თბილისის კომუნიკაციის სკოლისა და DataFest თბილისის პარტნიორობა გრძელდება. წელს Community პარტნიორობასთან ერთად, მთავარ სცენაზე Data-Driven მარკეტინგის ლექტორი – გიორგი ბერეჩიკიძე ისაუბრებს მონაცემების მნიშვნელობაზე მარკეტინგში.
DataFest Tbilisi აღმოსავლეთ ევროპასა და ცენტრალურ აზიაში მონაცემთა ყველაზე დიდი ფესტივალია. იგი ყოველწლიურად მასპინძლობს იმ ადამიანებს, რომელთა საქმიანობაც დაკავშირებულია მონაცემებთან. ესენი არიან დიზაინერები, დეველოპერები, მარკეტერები, მონაცემთა ანალიტიკოსები, ხელოვნური ინტელექტის ინჟინრები, ჟურნალისტები თუ სამოქალაქო აქტივისტები. ფესტივალმა 2017 წლიდან დღემდე 80-მდე ქვეყნიდან 5 ათასამდე მონაწილეს, 200-ზე მეტ ვორქშოფსა და სპიკერს უმასპინძლა, მათ შორის, ისეთი კომპანიებიდან, როგორებიცაა: Google, Meta, Amazon, Mercedes-Benz, Siemens, Canva, Wix, Amazon და სხვა.
2024 წელს DataFest Tbilisi 19-21 სექტემბერს, თბილისში ჩატარდება. ამჯერად ფესტივალი კიდევ უფრო მასშტაბური ხდება. ორგანიზატორები 900-მდე სტუმარსა და ათობით სპიკერს ელიან . ფესტივალი უმასპინძლებს ინსპირაციულ გამოსვლებს, სიღრმისეულ ვორქშოფებს, სტარტაპების გამოფენას, გამოფენებს, ინსტალაციებსა და ნეთვორქინგ სესიებს.
Commschool-თან პარტნიორობის ფარგლებში მთავარ სცენაზე ჩვენი ლექტორი, გიორგი ბერეჩიკიძე ისაუბრებს. ამჟამად გიორგი წამყვანი ელექტრონული კომერციის VELI.store-ის ციფრული მარკეტინგის დირექტორია. მისი როლი მოიაზრებს კომპანიის ზრდის ხელშეწყობას ინოვაციური ციფრული სტრატეგიების დანერგვით.
გიორგი Commschool-ში Data-Driven მარკეტინგის კურსს უძღვება, სადაც სტუდენტებს ციფრულ მარკეტინგში, ანალიტიკასა და პროექტების მართვაში მის მრავალწლიან გამოცდილებას უზიარებს. ბოლო ათწლეულის განმავლობაში გიორგი ციფრული მარკეტინგის სფეროში იკავებდა სხვადასხვა პოზიციებს, მათ შორის, ხელმძღვანელის როლსაც. მას უმუშავია არაერთ საერთაშორისო ორგანიზაციასთანაც, რომლებსაც დახმარებას უწევდა ციფრული ტრანსფორმაციისა და მარკეტინგული სტრატეგიების კუთხით.
ფესტივალზე გიორგის სასაუბრო თემა იქნება ‘Inside the Data that Drives Marketing Decisions’. იგი დეტალურად ისაუბრებს მონაცემებით მართული მარკეტინგის შესახებ. განხილავს მონაცემების ტიპებს, რომლებსაც მარკეტერები იყენებენ ამა თუ იმ მნიშვნელოვანი გადაწყვეტილებების მისაღებად. გაიგებ, თუ როგორ აანალიზებენ ისინი დიდი რაოდენობით ინფორმაციას და დგამენ ინფორმირებულ ნაბიჯებს. გიორგისთან ერთად აღმოაჩენ, თუ როგორ განსაზღვრავს მონაცემები გადაწყვეტილების მიღებისა და სტრატეგიების დაგეგმვის პროცესს, რაც წარმატებულ მარკეტინგულ კამპანიებში აისახება.
