SEO (Search Engine Optimization) არის საძიებო სისტემაში ვებ-გვერდის ოპტიმიზაციის პროცესი. იგი ბიზნესებს ეხმარება, მომხმარებლების საძიებო გვერდზე მოწინავე პოზიციები დაკავებაში, რაც მნიშვნელოვან როლს თამაშობს კომპანიის წარმატებაში. დღეს SEO სპეციალისტი მარკეტინგის სფეროში ერთ-ერთი მაღალშემოსავლიანი პროფესიაა, რომლის დაუფლებაც უკვე Commschool-ში შეგიძლია. ამ ბლოგში გაგაცნობ ლუკა ცხადაძესა და თორნიკე ჯანგულაშვილს, სფეროს წამყვან სპეციალისტებსა და საერთაშორისო SEO სააგენტოს დამფუძნებლებს, რომლებიც SEO-ს კურსს გაუძღვებიან.
ლუკა ცხადაძეს ამ სფეროში 4 წლიანი გამოცდილება აქვს. ის 2 წლის განმავლობაში მუშაობდა ლონდონის ყველაზე მსხვილ SEO სააგენტო ClickSlice-ში. კომპანიის დამფუძნებელი და ლუკას უშუალო მენტორი ჯოშუა ჯორჯი იყო, რომელიც Best Selling SEO კურსის ავტორია. გარდა ამისა, ლუკა შედის TOP 1% ფრილანსერებში Upwork-ზე, Top Rated Plus ანგარიშით. მას უმუშავია ისეთ ბრენდებზე, როგორებიცაა UsayCompare, ComedyCarnival, Cryptal. ამჟამად, ის საერთაშორისო SEO სააგენტო RankPilots-ის თანადამფუძნებელი და გენერალური დირექტორია.
თორნიკე ჯანგულაშვილს ციფრული მარკეტინგის სფეროში 9 წლიანი გამოცდილება აქვს, რომელიც მოიცავს სხვადასხვა მიმართულებას. ესენია: Creative, Content Management, Advertising, Brand Management, SEO, Analyst. თორნიკეს უმუშავია ისეთ ბრენდებთან, როგორებიცაა თიბისი დაზღვევა, VELI.store, Fina, MaxinAI, Edumentors. ამჟამად კი, ლუკასთან ერთად არის RankPilots-ის თანადამფუძნებელი.
ლუკამ და თორნიკემ ერთმანეთი Digital Marketing-ის ქართულ ჯგუფში გაიცნეს, როდესაც ლუკა პირადი პროექტებისთვის თანამშრომელს ეძებდა. ერთად მუშაობიდან რამდენიმე თვეში კი დაიბადა სააგენტოს შექმნის იდეა, სადაც მათ პროექტებს გააერთიანებდნენ. სწორედ ასე შეიქმნა საერთაშორისო SEO სააგენტო RankPilots. დღეს 30-ზე მეტ კომპანიასთან თანამშრომლობენ როგორც საქართველოში, ისე მის საზღვრებს გარეთაც. ამ პერიოდის განმავლობაში ჯამში 150-ზე მეტ ვებ-გვერდზე იმუშავეს ერთად.
იმისთვის, რომ უკეთ ჩასწვდე SEO-ს მნიშვნელობასა და როლს, ლუკა და თორნიკე ასეთ შედარებას გთავაზობენ: წარმოიდგინეთ წიგნებით სავსე ბიბლიოთეკა, სადაც თქვენ ხართ ბიბლიოთეკარი. თქვენთან მოვიდა ადამიანი, რომელსაც ჭირდება წიგნი კონკრეტული თემის შესახებ. თქვენი მოვალეობაა, შეურჩიოთ სწორი წიგნი. მას შემდეგ, რაც მკითხველი ამ წიგნს წაიკითხავს, ეკითხებით, როგორ მოეწონა და სთავაზობთ სხვა ალტერნატივასაც, რათა სხვა წყაროდანაც მიიღოს ინფორმაცია. ახლა წარმოიდგინეთ, რომ ყოველდღიურად ასობით ადამიანი მოდის და მუდმივად ერთი და იმავე თემატიკის წიგნებს გთხოვთ. ამ დროში თქვენ აგროვებთ ინფორმაციას და იცით, რომელი წიგნებია საუკეთესო ამ თემაზე და რომელია ყველაზე ცნობილი. ამის შემდეგ, პირველ რიგში, რასაც გააკეთებთ, არის ეს: ამ თემატიკის საუკეთესო წიგნებს წინა თაროზე გადმოდებთ, რათა ამ თემით დაინტერესებულმა მკითხველებმა მათ მარტივად მიაგნონ.
სწორედ ამას აკეთებს Google – არჩევს საუკეთესო ვებ-გვერდებს და მათ პირველ თაროზე (პირველ გვერდზე) ათავსებს. SEO კი არის პროცესი, რომლითაც ვარწმუნებთ საძიებო სისტემებს, რომ ვიმსახურებთ პირველ გვერდზე მაღალ პოზიციებზე ყოფნას.
3 უნარი, რომელიც უნდა ჰქონდეს SEO სპეციალისტს , არის ცნობისმოყვარეობა, აზარტი და ინფორმაციის სწრაფად მოძიების უნარი.
ამ მიზნის მისაღწევად, პირველ რიგში, ვებ-გვერდი უნდა იყოს გამართული, მომხმარებელსა და მის ქცევაზე მორგებული და შეესაბამებოდეს 2023 წლის სტანდარტებს. ასევე, საძიებო სისტემები უნდა დავარწმუნოთ იმაში, რომ საკმარისი ცოდნა და გამოცდილება გვაქვს იმ ნიშაში, რომელშიც ვებ-გვერდი მოღვაწეობს. ეს მნიშვნელოვნად არის დამოკიდებული კონტენტის რაოდენობასა და ხარისხზე. მესამე ფაქტორი არის ავტორიტეტი. როგორც სამეცნიერო სფეროში, ის მეცნიერია ავტორიტეტული, რომელსაც დიდი რაოდენობით მოიხსენიებენ წყაროებში. საძიებო სისტემებიც ზუსტად იგივე პრინციპს იყენებენ. რაც უფრო მეტი და ხარისხიანი backlink აქვს ვებ-გვერდს, ის მით უფრო ავტორიტეტულია.
ამ პროცესში ერთ-ერთი მთავარი SEO ხელსაწყო არის საკვანძო სიტყვების კვლევა (Keyword Research). იგი ნებისმიერი SEO პროექტის ხერხემალია, რადგან მთელი კამპანია მასზე იგეგმება და იგება. მისი დახმარებით ვიგებთ, რა რესურსია საჭირო შედეგებისთვის, რა რაოდენობის კონტენტი უნდა შეიქმნას, რა პერიოდში ველოდოთ სასურველ შედეგს. ამასთანავე, გვეხმარება გავთვალოთ, რა იქნება ROI (Return On Investment).
ბიზნესის წარმატებისთვის მნიშვნელოვანია, რომ შეგვეძლოს სხვა ბრენდების SEO სტრატეგიებისთვის თვალყურის დევნება და მისი გაანალიზება. ამიტომ, ერთ-ერთი პირველი რამ, რაც პროექტზე მუშაობის დაწყებისას უნდა გაკეთდეს, არის კომპანიის კონკურენტების ანალიზი. ამის დახმარებით შეგვიძლია განვსაზღვროთ, როგორია კონკურენცია, რა პრაქტიკები მუშაობს და არ მუშაობს. ასევე გვეხმარება ვიპოვოთ ჩვენი კონკურენტული უპირატესობა და ვისწავლოთ სხვების შეცდომებზე.
შეცდომები, რომელსაც ადამიანები უშვებენ SEO-ს კეთებისას ან სწავლის დროს - არ ჩადიან სიღრმეებში, არ ტესტავენ სხვადასხვა მეთოდს და ავიწყდებათ, რომ SEO არის პროცესი და არა ერთჯერადი ქმედება.
მთავარი პლატფორმა, სადაც შედეგების პირდაპირ რეჟიმში ყურებაა შესაძლებელი, არის Google Search Console. თუმცა ამ შედეგების სიღრმისეულად სანახავად გვჭირდება Google Analytics, სადაც შეგვიძლია ზუსტად გავზომოთ შემოსავალი, conversion rate, exit rate, bounce rate და კიდევ სხვა რელევანტური საზომები ორგანული ტრაფიკის ჭრილში. რეკომენდებულია, რომ ამ საბოლოო ჯამში ყველაფერს Google Looker Studio-ში ვაანალიზებდეთ, რასაც კურსის განმავლობაში სიღრმისეულად ვისწავლით.
განხორციელებული წარმატებული ქართული პროექტებიდან თორნიკესთვის ყველაზე გამორჩეული VELI.store არის. თავდაპირველად მასზე მარტო მუშაობდა, შემდეგ კი ლუკასთან ერთად განაგრძო ვებ-გვერდის ოპტიმიზაცია. ეს ის იშვიათი შემთხვევა აღმოჩნდა, როდესაც ასეთი მასშტაბის კლიენტი ბოლომდე მიჰყვება და ენდობა სააგენტოს, რაც თორნიკესთვის ძალიან მნიშვნელოვანი ფაქტორია. როგორც ის აღნიშნავს, VELI.store-სთვის მუშაობის მთავარი სირთულე და გამოწვევა პროექტის სიდიდეა, რაც ამავდროულად, მას უფრო მეტად საინტერესოს ხდის:
ასეთ პროექტებზე საჭიროა ყოველდღიური ჩართულობა, რათა გესმოდეს, რა პროდუქტები, კატეგორიები და ნიშები ემატება. ასევე, როგორ იცვლება მოთხოვნა საძიებო სისტემაში, რათა შესაბამისად შეძლო, ეს ორი ფაქტორი ერთმანეთთან თანხვედრაში მოაქციო.
თორნიკეს თქმით, ვებ-გვერდის მთავარი ამოცანა click-ების გაზრდა იყო, რომელსაც შემდეგ მათი პრიორიტეტული კატეგორიების პროდუქტების გაყიდვა უნდა მოჰყოლოდა. ამ მიზანს 6 თვის ვადაში მიაღწიეს – click-ების რაოდენობა საშუალოდ 9-ჯერ გაიზარდა.
რაც შეეხება უცხოურ პროექტებს, თორნიკე გამოარჩევს კომპანია Chebeauty-ს, რომელიც ამერიკის ბაზარზე Black Hair Beauty ნიშაში მოღვაწეობს. მათი მთავარი გამოწვევა მაღალი კონკურენცია იყო, რადგან საძიებო სისტემაში სამიზნე საკვანძო სიტყვებზე მაღალ პოზიციებს იკავებდნენ ისეთი კომპანიები, როგორებიცაა Harper’s Bazaar, Amazon, Etsy, Walmart. ამ შემთხვევაშიც კლიენტი ბოლომდე ენდო მათ რეკომენდაციებს. შედეგად, 8 თვეში Chebeauty-მ Google-ის საძიებო სისტემაში ჩამოთვლი კომპანიებზე უფრო მაღალი პოზიციები დაიკავა.
ლუკას შემთხვევაში, ერთ-ერთი ყველაზე დასამახსოვრებელი და გამოწვევებით სავსე პროექტი აღმოჩნდა servisebi.ge. ისინი საკმაოდ რთული პრობლემის წინაშე იდგნენ. ვებ-გვერდის სტრუქტურიდან გამომდინარე, მასობრივად ხდებოდა გვერდების დუბლირება, რაც მათ კანიბალიზაციას იწვევდა. რამდენიმე კვირის მუშაობისა და სხვადასხვა ტესტის ჩატარებით სასურველ შედეგს მიაღწიეს და დღემდე წარმატებით მართავენ კომპანიას.
ერთ-ერთი უმსხვილესი უცხოური პროექტი, რომელზეც ლუკამ იმუშავა, არის usaycompare.co.uk. იგი ინგლისის წამყვანი სადაზღვევო კომპანიაა. პროექტი მრავალი სირთულით გამოირჩეოდა, დაწყებული CMS-ით და დამთავრებული ტექნიკური გამართულობით. თუმცა 6 თვიანი მუშაობის შემდეგ, კომპანია თითქმის ყველა წამყვან საკვანძო სიტყვაზე პირველ 5 პოზიციას იკავებდა, ხოლო ორგანული ტრაფიკში 120%-იანი ზრდა დაფიქსირდა.
სასწავლო პროგრამა სრულად აგებულია პრაქტიკულ სამუშაოებზე, რომლებიც მოიცავს SEO კამპანიის სრულ პროცესს. ესენია: საკვანძო სიტყვების კვლევა, ტექნიკური და კონტენტის აუდიტი, კონკურენტების კვლევა და რეპორტინგი. თეორიული ნაწილი დაფუძნებული იქნება ლუკასა და თორნიკეს გამოცდილებაზე და მათი კლიენტების რეალურ მაგალითებზე. მიუხედავად იმისა, რომ SEO მეტ-ნაკლებად ერთი და იმავე პრინციპზეა დამყარებული, არ არსებობს ორი იდენტური პროექტი. ასევე, რთულია, ფლობდე სიღრმისეულ ცოდნას, თუ შეხება არ გქონია სხვადასხვა ვებ-გვერდთან. კურსის განმავლობაში ლექტორები სტუდენტებთან ერთად განიხილავენ თითქმის ყველანაირ მაგალითსა და პრობლემას, რომელიც ოდესმე სამუშაო პრაქტიკაში შეხვედრიათ.
დამატებით გეტყვი, რომ კურსის განმავლობაში წვდომა გექნება SEMrush-ის ანგარიშზე. ეს არის SEO ხელსაწყო, რომელიც აკეთებს საკვანძო სიტყვების, კონკურენტების სტრატეგიების კვლევას, ბლოგის აუდიტს, ეძებს backlink-ის შესაძლებლობებს და სხვა. ამ ინსტრუმენტს მსოფლიოს არაერთი მარკეტერი იყენებს თავის ყოველდღიურ საქმიანობაში. მისი გამოყენება დაგეხმარება, კურსის მსვლელობისას პრაქტიკული გამოცდილება მიიღო და რეალურ გარემოსთან მაქსიმალურად მიახლოებული ამოცანები შეასრულო.
გარდა ამისა, Commschool-ის ყველა სტუდენტს წვდომა აქვს WARC-ის ანგარიშზე, რომელიც განსაკუთრებით მნიშვნელოვანია მარკეტერებისთვის. ეს არის კომპანია, რომელიც უამრავ ინფორმაციას იტევს მარკეტინგის, მონაცემების, ტრენდების, ქეისების, კვლევებისა და ვებინარების შესახებ. აქ აღმოაჩენ SEO-ს მიმართულებით საინტერესო ინფორმაციასა და ტრენდებს, რომელთა გაცნობაც სპეციალისტებისთვის მნიშვნელოვანია.
ხელოვნური ინტელექტის გაძლიერების პარალელურად ჩნდება კითხვები გარკვეული პროფესიის საჭიროების თაობაზე. ეს საკითხი SEO სპეციალისტების შემთხვევაშიც უკვე წლებია აქტუალურია. რამდენად სიცოცხლისუნარიანია ეს პროფესია? ამ კითხვაზე ლუკას პასუხი ასეთია:
მახსოვს, წლების წინ SEO-ს კურსის გავლისას YouTube-ზე ვუყურებდი ვიდეოებს სათაურით “Is SEO Dead?” თუმცა სინამდვილეში SEO-ს რელევანტურობა Google-ის დაარსების დღიდან ყოველწლიურად იზრდება. იგი იარსებებს იქამდე, სადამდეც ადამიანები ინტერნეტს პროდუქტის, ინფორმაციის, სერვისის მოსაძებნად გამოიყენებენ. რა თქმა უნდა, AI-ს გამოჩენასთან ერთად SEO-მ სახე იცვალა და აუცილებელი გახდა მისი პროცესებში ჩართვა, რამაც გარკვეული პროცესები გაამარტივა. მაგალითად, html-ში გასაწერი თეგების გაწერა, ფილტრების შექმნა, ტექსტებისა და კოდის ანალიზი.
კარიერული თვალსაზრისით, საერთაშორისო პლატფორმები პერსპექტიულია SEO-ს მიმართულებით მუშაობის დასაწყებად. მაგალითად, წამყვან Freelance პლატფორმა Upwork-ზე უამრავი განცხადება თავსდება ყოველდღიურად. სწორედ აქ დაიწყო ლუკამ თავისი Freelance თავგადასავალი 3 წლის წინ. მან 2 დღეში შეძლო პირველი პროექტის აღება, რომელიც 2 წელიწადი გაგრძელდა. ამ დროისთვის, მას 32 პროექტი აქვს განხორციელებული წარმატების 100%-იანი დონით, რითაც $80,000-ის გამოიმუშავა.
ასე რომ, თუ ხარ დამწყები ან გამოცდილი ციფრული მარკეტერი და გსურს, გაიღრმაო ცოდნა SEO-ს მიმართულებით სფეროს სპეციალისტი ლექტორების დახმარებით, ეს კურსი შენთვისაა. შემოგვიერთდი Commschool-ში!
ვისაც აქვს საკუთარი ბრენდი ან...
ნებისმიერი ადამიანისთვის, ვისაც...
კურსი განკუთვნილია დამწყები და...
კურსი განკუთვნილია...
კურსი განკუთვნილია...
კურსი განკუთვნილია მათთვის, ვინც...
