გაიცანი AI Agents & Automations-ის ლექტორი - ნიკა საკანდელიძე

blog-detail-img

თანამედროვე ტექნოლოგიების ეპოქაში ადამიანები ორ ჯგუფად იყოფიან — ისინი, ვინც უბრალოდ სარგებლობენ ტექნოლოგიით, და ისინი, ვინც თავად ქმნიან ტექნოლოგიურ მომავალს, ნიკა საკანდელიძე სწორედ მეორე კატეგორიის პროფესიონალია — ინჟინერი, მეწარმე და მენტორი, რომელიც ინოვაციების ეპიცენტრში დგას. მისთვის ხელოვნური ინტელექტი არ არის მორიგი ტრენდი — ეს არის სტრატეგიული ინსტრუმენტი, რომელიც იდეებს გარდაქმნის ეფექტურ და ინოვაციურ გადაწყვეტილებებად.

commschool-ში ნიკა უძღვება კურსს AI Agents & Automations, სადაც იგი პრაქტიკული მაგალითებით აჩვენებს, როგორ გარდავქმნათ AI სტრატეგიულ ინსტრუმენტად — ავტომატიზაციის, პროცესების ოპტიმიზაციისა და ეფექტიანობის ზრდისთვის. კურსი აერთიანებს რეალურ ხელსაწყოებსა და no-code პლატფორმებს, რათა მონაწილეებმა შეძლონ აგენტური AI სისტემების შექმნა და მათი ბიზნეს ამოცანებზე მორგება.

ამ ბლოგში უფრო ახლოს გაგაცნობთ ნიკა საკანდელიძეს, ადამიანს, რომელმაც ინოვაციები თავისი ყოველდღიურობის ნაწილად აქცია.

"ამ კურსის ჩატარების გადაწყვეტილება მივიღე მას შემდეგ, რაც დავაკვირდი ხელოვნურ ინტელექტზე მზარდ მოთხოვნას როგორც გლობალურ ბაზარზე, ასევე საქართველოში. მე მჯერა, რომ AI-ს ცოდნა არის მომავლის პროფესია და მსურს დავეხმარო ადამიანებს ამ სფეროში ცოდნის გაღრმავებაში. ჩემი მოტივაციაა გავუზიარო სტუდენტებს ჩემი გამოცდილება და ცოდნა, რათა მათ შეძლონ კარიერის დაწყება ან განვითარება ამ სფეროში."

განათლება და პროფესიული გზა

ნიკა საკანდელიძემ განათლება თავისუფალ უნივერსიტეტში მიიღო, სადაც MACS-ის ინჟინერიის ფაკულტეტი დაასრულა. ამის შემდეგ, მან აქტიურად დაიწყო მუშაობა სხვადასხვა საერთაშორისო კომპანიაში, როგორებიცაა Quantori, Syniotec და Nsure.ai. 

მიუხედავად ტექნოლოგიური მრავალფეროვნებისა, ნიკასთვის პრიორიტეტი ყოველთვის პროდუქტის ღირებულება და მისი სტრატეგიული მნიშვნელობა იყო. სწორედ ამ მიდგომამ განაპირობა მისი განვითარება, როგორც tech-agnostic ინჟინერი — პროფესიონალი, რომელიც არა კონკრეტულ ტექნოლოგიაზეა ორიენტირებული, არამედ ყოველთვის ეძებს ამოცანისთვის საუკეთესო და ეფექტურ გადაწყვეტას.

მრავალფეროვანმა გამოცდილებამ მას შესაძლებლობა მისცა გაეღრმავებინა ცოდნა და უნარები პროგრამული უზრუნველყოფის ინჟინერიის სფეროში. როგორც თვითონ ამბობს, ამ მრავალფეროვანმა გამოცდილებამ მას შესაძლებლობა მისცა გაეღრმავებინა ცოდნა და უნარები პროგრამული უზრუნველყოფის ინჟინერიის სფეროში.

AI-ით დაინტერესება

ნიკას პირველი შეხება ხელოვნურ ინტელექტთან მოხდა უნივერსიტეტში სწავლის პერიოდში, როდესაც მას ჯერ კიდევ მანქანურ სწავლებას უწოდებდნენ. თავდაპირველად არ იყო დიდად დაინტერესებული ამ სფეროთი, რადგან მას ჯერ არ ჰქონდა ფართო გამოყენება.

თუმცა, როგორც თვითონ ამბობს, დაახლოებით სამი წლის წინ, გენერაციული ხელოვნური ინტელექტის ახალი ტალღის გამოჩენის შემდეგ, მან გაიაზრა ამ სფეროს უზარმაზარი პოტენციალი და დაიწყო ინტენსიური შესწავლა და ინდუსტრიაში სხვადასხვა პროექტებში გამოყენება. დღეს AI გახდა მისი ყოველდღიური პროფესიული საქმიანობის განუყოფელი ნაწილი.

Agentic AI და მისი უპირატესობები

"წარმოიდგინე ასისტენტი, რომელიც არა მხოლოდ ასრულებს შენს დავალებებს, არამედ გეუბნება რა უნდა გააკეთო და როგორ უნდა გააკეთო ეს საუკეთესოდ. ის სწავლობს შენს პრეფერენციებზე და ადაპტირდება შენს საჭიროებებზე. მისი პოპულარობა გამომდინარეობს იქიდან, რომ Agentic AI-ს შეუძლია მნიშვნელოვნად გააუმჯობესოს ეფექტურობა და პროდუქტიულობა."

Agentic AI შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. იგი ერგება კონტექსტს და რეალურ გარემოს. ნიკასთვის ეს არის მომავლის ყველაზე მნიშვნელოვანი ტექნოლოგიური მიმართულება. მაშინ როდესაც Generative AI მხოლოდ კონტენტის შექმნაზეა ფოკუსირებული, Agentic AI ნაბიჯს წინ დგამს — ის მოქმედებს, იღებს გადაწყვეტილებებს და ცვლის იმ წესებს, როგორ ვმუშაობთ ციფრულ სამყაროში.

Mazeg

ნიკა საკანდელიძე ამჟამად არის AI-first ციფრული სააგენტო Mazeg-ის ერთ-ერთი დამფუძნებელი. მისი ერთ-ერთი ყველაზე საყვარელი პროექტი სწორედ Mazeg-ში მიმდინარე ინიციატივაა, რომელიც დიდ ქართულ კომპანიასთან თანამშრომლობით ხორციელდება. გუნდი მუშაობს დიდ ქართულ კომპანიასთან AI-ზე დაფუძნებული ანალიტიკური პლატფორმის შესაქმნელად.

პლატფორმის უნიკალურობა იმაშია, რომ ბიზნეს წარმომადგენელი უბრალოდ “ეჩათავება” გაყიდვებზე ან სხვა დეტალებზე ბოტს, ხოლო ბოტი ჩვეულებრივი ანალიტიკოსის მსგავსად რეალურ ინფორმაციაზე დაყრდნობით უბრუნებს პასუხებს და რჩევებს. ეს ყველაფერი საშუალებას აძლევს ბიზნესს მიიღოს ინფორმირებული გადაწყვეტილებები საკუთარი მონაცემების საფუძველზე AI-სთან კომუნიკაციის გზით.

რატომ არის AI-ის ცოდნა აუცილებელი?

ნიკა ფიქრობს, რომ AI-ის ცოდნა აუცილებელია, რადგან ხელოვნური ინტელექტი ყველა სფეროში ინტეგრირდება და განსაზღვრავს პროფესიონალის კონკურენტუნარიანობას. ეს ტექნოლოგია ავტომატიზებს რუტინულ ამოცანებს, სწრაფად ამუშავებს ინფორმაციას და აუმჯობესებს გადაწყვეტილების მიღებას.

თანამედროვე სამუშაო ბაზარზე AI უნარები გადაიქცა სავალდებულო მოთხოვნად, არა დამატებით უპირატესობად. ეს ეხება ნებისმიერ სფეროს – ბიზნესმენს სჭირდება მონაცემთა ანალიზისთვის, ექიმს დიაგნოსტიკისთვის, პედაგოგს პერსონალიზებული სწავლებისთვის.

"AI-ის გარეშე ადამიანი შეიძლება ჩამორჩეს ტექნოლოგიურ პროგრესს და დაკარგოს კონკურენტუნარიანობა შრომის ბაზარზე."

მუდმივი თვითგანვითარება

თანამედროვე ხელოვნური ინტელექტის (AI) სფეროში წარმატების მისაღწევად აუცილებელია სიახლეებთან ფეხის აწყობა და სწორი სასწავლო სტრატეგიის განსაზღვრა.

ნიკა ყოველდღიურად იყენებს Perplexity.ai, ChatGPT და Cursor-ს, ეცნობა სიახლეებს https://news.ycombinator.com/(Hacker News)-ზე და ინტენსიურად იყენებს მისივე პოდკასტის დისქორდ ქომუნითის, სადაც საქართველოში მოწინავე ბევრი AI ინჟინერი ყოველ დღიურად აზიარებს უახლეს რესურსებს.

რჩევები ლექტორისგან

მისი აზრით, თანამედროვე ინფორმაციულ სამყაროში მხოლოდ ინდივიდუალური სწავლა საკმარისი აღარ არის. საუკეთესო გზაა კოლაბორაციული სწავლა მცირე ჯგუფის სახით, რაც იძლევა ინფორმაციული გადატვირთვის შემცირებას და მოტივაციის შენარჩუნებას.

ნიკა მათ, ვინც AI-ის ათვისებას ახლა იწყებს ურჩევს რომ დაიწყონ ChatGPT, Perplexity და Cursor-ის გაცნობით. ისწავლონ Prompt Engineering — AI-სთან ეფექტური კომუნიკაციის ხელოვნება და გამოიყენონ ვიზუალური პლატფორმები (n8n, Langflow, Flowise), ან თუ აქვთ კოდირების ცოდნა — LangChain და LangGraph.

მისი აზრით, საუკეთესო გზაა არა მარტო სწავლა, არამედ სწავლის კოლაბორაციული გამოცდილება, მცირე ჯგუფის ან ქომუნითის სახით.

"ჩემი რჩევა იქნება არ ეცადოთ მარტო ისწავლოთ და დაეწიოთ სიახლეებს - იპოვეთ ან შექმენით მცირე ჯგუფი ან ქომიუნითი სადაც შეძლებთ ერთად ისწავლოთ თანამედროვე სამყაროში არსებული უამრავი ახალი ინფორმაციის ფონზე მარტო ყოფნა შეიძლება იყოს გადაჭარბებული გამოწვევა."

კურსის შესახებ

AI Agents & Automations არის პრაქტიკული კურსი პროფესიონალებისთვის, რომლებიც უკვე იყენებენ ხელოვნურ ინტელექტს და მზად არიან შემდეგ საფეხურზე გადასასვლელად. კურსი განკუთვნილია პროექტ მენეჯერებისა და პროდუქტის ხელმძღვანელებისთვის, რომლებსაც აქვთ გამოცდილება ChatGPT, Claude ან Gemini-ს გამოყენებაში და სურთ ისწავლონ რეალური AI აგენტების შექმნა.

სწავლება მიმდინარეობს “თეორია + დემო + პრაქტიკის” ფორმატით, სადაც ყოველი ლექციისას სტუდენტები ქმნიან რეალურ აგენტებს ან ვორკფლოუებს No-code ინსტრუმენტებით (n8n, Langflow, Flowise). ყოველი კვირის ბოლოს სტუდენტებს აქვთ დავალება — არსებული ცოდნის გამოყენებით საკუთარი mini-automation-ის აწყობა. კურსის ბოლოს ყოველი სტუდენტი ქმნის AI Workflow-ს კონკრეტული ამოცანის ავტომატიზაციისთვის და AI აგენტს – მიზანზე ორიენტირებულ აგენტურ სისტემას, რომელსაც ექნება reasoning + tool usage.

კურსის მთავარი მიზანია, რომ სტუდენტმა რეალურად შეძლოს პრობლემის დამუშავება AI სისტემად, რაც სამუშაო სივრცეში მყისიერად გამოსადეგი უნარია. კურსის დასრულების შემდეგ სტუდენტმა უნდა იცოდეს განსხვავება მარტივ AI ავტომატიზაციასა და აგენტურ სისტემებს შორის, შეეძლოს თვითონ ააწყოს AI Workflow-ები, აგენტები და გადაჭრას პრობლემები AI-ს დახმარებით.

თუ გსურს, იყო ტექნოლოგიური პროგრესის ნაწილი და აქციო ხელოვნური ინტელექტი შენი პროფესიული წარმატების იარაღად — AI Agents & Automations-ის კურსი სწორედ შენთვისაა.

გაუზიარე მეგობრებს
რელევანტური ბლოგები

შესაძლოა გაინტერესებდეს

საშუალო
1400₾
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
დამწყები
1200₾
თანამედროვე ტექნოლოგიების ეპოქაში ხელოვნური ინტელექტი (AI), განსაკუთრებით მისი გენერაციული ფორმა, გახდა მნიშვნელოვანი ინსტრუმენტი, რომელსაც შეუძლია გააუმჯობესოს, გაამარტივოს და უფრო ეფექტური გახადოს როგორც პირადი, ისე პროფესიული ცხოვრება.გენერაციული AI არა მხოლოდ ამარტივებს და აჩქარებს ყოველდღიურ პროცესებს, არამედ ეხმარება ადამიანებს რესურსების სწრაფად მოძიებაში, კვლევის ჩატარებასა და ანალიზში, შემოქმედებითი იდეების გენერირებაში, სამუშაოების ავტომატიზაციასა და კომუნიკაციის ხარისხის ამაღლებაში.კურსის მიზანია, მონაწილეებს მიაწოდოს პრაქტიკული ცოდნა და გამოცდილება, რათა შეძლონ AI ტექნოლოგიების ეფექტურად გამოყენება ყოველდღიურ საქმიანობაში, რაც მნიშვნელოვნად დაზოგავს მათ დროს, გააუმჯობესებს პროდუქტიულობას და დაეხმარება თანამედროვე ცხოვრების სწრაფ ტემპთან ადაპტაციაში.
9 ლექცია
22.5 საათი
საშუალო
1400₾
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
12 ლექცია
36 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება