გაიცანი ხელოვნური ინტელექტის საფუძლების კურსის ლექტორი - ავთო ჩახნაშვილი

ციფრული ტრანსფორმაციის ეპოქაში ხელოვნური ინტელექტი უკვე აღარ არის მხოლოდ ტექნოლოგიური ტერმინი – ის ყოველდღიური ცხოვრების, ბიზნესის და პროფესიული განვითარების განუყოფელი ნაწილი გახდა. კომპანიები მთელ მსოფლიოში აქტიურად ნერგავენ AI გადაწყვეტილებებს, რათა პროცესები უფრო სწრაფი, ეფექტური და კონკურენტუნარიანი გახადონ.

ამ ბლოგში გაგაცნობთ ავთანდილ (ავთო) ჩახნაშვილს – სტარტაპ “ქვისლი”-ს (Quissly) თანადამფუძნებელს, თიბისი ბანკის AI ინჟინერსა და commschool-ის ხელოვნური ინტელექტის საფუძვლების კურსის ლექტორს. მისი გამოცდილება და ხედვა ნათლად აჩვენებს, როგორ გარდაქმნის ხელოვნური ინტელექტი თანამედროვე პროფესიებს და რატომ არის მისი ცოდნა აუცილებელი.

ავთო უკვე დაახლოებით 4 წელია ხელოვნური ინტელექტის სფეროში მუშაობს. კარიერა დაიწყო თიბისი ბანკში, მონაცემთა მეცნიერის პოზიციაზე, სადაც საკრედიტო და ქცევით მოდელებზე მუშაობდა. მისი ერთ-ერთი მნიშვნელოვანი პროექტი იყო AutoML პაკეტის შექმნა – ინსტრუმენტი, რომელიც ავტომატურად ეხმარება Machine Learning მოდელების აწყობასა და დანერგვაში.

პარალელურად, სტარტაპ გარემოშიც აქტიურად ჩაერთო. Homeview-ში, როგორც პირველი თანამშრომელი, მონაწილეობდა AI-ზე დაფუძნებული ინტერიერის დიზაინის სისტემის შექმნაში.

2024 წელს გახდა სტარტაპ “ქვისლი”-ს თანადამფუძნებელი – AI საძიებო სისტემა e-commerce პლატფორმებისთვის, რომელიც მომხმარებლებს პროდუქტების სწრაფად პოვნაში ეხმარება. დღეს პლატფორმას უკვე თვეში 100,000-ზე მეტი მომხმარებელი ჰყავს.

იმავე წელს გადავიდა თიბისი ბანკის R&D გუნდში AI Engineer-ის პოზიციაზე, სადაც მუშაობს მასშტაბურ პროექტებზე – ჩატბოტებზე, OCR სისტემებზე და ხმის ამომცნობ ტექნოლოგიებზე.

რა არის ხელოვნური ინტელექტი და რატომ გახდა ის ასეთი პოპულარული?

ავთო გვიამბობს, რომ ხელოვნური ინტელექტი არის ტექნოლოგია, რომელიც კომპიუტერს საშუალებას აძლევს ისწავლოს მონაცემებიდან და შეასრულოს ადამიანის მსგავსი დავალებები – იფიქროს, დაწეროს, გააანალიზოს, შექმნას ვიზუალური მასალა და ამოიცნოს ემოციებიც კი. მარტივად რომ წარმოვიდგინოთ, AI ჰგავს პირად ასისტენტს, რომელსაც ნებისმიერ საკითხზე შეგვიძლია მივმართოთ და ის წამებში გვაწვდის პასუხს.

მისი პოპულარობის მთავარი მიზეზი კი მარტივია – AI რეალურად მუშაობს. დღეს ის აქტიურად გამოიყენება:

ჯანდაცვაში – დიაგნოზების დასასმელად
ფინანსებში – რისკების შესაფასებლად
მარკეტინგში – კონტენტის შესაქმნელად

მოთხოვნა AI უნარებზე

თანამედროვე შრომის ბაზარზე AI უნარებზე მოთხოვნა უპრეცედენტოდ იზრდება. ბოლო წლების კვლევები აჩვენებს, რომ AI ცოდნის მქონე სპეციალისტებზე მოთხოვნა მრავალჯერ გაიზარდა, ხოლო მათი ანაზღაურება მნიშვნელოვნად აღემატება სხვა პროფესიონალებისას.

AI-ს ცოდნა აუცილებელია არა მხოლოდ პროგრამისტებისთვის, არამედ თითქმის ყველა პროფესიის წარმომადგენლისთვის. საქართველოშიც უკვე აშკარად შეინიშნება ეს ტენდენცია – კომპანიები სულ უფრო ხშირად ეძებენ თანამშრომლებს, რომლებსაც AI ინსტრუმენტებთან მუშაობა შეუძლიათ.

რატომ სჭირდება თანამედროვე ადამიანს AI-ის ცოდნა?

პროფესიონალი, რომელიც იყენებს AI-ს, ერთ საათში აკეთებს იმას, რაც სხვას მთელი სამუშაო დღე სჭირდება. ეს ნიშნავს:

მეტ პროდუქტიულობას
უფრო სწრაფ გადაწყვეტილებებს
მაღალი ხარისხის შედეგს

AI-ის გარეშე კი კონკურენტუნარიანობა თანდათან მცირდება, რადგან ბაზარზე უკვე არსებობენ ადამიანები, რომლებიც ამ ტექნოლოგიას ეფექტურად იყენებენ და სხვებზე რამდენიმე ნაბიჯით წინ არიან.

საინტერესო პროექტები და მიდგომა

ავთო გვიყვება, რომ მისთვის ყველაზე მნიშვნელოვანი პროექტი “ქვისლია”. ამბობს, რომ იდეა რეალური პრობლემიდან გაჩნდა – ონლაინ მაღაზიებში სასურველი პროდუქტის პოვნის სირთულე. პირველი ვერსია ერთ ღამეში შექმნეს, მთავარი მიზანი კი სწრაფი ტესტირება და ბაზარზე გასვლა იყო.

მისი მიდგომა მარტივია:
არ უნდა იყო ზედმეტად იდეალისტი – მნიშვნელოვანია სწრაფი პროგრესი და მუდმივი გაუმჯობესება. სწორედ ამ სტარტაპული მიდგომის შედეგად, “ქვისლი” დღეს უკვე ერთ-ერთი წარმატებული AI პროდუქტი გახდა საქართველოში.

"მთავარია მიიღო გადაწყვეტილებები, რომლებიც მოკლე დროში ყველაზე დიდ ინკრემენტულ ზრდას მოგცემს შედეგში. წარმატების მთავარი შემოქმედი მუდმივი კომუნიკაციაა".

ავთო ჩახნაშვილი

რჩევები და ინდუსტრიაში არსებული სიახლეები

ავთო მუდმივად ადევნებს თვალს ინდუსტრიის სიახლეებს და ცდილობს მათი პრაქტიკაში დანერგვას. მისი აზრით, თეორია მნიშვნელოვანია, მაგრამ რეალური ცოდნა პრაქტიკიდან მოდის.

ის აქტიურად იყენებს: arXiv და Papers with Code – კვლევებისთვის, X (Twitter) – AI ქომუნითისთვის, YouTube, GitHub და Hugging Face – ახალი ინსტრუმენტების შესასწავლად…

მისი პროფესიული გზა ადასტურებს, რომ AI-ის ცოდნა ადამიანს აძლევს საშუალებას კარიერულ განვითარებასთან ერთად სრულიად ახალი შესაძლებლობებიც აღმოაჩინოს.

კურსის შესახებ

commschool-ის ხელოვნური ინტელექტის საფუძვლების კურსი, შექმნილია ყველა იმ ადამიანისთვის, ვისაც სურს ხელოვნური ინტელექტი პრაქტიკულად გამოიყენოს ყოველდღიურ საქმიანობაში – იქნება ეს მარკეტერი, მენეჯერი, მეწარმე, სტუდენტი თუ უბრალოდ დაინტერესებული პირი.

კურსი მოიცავს 10 ლექციას. მის განმავლობაში მონაწილეები სწავლობენ, როგორ გამოიყენონ AI რეალურ სამუშაო პროცესებში. განსაკუთრებული ყურადღება ეთმობა ეფექტურ კომუნიკაციას AI-სთან (პრომპტ ინჟინერია), სხვადასხვა AI მოდელების გამოყენებას, პერსონალური ასისტენტების შექმნას და ყოველდღიური ამოცანების ავტომატიზაციას. ასევე განიხილება დოკუმენტებზე, პრეზენტაციებსა და ვიზუალურ კონტენტზე მუშაობა, AI-ის გამოყენებასთან დაკავშირებული რისკები და ეთიკური საკითხები.

კურსი სრულად პრაქტიკაზეა დაფუძნებული – თითოეულ ლექციაზე მონაწილეები მუშაობენ რეალურ ამოცანებზე და კურსის ბოლოს კი ქმნიან ინდივიდუალურ პროექტს. ყველაზე მნიშვნელოვანი კი ისაა, რომ კურსის დასრულების შემდეგ მონაწილეები არ იქნებიან მხოლოდ თეორიული ცოდნით აღჭურვილნი – ისინი შეძლებენ AI-ს გამოყენებას დამოუკიდებლად, ეფექტურად და შედეგზე ორიენტირებულად.