გაიცანი AI in Business Development-ის კურსის ლექტორი: გუა ტაბიძე

blog-detail-img

დღევანდელ ბიზნეს რეალობაში ხელოვნური ინტელექტი (AI) აღარ არის მხოლოდ ტექნოლოგიური ტრენდი — ის გარდაქმნის თამაშის წესებს და აყალიბებს ახალ ღირებულებებს. სწორედ ამ ტრანსფორმაციულ პროცესს ეხმიანება commschool-ის კურსი AI in Business Development, რომელიც გვასწავლის, როგორ დავნერგოთ AI რეალურ ბიზნეს ამოცანებში და მივაღწიოთ მაქსიმალურ შედეგებს.

კურსის ლექტორია გუა ტაბიძე — პრაქტიკოსი ლექტორი,  AI გადაწყვეტილებების სტრატეგი და განვითარების მრჩეველი, 10+ წლიანი გამოცდილებით ტექნოლოგიურ სფეროში, რომელიც ეხმარება კომპანიებს გამოავლინონ და გამოიყენონ AI-ის რეალური შესაძლებლობები. მისი პრაქტიკული გამოცდილება და ინოვაციური ხედვა კურსს უნიკალურობას ანიჭებს და მონაწილეებს დაეხმარება, უკეთ გაიაზრონ AI-ის როლი ბიზნესის განვითარებაში.

ამ ბლოგში უფრო ახლოს გაგაცნობთ გუას პროფესიულ გზას, ხედვებს და იმ გამოცდილებას, რომელიც მას აძლევს ღირებულ შესაძლებლობას — დაეხმაროს ბიზნესებს გააძლიერონ თავიანთი პოტენციალი და მაქსიმალურად გამოიყენონ AI-ის შესაძლებლობები.

"AI აღარ არის მხოლოდ ტრენდი – ის ბიზნესის მომავლის საფუძველია. მისი უგულებელყოფა ნიშნავს, რომ თქვენ რისკავთ არა მხოლოდ ჩამორჩენას, არამედ თამაშიდან გასვლასაც.“

გუა ტაბიძე
გაიგე მეტი კურსის შესახებ

კარიერული გზა

გუას კარიერული გზა უნიკალური სიზუსტით აერთიანებს საკუთარ მიზნებსა და ბაზრის საჭიროებების ჰარმონიას. მისი თქმით, წარმატების მიღწევა შემთხვევითობებზე არ დგას — პირიქით, ეს მიზანმიმართული და გააზრებული განვითარების შედეგია. მისი კარიერა TBC ბანკში დაიწყო, სადაც მან 40-ზე მეტი ციფრული პროდუქტის დიზაინზე იმუშავა. მიღებულმა გამოცდილებამ საშუალება მისცა, დაენახა მომხმარებლების საჭიროებები და შეექმნა ინოვაციური გადაწყვეტილებები, რომლებიც მილიონობით მომხმარებლის კომფორტს ემსახურებოდა.

მოგვიანებით, გუა Adjarabet-ში ხელმძღვანელობდა ქართულ და სომხურ ბაზრებზე პასუხისმგებლიანი გემბლინგის მიმართულებას. ამ პერიოდში მან პირველად დაიწყო ხელოვნური ინტელექტის გამოყენება თამაშების პერსონალიზაციისა და კონტენტის ოპტიმიზაციისთვის. ეს გამოცდილება მისთვის გარდამტეხი აღმოჩნდა და ნათლად დაანახა, თუ როგორ შეუძლია AI-ს მნიშვნელოვნად გააუმჯობესოს მომხმარებლის გამოცდილება.

გენერაციული ხელოვნური ინტელექტის (GenAI) ერაში მისი ჩართულობა მოიცავს ისეთ ინოვაციურ პროექტებს, როგორიცაა Claude (AI-ზე დაფუძნებული ინსაითები ელექტრონულ კომერციაში), Stimuli (გაყიდვებისა და მარკეტინგული კომუნიკაციების ავტომატიზაცია) და Proxify (ტალანტების შიდა ინფორმაციის მართვის სისტემები). მას ასევე აქვს გამოცდილება რობოტიკასა და RPA სისტემებში. სპეციალიზებულია B2B და SaaS პროდუქტებში, ასევე აქვს მნიშვნელოვანი გამოცდილება B2C მიმართულებითაც.

იგი მიიჩნევს, რომ უწყვეტი განვითარება მისი კარიერული წინსვლის მთავარი საფუძველია, ამიტომაც აქტიურადაა ჩართული ტექნოლოგიურ კომუნებში, აკვირდება სიახლეებს და მუდმივად ზრუნავს პროფესიული ცოდნის გაღრმავებაზე.

პირველი პრაქტიკული გამოწვევა

ხელოვნური ინტელექტის მიმართ გუას ინტერესი 2019 წელს გაჩნდა, როცა ის Adjarabet-ში მუშაობდა და 200-ზე მეტი თამაშის პერსონალიზებული მენეჯმენტის ამოცანის გადაჭრა მოუხდა მცირე ზომის ეკრანებისთვის. სწორედ ამ პრაქტიკულმა გამოწვევამ გაუჩინა მოტივაცია, დაეწყო შესწავლა იმისა, თუ როგორ იყენებდნენ ხელოვნურ ინტელექტს ისეთი კომპანიები, როგორიცაა Facebook და Spotify მომხმარებლის გამოცდილების გასაუმჯობესებლად.

ამ პროცესმა აჩვენა, რომ AI არ არის მხოლოდ ტექნოლოგია — ეს არის გარდამტეხი ძალა, რომელსაც შეუძლია შეცვალოს ბიზნესის წესები, მნიშვნელოვნად გაზარდოს მომხმარებლის კმაყოფილება და გახდეს სტრატეგიული განვითარებისთვის კრიტიკული ფაქტორი.

დღეს გუას მთავარი ფოკუსი მიმართულია გენერაციული ხელოვნური ინტელექტის (GenAI) და AI Agentic Ecosystems-ის განვითარებაზე.

"მე ვხედავ AI-ს, როგორც ინსტრუმენტს, რომლითაც შეგვიძლია შევქმნათ პოზიტიური გავლენა და ხელი შევუწყოთ მომავალ განვითარებას ამ სწრაფად მზარდ, პრაქტიკულად უსაზღვრო შესაძლებლობების სფეროში.”

გუა ტაბიძე

განვითარების უწყვეტი პროცესი

გუა პროფესიულ განვითარებას აღიქვამს, როგორც უწყვეტ პროცესს, რომელიც თვითინიციატივითა და აქტიური ჩართულობით იწყება. მისთვის მთავარი სტრატეგიაა ტექნოლოგიური პულსის მუდმივი მიყოლა და ინდუსტრიის ლიდერებთან იდეების გაცვლა. ამიტომ ის ყოველდღიურად იყენებს სხვადასხვა წყაროს: LinkedIn-ზე აკვირდება ლიდერებს, X-ზე ეძებს ტენდენციებს, TheRundown.ai და Substack-ზე კი ღრმა ანალიტიკას კითხულობს. პროფესიული გაერთიანებები და პოდკასტები კი  მას ინოვატორების გამოცდილების გაზიარებაში ეხმარება.

მისი რჩევა მათთვის, ვინც AI-ის ტემპს ვერ ეწევა, მარტივია:

"ინვესტიცია ჩადეთ არა დროებით ტრენდებში, არამედ იმაში, რაც არ იცვლება. ნუ მიაქცევთ ყურადღებას ყოველდღიურ ხმაურს - იპოვეთ მშვიდი სივრცე, სადაც შეგიძლიათ იფიქროთ და ექსპერიმენტები ჩაატაროთ. AI-ის შემთხვევაშიც ასეა - აქტიურად სცადეთ ბევრი რამ, შემდეგ გაიაზრეთ ძირითადი პრინციპები და შექმენით საკუთარი ხედვა. ეს ცოდნა შეინარჩუნებს ღირებულებას და მიგიყვანთ ნამდვილ ინოვაციამდე."​

გუა ტაბიძე

AI-ის აუცილებლობა ბიზნესში

ბიზნესის ლანდშაფტი ყოველდღიურად იცვლება და მასთან ერთად იცვლება კონკურენციის წესებიც. გუას აზრით,  ბიზნესი AI-ით და მის გარეშე ისეთივე განსხვავებულია, როგორც ბიზნესი ინტერნეტით და მის გარეშე. წარსულში კომპანიები, რომლებმაც ინტერნეტის მნიშვნელობა ვერ შეაფასეს, ან მოძველდნენ ან საერთოდ გაქრნენ. დღესაც იგივე სცენარი მეორდება — უბრალოდ მოქმედი პირი შეცვლილია.

AI კომპანიებს საშუალებას აძლევს, ავტომატურად განახორციელონ რუტინული ამოცანები, სწრაფად გააანალიზონ მონაცემები, მიიღონ უფრო ზუსტი გადაწყვეტილებები და შესთავაზონ მომხმარებლებს პერსონალიზებული გამოცდილება. ეს პირდაპირ აისახება პროდუქტიულობაზე, ეფექტიანობაზე და ბაზარზე კონკურენტულ პოზიციებზე.

AI უნარებზე მოთხოვნის ტრენდი სწრაფი და მასშტაბურია – ეს სრულიად ახალი ეპოქის დასაწყისია. AI-ის საბაზისო უნარები, განსაკუთრებით “prompting”-ის გაგება, აუცილებელი გახდა ყველა პროფესიონალისთვის – ეს არის ახალი “ციფრული წიგნიერება”. თითქმის ყველა ინსტრუმენტს ემატება AI შესაძლებლობა. დასაქმების ბაზარი აქტიურად ტრანსფორმირდება – მოთხოვნა არის ყველა პროფესიონალზე, რომლებსაც შეუძლიათ AI-ის ეფექტური გამოყენება თავიანთ საქმიანობაში.

გუა გამოარჩევს სამ ძირითად AI ინსტრუმენტს, რომლებსაც ყოველდღიურად იყენებს: Gemini — იდეების გენერირებისა და ინფორმაციის დამუშავებისთვის; Copilot — სამუშაო კომუნიკაციისა და დოკუმენტების მოსამზადებლად და Cursor — კოდის დაწერისა და შეცდომების გამოსასწორებლად. ახალბედებს კი ურჩევს, რომ ხელოვნური ინტელექტის შესწავლა დაიწყონ პრაქტიკული ამოცანებით და რეგულარულად განაახლონ ცოდნა , რადგან ტექნოლოგია სწრაფად და უწყვეტად ვითარდება.

AI-ის ცოდნა დღეს ნიშნავს არა უბრალოდ წარმატების შანსს, არამედ პროფესიულ გადარჩენას, რომელიც ზრდის კრეატიულობას, სტრატეგიულ აზროვნებასა და ახალ გარემოსთან სწრაფად ადაპტაციის უნარს.

კურსი: AI ბიზნესის განვითარებაში

გუამ AI in Business Development–ის კურსის ლექტორობაზე გადაწყვეტილება ორმხრივი მოტივაციით მიიღო. ერთის მხრივ, ეს მისთვის იყო პირადი განვითარების გზა — სწავლის პროცესში საკუთარი ცოდნის გაღრმავების საშუალება. მეორეს მხრივ, მისი სურვილია იმ ადამიანებთან თანამშრომლობა, ვინც აცნობიერებს AI-ის გარდამტეხ როლს ბიზნესში. მისი მიზანია, კურსის მონაწილეები გახდნენ AI-ის “გამავრცელებლები” საკუთარ სფეროში და რეალური ცვლილებების ინიციატორები.

კურსი განკუთვნილია პროგრესულად მოაზროვნე ლიდერებისთვის, მენეჯერებისთვისა და მეწარმეებისთვის. მისი მთავარი მიზანია აჩვენოს, როგორ შეიძლება AI-ის გამოყენებით რეალური ბიზნეს ღირებულების შექმნა. გუასთვის ყველაზე მნიშვნელოვანია, რომ სტუდენტებმა კურსიდან წაიღონ არა მხოლოდ პრაქტიკული ცოდნა, არამედ რწმენა AI-ის გრძელვადიან შესაძლებლობებში.

პრაქტიკული სწავლება

კურსი აგებულია პრაქტიკულ სწავლებაზე — სტუდენტებს ყოველი ლექციის განმავლობაში ეძლევათ ინდივიდუალური და გუნდური დავალებები, რომლებიც რეალურ ამოცანებზეა დაფუძნებული.

სწავლების მეთოდოლოგია “როცა გჭირდება, მაშინ სწავლის” (Just-in-Time Learning) პრინციპს ემყარება. ეს უზრუნველყოფს, რომ მიღებული ცოდნა მყისიერად იქნას გამოყენებული რეალურ ამოცანებში.

ლექციებს თან ახლავს პრეზენტაციები, სამუშაო ფაილები, დამატებითი საკითხავი მასალები და ვიდეოჩანაწერები, რომლებიც განახლდება კურსის დასრულების შემდეგაც და დარჩება მუდმივ რესურსად — დამოუკიდებელი გადახედვისა და ცოდნის გასაღრმავებლად.

კურსის ბოლო ეტაპი ფინალურ პროექტს ეთმობა — სტუდენტები ქმნიან AI-ის გამოყენების სტრატეგიას იდეიდან რეალურ იმპლემენტაციამდე. პროექტი მოიცავს მოდელის შექმნას, გადაწყვეტილებების ჩამოყალიბებასა და გავლენის შეფასებას — რაც უზრუნველყოფს რეალურ სამყაროში მოქმედებისთვის მზადყოფნას.

თუ მზად ხარ, ხელოვნური ინტელექტი შენი ბიზნესის წარმატების საიდუმლოდ აქციო, AI in Business Development-ის კურსი სწორედ შენთვისაა.

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1350₾
[Tech] რეკრუტირება
ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები. კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად - ეს არის ტექნოლოგიურ სივრცეში ადამიანური რესურსების რეკრუტინგის მინი MBA. შესაბამისად, კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს.
14 ლექცია
42 საათი
საშუალო
1400₾
AI Agents & Automations
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
დამწყები
1200₾
AI Essentials
თანამედროვე ტექნოლოგიების ეპოქაში ხელოვნური ინტელექტი (AI), განსაკუთრებით მისი გენერაციული ფორმა, გახდა მნიშვნელოვანი ინსტრუმენტი, რომელსაც შეუძლია გააუმჯობესოს, გაამარტივოს და უფრო ეფექტური გახადოს როგორც პირადი, ისე პროფესიული ცხოვრება.გენერაციული AI არა მხოლოდ ამარტივებს და აჩქარებს ყოველდღიურ პროცესებს, არამედ ეხმარება ადამიანებს რესურსების სწრაფად მოძიებაში, კვლევის ჩატარებასა და ანალიზში, შემოქმედებითი იდეების გენერირებაში, სამუშაოების ავტომატიზაციასა და კომუნიკაციის ხარისხის ამაღლებაში.კურსის მიზანია, მონაწილეებს მიაწოდოს პრაქტიკული ცოდნა და გამოცდილება, რათა შეძლონ AI ტექნოლოგიების ეფექტურად გამოყენება ყოველდღიურ საქმიანობაში, რაც მნიშვნელოვნად დაზოგავს მათ დროს, გააუმჯობესებს პროდუქტიულობას და დაეხმარება თანამედროვე ცხოვრების სწრაფ ტემპთან ადაპტაციაში.
9 ლექცია
22.5 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დარეგისტრირდი