კურსდამთავრებულთა შთაბეჭდილებები - გრაფიკული დიზაინი

blog-detail-img

გრაფიკული დიზაინი უფრო მეტია, ვიდრე უბრალოდ ლამაზი ვიზუალის შექმნა – ეს არის ვიზუალური კომუნიკაციის ხელოვნება, რომელიც თანამედროვე სამყაროს ყველა სფეროში მნიშვნელოვან როლს ასრულებს. დღეს გაგაცნობთ ორი განსხვავებული უნარებისა და გამოცდილების მქონე კურსდამთავრებულის ისტორიას, რომლებმაც commschool-ის გრაფიკული დიზაინის კურსით თავიანთი შემოქმედებითი მოგზაურობა დაიწყეს.

გაიგე მეტი კურსის შესახებ

პროფესიული ტრანსფორმაცია

ქრისტინა კალანდარიშვილი სოციალური ფსიქოლოგიის მაგისტრანტია, რომლისთვისაც ხელოვნებას ყოველთვის განსაკუთრებული მნიშვნელობა ჰქონდა.

გრაფიკული დიზაინით ქრისტინა სამი წლის წინ დაინტერესდა, როცა გაუჩნდა ძლიერი სურვილი, შეესწავლა ეს სფერო, რის შემდეგაც დაიწყო ინფორმაციის მოძიება და რეკომენდაციების შეგროვება, სწორედ ასე მიაგნო commschool-ს.

მიუხედავად პროფესიული გამოცდილების არარსებობისა, ხატვა და ილუსტრაციების შექმნა დიდ სიამოვნებას ანიჭებდა. სწორედ ამ რთულ პერიოდში გაუჩნდა სურვილი, შეეცნო ახალი სფერო და ეპოვა თვითგამოხატვის გზა.

ქეთა ბარამიძე ბოლო 5 წელია ინგლისური ენის თარჯიმნად მუშაობს. მიუხედავად იმისა, რომ გრაფიკული დიზაინი მისთვის სრულიად ახალი სფერო იყო, მას ყოველთვის იზიდავდა ვიზუალური ხელოვნება — განსაკუთრებით, როგორც თავად აღნიშნავს, “საინტერესო გრაფიკული ვიზუალები და ლამაზი შეფუთვები.” სწორედ ეს ინტერესები გახდა მისი მოტივაცია, დაეწყო ახალი კარიერული გზა და შეესწავლა გრაფიკული დიზაინის საფუძვლები.

ერთ-ერთი მიზეზი, თუ რატომ დაინტერესდა გრაფიკული დიზაინის შესწავლით, მისი ბიზნეს იდეის ვიზუალურად განვითარებისა და რეალიზაციის სურვილი იყო, რომელზეც აქტიურად მუშაობს.

მიღებული გამოცდილება

ქრისტინამ სულ რაღაც 7 კვირაში აითვისა ახალი პროფესია. მისთვის განსაკუთრებით მნიშვნელოვანი იყო ლექციები და დავალებების განხილვები, სადაც შეეძლო როგორც საკუთარი, ისე სხვების შეცდომების ანალიზი და ამ გზით სწავლა. ლექციებს ყოველთვის დიდი მოტივაციით ელოდა, რადგან ისინი მისთვის თვითგანვითარებისა და ზრდის მნიშვნელოვან პროცესს წარმოადგენდა.

ქეთას გამოცდილება ამ კურსთან დაკავშირებით განსაკუთრებით შთამბეჭდავი აღმოჩნდა — მისი თქმით, კურსმა მის მოლოდინს გადააჭარბა. ქეთასთვის მთავარი გამოწვევა იყო რთული მასალის მოკლე დროში ათვისება და მიღებული ცოდნის პრაქტიკაში გამოყენება.

მიუხედავად იმისა, რომ მანამდე არ ჰქონდა შეხება გრაფიკულ დიზაინთან, კურსის დასრულების შემდეგ შეძლო დამოუკიდებლად შეექმნა სკეჩები, დაემუშავებინა ისინი Illustrator-ში, შეექმნა ლოგოები, სოციალური მედიის პოსტები, ბრენდის იდენტობა, ბრენდბუქი და სხვა დიზაინ-ელემენტები.

ორივე კურსდამთავრებული კურსის შედეგით სრულად კმაყოფილია, მათთვის მიღებული ცოდნა და პრაქტიკული გამოცდილება ფასდაუდებელია და სწავლის პერიოდში გატარებული თითოეული ეტაპი მნიშვნელოვან ინვესტიციად მიაჩნიათ პროფესიული განვითარების გზაზე.

ფინალური პროექტები

ქრისტინასთვის ფინალური პროექტის შექმნის პროცესი განსაკუთრებული სიამოვნების წყარო იყო. მან დამოუკიდებლად შეიმუშავა მოქაფები საკუთარი ილუსტრაციებისთვის, ლოგოს მონოგრამა, GIF-ები და პოსტერები. პროექტზე მუშაობისას ქრისტინას სურდა მოულოდნელობის ეფექტის შექმნა, ამიტომაც გადაწყვიტა ყველაფერი დამოუკიდებლად შეესრულებინა. ინსპირაცია მუდბორდზე წარმოდგენილი ორი ილუსტრაციიდან აიღო, ხოლო დანარჩენი ელემენტები მთლიანად თავისი შემოქმედებითი ხედვით შექმნა.

ქეთამ ფინალურ პროექტად შეარჩია ქართული სტარტაპის – „პატარა გრუთის“ – რებრენდინგი. მისი აზრით, არსებული ბრენდი ხასიათდებოდა არათანმიმდევრული ვიზუალური იდენტობით. ქეთამ შეიმუშავა სრულიად ახალი, ერთიანი ვიზუალური სისტემა, რომელიც მოიცავდა ლოგოს, ფერთა პალიტრას, შრიფტებს, ილუსტრაციებსა და შეფუთვის დიზაინს. ყველა ელემენტი ერთმანეთთან სტილისტურად თანხვედრაში იყო და ქმნიდა მკაფიო, სრულყოფილ ბრენდულ იდენტობას. მისი მიზანი იყო, რომ რებრენდინგის შედეგად სტარტაპს ჰქონოდა პროფესიონალური, თანმიმდევრული და ვიზუალურად გამართული სტილი.

რჩევები და სამომავლო გეგმები

ქრისტინა გრაფიკული დიზაინის სამყაროში პირველი ნაბიჯების შემდეგ დღეს უკვე აქტიურად ცდილობს განვითარდეს ამ მიმართულებით და მზად არის, თავისი ახალი უნარები რეალურ პროექტებში გამოიყენოს. ქრისტინას რეკომენდაცია დამწყებთათვის:

"ვინც ფიქრობს commschool-ის გრაფიკული დიზაინის კურსის გავლას, მერწმუნეთ, წინ გელით დიდი აღმოჩენების, საინტერესო, სასიამოვნო და შემეცნებითი სწავლის გამოცდილება!"

ქრისტინა კალანდარიშვილი

ქეთა მიიჩნევს, რომ განსაკუთრებით მნიშვნელოვანია კრიტიკის მიღება და უკუკავშირის მეშვეობით თითოეული პროცესის გააზრება. ქეთა უკვე მუშაობს ახალი ბრენდის ვიზუალურ იდენტობაზე და აგრძელებს სწავლას AI in Content Creation-ის კურსზე commschool-ში:

"უდიდეს რეკომენდაციას ვუწევ ამ კურსს. ამ კურსის მეშვეობით ნულიდან დაიწყებთ სწავლას და საბოლოოდ გექნებათ ისეთი ცოდნა და უნარები, რომ დამოუკიდებლად შეძლებთ მუშაობას ამ სფეროში."

ქეთა ბარამიძე

ქრისტინასა და ქეთას ისტორიები ცხადყოფს, რომ გრაფიკული დიზაინი ხელმისაწვდომია ყველასთვის, მიუხედავად წინასწარი გამოცდილებისა. ვხედავთ, როგორ შეიძლება სრულიად ახალი სფეროს დაუფლებას ნულიდან.

ორივე სტუდენტის გამოცდილება ადასტურებს, რომ გრაფიკული დიზაინის კურსი სთავაზობს სტუდენტებს არა მხოლოდ ტექნიკურ უნარებს, არამედ შემოქმედებითი აზროვნების განვითარებასა და პროფესიული ზრდის საფუძვლებს. კურსის წარმატების მთავარი ფაქტორებია ხარისხიანი სწავლების პროგრამა, გამოცდილი ლექტორის მხარდაჭერა და გარემო.

გრაფიკული დიზაინის კურსი

commschool-ის გრაფიკული დიზაინის კურსი განკუთვნილია მათთვის, ვისაც სურთ გრაფიკული დიზაინის საფუძვლიანად შესწავლა ნულიდან. კურსი მოიცავს დიზაინის პროცესის სრულ ციკლს: ბრიფის ანალიზს, მუნდბორდის შექმნას, ლოგოს სკეჩირებასა და მრავალარხიანი ვიზუალური მასალების დამზადებას.

სწავლა ეფუძნება პრაქტიკულ სამუშაოებს და ორიენტირებულია Adobe Photoshop-ისა და Illustrator-ის გამოყენებაზე, რაც მონაწილეებს საშუალებას აძლევს შეიმუშაონ პროფესიული სტანდარტების შესაბამისი ნამუშევრები. ყოველი ლექციის შემდეგ სტუდენტები ასრულებენ პრაქტიკულ დავალებებს, ხოლო კურსის ბოლოს ქმნიან ინდივიდუალურ პროექტს საკუთარი პორტფოლიოსთვის.

კურსდამთავრებულები იღებენ ორენოვან სერტიფიკატს და უერთდებიან commschool-ის Alumni Club-ს, რაც ხელს უწყობს პროფესიული კავშირების დამყარებას, კარიერულ განვითარებასა და ახალ შესაძლებლობებზე წვდომას.

თუ შენც გინდა, რომ შენი კრეატიულობა იქცეს შენს ძლიერ პროფესიულ უპირატესობად — commschool-ის გრაფიკული დიზანის კურსი სწორედ შენთვისაა.

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
12 ლექცია
36 საათი
საშუალო
1400₾
Art Direction
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში.ნებისმიერი ვიზუალური გადაწყვეტის მიღმა, იქნება ეს პოსტერი, ანიმაცია, ლოგო და თუ სხვა, დგას ძლიერი კონცეფცია და ექსპერიმენტული მიდგომები. Art Direction-ის ეს კურსი გაძლევთ შესაძლებლობას დაინახოთ და გაიაროთ გზა რომელიც წარმატებული ნამუშევრების საფუძველია. პროგრამის განმავლობაში თქვენ ისწავლით ინდივიდუალურობის შენარჩუნებას კონკურენტულ გარემოში, ძლიერი კონცეფციების შექმნას თანამედროვე ვიზუალურ სამყაროში და ამბის თხრობის გაძლიერებას კონცეფციის ისეთი ელემენტებით, როგორიცაა პერსონაჟი, სიუჟეტი, ტონი და ვიზუალური მხარე. შეისწავლით კლიენტის პრობლემის ვიზუალურ გადაწყვეტას და ჩაერთვებით კრეატიული კამპანიის შექმნის მთლიან პროცესში - მიღებული ბრიფის შემოქმედებითი გადაწყვეტიდან მის აღსრულებამდე. კურსი ფოკუსირებულია პრაქტიკულ გამოცდილებაზე, სადაც იმუშავებთ კამპანიის შექმნის სრულ პროცესზე, რაც მოგცემთ ინდუსტრიაში არსებული გამოწვევების გადაჭრის გამოცდილებას.
13 ლექცია
39 საათი
საშუალო
1300₾
Motion Design
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოებიდან ერთ-ერთში. Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება