გაიცანი UI/UX დიზაინის კურსის ლექტორი - გიორგი ლეჟავა
დღეს მომხმარებლის გამოცდილება განსაზღვრავს პროდუქტის წარმატებას. UI/UX დიზაინი არ არის მხოლოდ „ლამაზი“ ინტერფეისი, არამედ ის არის ლოგიკა, ემპათია და ტექნოლოგია ერთ მთლიანობაში. სწორად აწყობილი UX ქმნის მარტივ და სასიამოვნო გზას მომხმარებლისთვის, რაც ბიზნესისთვის ნიშნავს მეტ ჩართულობას და ლოიალურობას. სწორედ ამიტომ UI/UX გახდა ერთ-ერთი ყველაზე მოთხოვნადი პროფესია, რომელიც აერთიანებს კრეატიულობას, ანალიტიკას და ინოვაციას.
ამ ბლოგში გაგაცნობთ გიორგი ლეჟავას – commschool-ის UI/UX კურსის ლექტორს, რომელიც გაგიზიარებთ საკუთარ ხედვას დიზაინის სამყაროზე, თანამედროვე ტენდენციებზე და იმ უნარებზე, რომლებიც აუცილებელია წარმატებული კარიერისთვის.
გიორგი ლეჟავა უკვე ათ წელზე მეტია დიზაინის სფეროში მუშაობს. მისი კარიერა დაიწყო სარეკლამო სააგენტოში McCann, შემდეგ კი გადაინაცვლა ციფრული პროდუქტების განვითარებაზე. ის იყო My.ge-სა და დღევანდელი TNET-ის გუნდის წევრი, სადაც აქტიურად მონაწილეობდა myauto.ge-ს განვითარებაში. გარდა ამისა, გიორგი არის სტარტაპის wowchy.ge დამფუძნებელი.
2023 წელს მან გაიმარჯვა Cannes Young Lion Georgia-ზე Digital კატეგორიაში, რაც კიდევ ერთხელ უსვამს ხაზს მის პროფესიონალიზმს და ინოვაციურ ხედვას.
დღეს გიორგი საქართველოს ბანკში Senior Product Designer-ის პოზიციაზე მუშაობს. მისი მთავარი მიზანია არა მხოლოდ ინტერფეისების შექმნა, არამედ მომხმარებლის გამოცდილების სრულფასოვანი ფორმირება – როგორ ურთიერთობს ადამიანი პროდუქტთან, რა მნიშვნელობა აქვს თითოეულ ელემენტს და როგორ გარდაქმნის დიზაინი ბიზნესის შედეგს.
UI/UX დიზაინის ძირითადი პრინციპები
UI/UX დიზაინი საბოლოოდ ბიზნესის ენაზე ნათარგმნი ემპათიაა.
მთავარი პრინციპებია:
- მომხმარებლის საჭიროებების რეალურად გაგება,
- სიმარტივე და თანმიმდევრულობა,
- მკაფიო იერარქია და ნავიგაცია,
- და ვიზუალური ენა, რომელიც მხოლოდ „ლამაზი“ კი არა, კომუნიკაციურია.
ბიზნესისთვის ეს ნიშნავს – ნაკლებ დაბნეულ მომხმარებელს, მეტ ჩართულობას და ლოიალურობას.
"სწორად აწყობილი UX ხშირად უკეთ მუშაობს, ვიდრე ძვირადღირებული რეკლამები - რადგან მომხმარებელი ბრუნდება მაშინ, როცა ის მარტივად და სასიამოვნოდ მიგყავს მიზნამდე."
UI/UX დიზაინი ხელოვნური ინტელექტის ერაში
UI/UX დიზაინი ხელოვნური ინტელექტის ეპოქაში გარდაიქმნება, რადგან AI უკვე აქტიურად მონაწილეობს დიზაინის პროცესში: ის ამარტივებს კვლევას, ქმნის იდეებს, გენერირებს ტექსტებს და ზოგჯერ კომპონენტებსაც აწყობს. თუმცა ეს არ წარმოადგენს საფრთხეს, რადგან დიზაინი დაფუძნებულია კითხვაზე „რატომ?“ – და ამ კითხვას მხოლოდ ადამიანი სვამს.
ხელოვნური ინტელექტი არის დამხმარე, არა შემცვლელი; ის ზოგავს დროს, მაგრამ აზროვნება, ინტუიცია, ემპათია და ესთეტიკური აღქმა მხოლოდ ადამიანურია. მომავალში წარმატებული დიზაინერი იქნება ის, ვინც იცის როგორ გამოიყენოს AI საკუთარი სარგებლისთვის.
ტენდენციები/ტრენდები
დღევანდელ UI/UX დიზაინში ტენდენციები მიმართულია სისტემურობისა და გამარტივებისკენ. დიზაინერები დღეს ფიქრობენ კომპონენტებად, ტოკენებად, სისტემებად – აღარ იქმნება ცალკე სქრინები, იქმნება მოქნილი ეკოსისტემები.
ასევე იზრდება Accessibility, DesignOps და AI-assisted workflows.
მომავალში უფრო მეტად გადაიქცევა დიზაინერი ტექნიკურ და სტრატეგიულ როლად – ადამიანი, ვისაც ერთდროულად ესმის მომხმარებელიც და ალგორითმიც.
ყველაზე გამოყენებადი პლატფორმები და ინსტრუმენტები UI/UX დიზაინში
UI/UX დიზაინში დღეს ყველაზე გამოყენებადი პლატფორმა არის Figma, რომლის ეკოსისტემა მოიცავს FigJam-ს კვლევისთვის, Tokens-ს დიზაინ სისტემებისთვის და Prototype-ს ტესტირებისთვის. დოკუმენტაციისა და იდეების სტრუქტურირებისთვის ფართოდ გამოიყენება Notion, რომელიც ხელს უწყობს პროცესების ორგანიზებას. ხელოვნური ინტელექტის მხარეს აუცილებელი ინსტრუმენტებია ChatGPT, Gemini, Figma Make და Lovable, რომლებიც აჩქარებენ ექსპერიმენტებს და იდეების გენერირებას. მოკლედ, Figma გამოიყენება აზროვნებისთვის, Notion – ფიქრის ორგანიზებისთვის, ხოლო AI – ფიქრის დაჩქარებისთვის.
შეცდომები, რომლებსაც დამწყები დიზაინერები ხშირად უშვებენ
გიორგი აღნიშნავს, რომ დამწყები დიზაინერები ხშირად უშვებენ რამდენიმე ტიპურ შეცდომას. ყველაზე გავრცელებულია დიზაინის შექმნა ინსტინქტზე დაყრდნობით, კვლევის გარეშე. ბევრი კონცენტრირდება ფერებზე, ჩრდილებზე და სტილზე, თუმცა ავიწყდება, რომ UX პირველ რიგში ლოგიკაა და არა ვიზუალური ეფექტი. ასევე ხშირია ზედმეტი სურვილი ყველაფრის დიზაინად ქცევის, მაშინ როცა ზოგჯერ საუკეთესო UX ნიშნავს არაფრის დამატებას. კიდევ ერთი მნიშვნელოვანი შეცდომაა დაუფიქრებელი პრეზენტაცია.
“თუ არ შეგიძლია ახსნა შენი გადაწყვეტილებები, ის თითქოს არც არსებობს.”
5 მიზეზი რატომ უნდა გახდე UI/UX დიზაინერი დღეს
- ეს პროფესია აერთიანებს ლოგიკას, ემპათიას და ესთეტიკას – ეს იშვიათი კომბინაციაა.
- შეგიძლია იმუშაო მსოფლიოს ნებისმიერი წერტილიდან, მხოლოდ ლეპტოპით.
- ბაზარი ჯერ კიდევ იზრდება – კარგ დიზაინერებზე მოთხოვნა უფრო მეტია, ვიდრე მიწოდება.
- შეგიძლია შექმნა რამე, რაც მართლა ამარტივებს ადამიანების ცხოვრებას.
- და ბოლოს – ეს პროფესია გაძლევს მუდმივი სწავლების მოტივაციას, იმიტომ რომ ყოველდღე რაღაც ახალი ჩნდება.
კურსის შესახებ
commschool-ის UX/UV-ის კურსი არის პრაქტიკაზე დაფუძნებული პროფესიული პროგრამა, რომელიც ავითარებს არა მხოლოდ ტექნიკურ ცოდნას, არამედ დიზაინერულ აზროვნებასაც. სტუდენტები Capstone პროექტის ფარგლებში თავიდან ბოლომდე ქმნიან მობილურ აპლიკაციას — მომხმარებლის კვლევიდან და wireframe-ების შექმნიდან UI სისტემის, ტოკენების, პროტოტიპისა და საბოლოო პრეზენტაციის მომზადებამდე. პროცესში ინტეგრირებულია AI, როგორც კვლევის, იდეაციის და ტექსტის გენერაციის ინსტრუმენტი, ხოლო Agile და კოლაბორაციის ნაწილი ასწავლის გუნდურ მუშაობას და დიზაინ სისტემების შექმნას პროდუქტის მასშტაბით. კურსის დასრულების შემდეგ მონაწილეს ექნება სრულფასოვანი პორტფოლიო ქეისი, ნათელი ხედვა UI/UX პროცესის შესახებ და თავდაჯერებულობა იმუშაოს Junior Product Designer-ის პოზიციაზე ან დაიწყოს საკუთარი პროექტი.
ეს არ არის მხოლოდ კურსი – ეს არის გზა, რომ დაიწყოს ადამიანმა ფიქრი როგორც დიზაინერმა.
რელევანტური ბლოგები
-
-
გაიგე ვრცლად კონტენტ მარკეტინგის განახლებული კურსის შესახებ...
-
გაიცანი მონაცემთა ინჟინერიის კურსის ლექტორი- გუჯა ლომსაძე...
-
-
-
გაიცანი AI Agents & Automations-ის ლექტორი - ნიკა საკანდელიძე...
-
გაიცანი AI in Business Development-ის კურსის ლექტორი: გუა ტაბიძე...
-
5 მიზეზი, რატომ უნდა გამოიყენოს მარკეტერმა AI ხელსაწყოები...
-
6 ხელსაწყო, რომელსაც AI in Content Creation-ის კურსზე ისწავლი...
-
შესაძლოა გაინტერესებდეს
საშუალო
საშუალო
საშუალო
შესვლა Google-ით
შესვლა Facebook-ით