გაიცანი AI Essentials-ის ლექტორი: არჩილ შარაშენიძე

blog-detail-img

ხელოვნური ინტელექტი (AI) აღარ არის მხოლოდ სამეცნიერო ფანტასტიკის თემატიკა. იგი გახდა ჩვენი ყოველდღიური ცხოვრების განუყოფელი ნაწილი. AI ხელსაწყოები, როგორიცაა ChatGPT, Claude.ai და Gemini, საშუალებას გვაძლევს გავაუმჯობესოთ ჩვენი პროდუქტიულობა, შევამციროთ რუტინული სამუშაოები და გავხადოთ ჩვენი საქმიანობა უფრო ეფექტური.

სწორედ ამ რეალობას პასუხობს AI Essentials-ის კურსი — მისი მიზანია ხელოვნური ინტელექტის გამოყენების ყველა საჭირო დეტალის პრაქტიკულ დონეზე სწავლება. კურსი დაგეხმარება თავდაჯერებულად და ეფექტურად გამოიყენო AI ინსტრუმენტები როგორც ყოველდღიურ ცხოვრებაში, ისე პროფესიულ საქმიანობაში. თანამედროვე სამყაროში, სადაც ტექნოლოგია წამყვან როლს ასრულებს, აუცილებელია მზად ვიყოთ ახალ გამოწვევებთან.

ამაში კი დაგეხმარება ჩვენი ლექტორი, არჩილ შარაშენიძე, რომელმაც ხელოვნური ინტელექტი ჯერ ინტერესად, შემდეგ კი საკუთარი პროფესიის ძირითად მიმართულებად აქცია.

"სკეპტიკურად განწყობილ ადამიანებს ვეტყოდი, რომ AI ელექტროენერგიასავით არის, ერთ დროს უცხო და აბსტრაქტული, მაგრამ ახლა თანამედროვე ცხოვრების განუყოფელი ნაწილი."

არჩილ შარაშენიძე
გაიგე მეტი კურსის შესახებ

კარიერული გზა

არჩილმა კარიერა ტექნოლოგიაში სრულიად შემთხვევით დაიწყო და ბიზნესის ნაცვლად ინჟინერია აირჩია. ამავდროულად მალევე დაინტერესდა ტექნოლოგიური სტარტაპებითა და რეალური გამოცდილების მიღებით. ერთ-ერთი პირველი მნიშვნელოვანი ნაბიჯი იყო AzRy-ში სტაჟირება, რომელიც შემდგომ სრულფასოვან სამუშაოდ გადაიქცა. 

შემდეგ კი მისი პროფესიული გზა საერთაშორისო გამოცდილებითაც გამდიდრდა, გამოცდილება მიიღო სილიკონ ველიზე დაფუძნებულ EdTech სტარტაპ GoPeer-ში, ბიოინფორმატიკისა და გლობალური ლოჯისტიკის სფეროში მომუშავე კომპანიებში, Quantori-სა და Körber Supply Chain-ში, სადაც AI-ზე დაფუძნებული საწყობის მართვის სისტემებზე მუშაობდა.

ამჟამად არჩილი სრულად ჩართულია საკუთარი AI სააგენტოს, Mazeg-ის, მართვაში და კომპანიებს ეხმარება  დანერგონ AI პროდუქტებსა თუ სერვისებში.

კომუნა და ცოდნის გაზიარება

პარალელურად, არჩილი აქტიურადაა ჩართული ქართული ტექნოლოგიური კომუნის განვითარებაში. იგი იყო Archill Podcast-ის წამყვანი, დღეს კი მიჰყავს Four Loop Pod – hardcore AI თემებზე ორიენტირებულ ტექნოლოგიური პოდკასტი. მის გარშემო ჩამოყალიბებული 300+ წევრიანი კომუნა ერთ-ერთი ყველაზე აქტიურია საქართველოში და სწორედ ამ ჯგუფის ორგანიზებით ჩატარდა ქვეყნის პირველი AI/MCP ჰაკათონიც.

მისი რჩევა ყველას, ვინც ცდილობს ტექნოლოგიურ სიახლეებს არ ჩამორჩეს, მარტივია: უნდა იყო აქტიური, უნდა ცდილობდე საინტერესო ადამიანების გაცნობას და მათთან კომუნიკაციას.

სოციალური მედია და პროფესიული კომუნიკაცია განუყოფელია სწრაფი განვითარებისგან. არჩილისთვის X (Twitter) სწორედ ასეთი ადგილია – აქ ყველა მნიშვნელოვანი სიახლე პირველ რიგში ჩნდება. დამატებით, არჩილი პირადად გვირჩევს Hacker News-ის გაცნობასაც.

ხელოვნური ინტელექტი - ყოველდღიურობის ნაწილი

ხელოვნური ინტელექტი არჩილის ცხოვრებაში ჯერ უნივერსიტეტიდან, უფრო თეორიულ-მათემატიკურ დონეზე შემოვიდა. თუმცა ყველაფერი პრაქტიკულად დაიწყო მაშინ, როცა ChatGPT პირველად გამოჩნდა. Mazeg–ის დაარსების შემდეგ კი AI მისთვის მხოლოდ ინტერესის საგანი აღარ იყო – ის სამუშაო ინსტრუმენტად იქცა, რომელსაც ყოველდღიურად იყენებს და რომლის დახმარებითაც მომხმარებლებისთვის რეალურ პროდუქტებს ქმნის.

მისი თქმით, მთავარია AI-ის გამოყენება ChatGPT-თან გამარჯობით დავიწყოთ. 

უთხარი 'გამარჯობა' ChatGPT-ის, აქციე ის შენს მეგობრად/ასისტენტად და მოექეცი როგორც ნამდვილ ადამიანს. მერწმუნე, როგორც კი ალღოს აუღებ მას, ვერც კი გაიაზრებ ისე გახდება შენი ცხოვრების განუყოფელი ნაწილი.

არჩილ შარაშენიძე

კურსი: AI Essentials

commschool-ის ლექტორობა  არჩილისთვის ბუნებრივი გაგრძელება იყო. წლების განმავლობაში მენტორობის სხვადასხვა ფორმაში ჩართული იყო, ახლა კი უკვე მიზანმიმართულად ასწავლის. მისთვის სწავლებაც ისეთივე საზოგადოებრივი პასუხისმგებლობაა, როგორიც პოდკასტი, კომუნა თუ საჯარო აქტივობები.

AI Essentials სწორედ იმ ადამიანებისთვის შეიქმნა, ვისაც სურს AI-ის გამოყენება, მაგრამ ჯერ არ იცის საიდან დაიწყოს. ტექნიკური ცოდნის არქონა არანაირი ბარიერი არ არის, პირიქით ეს კურსის სწორედ მათთვის არის ვისაც საერთოდ არ ჰქონია ან მინიმალური შეხება ჰქონია AI-თან. კურსის მთავარი მიზანია, სტუდენტებმა გამოიმუშაონ თავდაჯერებულობა და პრაქტიკული უნარ-ჩვევები, რომ AI რეალურ ცხოვრებაში და საკუთარ პროფესიაში გამოიყენონ.

პრაქტიკული სწავლება

კურსი აერთიანებს თეორიასა და პრაქტიკას. ყოველი სესია მოიცავს რეალურ დავალებებსა და აქტიურ მუშაობას ისეთ ინსტრუმენტებთან, როგორიცაა ChatGPT, Midjourney, Perplexity და lovable.dev. კურსის ბოლო ნაწილი ფინალურ პროექტს ეთმობა – სტუდენტს ეძლევა შესაძლებლობა შექმნას რეალური AI გადაწყვეტილება, რომელიც მოიცავს კვლევას, ვიზუალურ ნაწილს, ავტომატიზაციასა და პრეზენტაციას – ყველაფერი ხელოვნური ინტელექტის დახმარებით.

კურსი აუმჯობესებს არა მხოლოდ ტექნიკურ უნარებს, არამედ AI-თან დაკავშირებულ აზროვნებასაც – სტუდენტები სწავლობენ, როგორ იფიქრონ AI-თან ერთად და როგორ აქციონ ის მძლავრ ინსტრუმენტად საკუთარი მიზნების მისაღწევად.

თუ მზად ხარ, ხელოვნური ინტელექტი შენი პროფესიული და ყოველდღიური ცხოვრების ნაწილად აქციო, AI Essentials კურსი სწორედ შენთვისაა.

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI Agents & Automations
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
25 საათი
დამწყები
1400₾
AI ბიზნესის განვითარებაში
ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის.  ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.
12 ლექცია
36 საათი

გაიცანი ლექტორი

AI Essentials არის პრაქტიკაზე დაფუძნებული კურსი, რომელიც ხელოვნურ ინტელექტის გამოყენების ყველა საჭირო დეტალს შეგასწავლის. არ აქვს მნიშვნელობა გაქვს თუ არა ტექნიკური გამოცდილება: კურსი დაგეხმარება თავდაჯერებულად გამოიყენო AI ინსტრუმენტები ყოველდღიურ ცხოვრებაში, კარიერასა თუ ბიზნესში. თანამედროვე სამყაროში, სადაც ტექნოლოგია წამყვან როლს ასრულებს, ეს კურსი დაგეხმარება მზად იყო ახალი გამოწვევებისთვის.

გაიგე მეტი