორმატსა თუ პლატფორმას (Facebook, Instagram, TikTok, YouTube, LinkedIn). მონაწილეები ეუფლებიან კონტენტ კამპანიის დაგეგმვას, ვიზუალური და ტექსტური მასალის შექმნას, გადაღებების ორგანიზებას, ინფლუენსერ მარკეტინგის გამოყენებასა და ანალიტიკის დახმარებით შედეგების შეფასებას.კურსის დასრულების შემდეგ გაიცემა ორენოვანი სერტიფიკატი, ხოლო კურსდამთავრებულები უერთდებიან Alumni Club-ს, რომელიც მათ დამატებით შესაძლებლობებსა და სტაჟირების შეთავაზებებს აძლევს.

თუ გინდა შენი იდეები რეალურ კონტენტად და ეფექტურ კამპანიებად გადააქციო – commschool-ის კონტენტ მარკეტინგის კურსი სწორედ შენთვისაა!

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
20 საათი
საშუალო
1500₾
Data-Driven მარკეტინგი
ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.
14 ლექცია
42 საათი
დამწყები
1400₾
SEO
SEO-ს მიზანია, მომხმარებლებს პროდუქტის ან სერვისის მოძებნისას ჩვენი ბიზნესი მოხვდეს პირველი თვალში, რადგან ტერმინი Top of Mind ციფრულ ერაში Top of Search-ს ნიშნავს. სწორ ორგანულ ტრეფიკს 10-ჯერ მეტი ღირებულების მოტანა შეუძლია, ვიდრე სხვა არხით შემოსულ მომხმარებლებს. დღეს, გლობალურად, ელექტრონული კომერციები ტრეფიკის  39%-ს სწორედ საძიებო სისტემებით აგენერირებენ და ადამიანები მხოლოდ Google-ის საძიებო სისტემაში 3.5 მილიარდ ფრაზას ეძებენ ყოველდღიურად.კურსის განმავლობაში ვისწავლით ყველა იმ მნიშვნელოვან საკითხს, რომელიც საძიებო სისტემებში მაღალ პოზიციებზე გამოჩენაში დაგვეხმარება. რეალურ მაგალითებზე დაყრდნობით შევაფასებთ საიტების მდგომარეობას, გამოვასწორებთ შეცდომებს, ვისწავლით საიტის ავტორიტეტის ამაღლებას საძიებო სისტემაში და პრაქტიკაში გავიღრმავებთ ცოდნას შედეგების სწორად და ეფექტურად გაზომვისთვის.
16 ლექცია
48 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება