React-ის ლექტორი, ლაშა იაკობაძე პროფესიისა და გამოცდილების შესახებ

blog-detail-img

React ყველაზე პოპულარული JavaScript ბიბლიოთეკაა, რომელიც მომხმარებლის ინტერფეისისა და დინამიკური ვებ-აპლიკაციების შესაქმნელად გამოიყენება. ისეთი პროდუქტები, როგორებიცაა Facebook, Instagram, Netflix, X(twitter), Airbnb, Uber, Dropbox, სწორედ მისი გამოყენებით არის შექმნილი. ამიტომ, გასაკვირი არაა, რომ ეს Front-end ტექნოლოგია ბაზარზე ყველაზე მოთხოვნადია.

react მოთხოვნადობა

თუ უკვე ფლობ HTML, CSS და JavaScript პროგრამირების ენებს და ვებ-ტექნოლოგიები გაინტერესებს, ამ ბლოგს გაეცანი. React-ის კურსის ლექტორი, ლაშა იაკობაძე უკეთ გაგაცნობს ამ პროფესიას და მოგიყვება საჭირო უნარებისა და კარიერული შესაძლებლობების შესახებ.

ლაშა პროფესიით მათემატიკოსია. აქედან გამომდინარე, ყოველთვის აინტერესებდა ალგორითმები და კომპიუტერული მეცნიერებები – რა გზას გადიოდა მოვლენა წარმოშობიდან გადაწყვეტამდე, როგორ მუშაობდა კომპიუტერი, დეველოპმენტი. თუმცა, დიდი ხნის განმავლობაში, ეს მხოლოდ ჰობი იყო. ინდუსტრიაში მისი მოღვაწეობა მერვე წელს ითვლის. უშუალოდ კარიერა კი რამდენიმე ტექნოლოგიურ კომპანიას უკავშირდება. კერძოდ, მუშაობდა Singular-სა და საქართველოს ბანკში Front-end-ის მიმართულებით. შემდგომ კარიერა Europebet-ში განაგრძო ასევე Front-end Developer-ის პოზიციაზე, 2023 წლიდან კი პროგრამული უზრუნველყოფის უფროსი ინჟინერია.

React ლაშამ პროგრამირების შესწავლის დაწყებიდან ძალიან მალევე აირჩია. ამის მთავარი მიზეზი JavaScript-ით საკმაოდ დიდი დაინტერესება იყო.

React-ის მთავარ უპირატესობებად Front-end-ის სხვა framework-თან შედარებით ვთვლი იმას, რომ თავიდან ბოლომდე ეფუძნება JavaScript-ს და არის საკმაოდ მოქნილი. ასევე აქვს ძალიან დიდი community და არის ყველაზე მოთხოვნადი როგორც ქართულ, ასევე უცხოურ ბაზრებზე.

რატომ უნდა აირჩიო React ?

როგორც ლაშა აღნიშნავს, React-ის community არის დიდი და აქტიური. ეს ტექნოლოგია Facebook-ის მიერ არის შექმნილი. შესაბამისად, ეს ხელს უწყობს ბიბლიოთეკებისა და ხელსაწყოების მდიდარ ეკოსისტემას, საუკეთესო პრაქტიკების გაზიარებას. ეს მხარდაჭერა მას უფრო ხელმისაწვდომსა და დეველოპერებისთვის ხელსაყრელს ხდის. მისი დახმარებით ქმნიან მომხმარებლის ინტერფეისებს. განსაკუთრებით გამოსადეგი კი იმ აპლიკაციების შესაქმნელადაა, სადაც მომხმარებლის ურთიერთქმედება და დინამიკური შინაარსის განახლებები გადამწყვეტია.

ეს არაა პროფესია, რომელიც მუდმივად მარტო, ინდივიდუალურად მუშაობას მოითხოვს. რეალურად ეს სფერო ერთი დიდი კომუნაა, სადაც საქმესაც ერთად ვაკეთებთ და ამასთანავე ბევრი რამ გვაერთიანებს. ვესწრებით სხვადასხვა ღონისძიებებს, ვეცნობით სფეროში მომუშავე ადამიანებს და სამსახურის შემდეგ, არაფორმალურ გარემოშიც ვიკრიბებით გასართობად. ეს ყველაფერი კი ამ პროფესიას საკმაოდ საინტერესოს ხდის.

კარიერული შესაძლებლობები

ბოლო 1 წლის განმავლობაში ქართულ ბაზარზე საკმაოდ გაიზარდა მოთხოვნა React დეველოპერებზე. მანამდე კი მსხვილი ქართული კომპანიები უფრო მეტად Angular დეველოპერებს ეძებდნენრაც შეეხება საერთაშორისო ბაზარს, აქ უკვე საკმაოდ დიდი ხანია, რაც React-ზე ბევრად დიდი მოთხოვნაა. ასე რომ, სწორედ ახლა არის საუკეთესო დრო მის შესასწავლად.

რაც შეეხება დეველოპერისთვის მთავარ უნარ-ჩვევებს, ლაშას აზრით, ეს არის თვითდისციპლინა, პასუხისმგებლობის გრძნობა და მონდომება. და რა თქმა უნდა, ინტერესი იმ საქმის მიმართ, რასაც აკეთებს.

React: კურსის შესახებ

ახლა კი commschool-ის კურსის შესახებ მოგიყვები, რომელსაც ლაშა გაუძღვება და სადაც მის ცოდნასა და გამოცდილებას გაგიზიარებს. პროგრამის ფარგლებში ლექტორთან ერთად პრაქტიკაში განიხილავთ JavaScript-ის ყველა იმ ასპექტს, რომელიც React-ის ფუნდამენტური შესწავლისთვის არის საჭირო. გაეცნობი React-ის უახლესი, მე-18 ვერსიის ყველა იმ ძირითად ნიუანსს, კონცეფციებსა და არქიტექტურულ ნაწილებს, რომლებიც თანამედროვე სამომხმარებლო ინტერფეისების შესაქმნელად დაგჭირდება.

კურსის პროცესი იქნება მრავალფეროვანი, ნაკლებად ფორმალური და საინტერესო ლექციებით. ამას კი ლაშა თეორიული ცოდნის გაზიარებითა და ამ თეორიის პრაქტიკაში რეალიზების გზით აპირებს. ამიტომ, მომავალ სტუდენტებს ურჩევს მონდომებას, აქტიურობასა და თვითგანვითარებას, რაც მნიშვნელოვანია პროფესიონალად ჩამოსაყალიბებლად. კურსის დასრულების შემდეგ კი გექნება რეალური ცოდნა, როგორც თეორიული, ასევე პრაქტიკული, რათა მზად იყო ნებისმიერი გამოწვევისთვის.

ვფიქრობ, სტუდენტი, რომელიც გამომყვება ბოლომდე, სრულიად დამოუკიდებლად შეძლებს React-ის გამოყენებით აპლიკაციების შექმნას.

ამიტომ, თუ კარიერულ განვითარებას Front-end-ის მიმართულებით გეგმავ, აუცილებლად უნდა გამოიყენო ეს შესაძლებლობა. შემოგვიერთდი, კურსს 27 თებერვალს ვიწყებთ!

გაუზიარე მეგობრებს

შესაძლოა გაინტერესებდეს

დამწყები
1200₾
თანამედროვე ტექნოლოგიების ეპოქაში ხელოვნური ინტელექტი (AI), განსაკუთრებით მისი გენერაციული ფორმა, გახდა მნიშვნელოვანი ინსტრუმენტი, რომელსაც შეუძლია გააუმჯობესოს, გაამარტივოს და უფრო ეფექტური გახადოს როგორც პირადი, ისე პროფესიული ცხოვრება.გენერაციული AI არა მხოლოდ ამარტივებს და აჩქარებს ყოველდღიურ პროცესებს, არამედ ეხმარება ადამიანებს რესურსების სწრაფად მოძიებაში, კვლევის ჩატარებასა და ანალიზში, შემოქმედებითი იდეების გენერირებაში, სამუშაოების ავტომატიზაციასა და კომუნიკაციის ხარისხის ამაღლებაში.კურსის მიზანია, მონაწილეებს მიაწოდოს პრაქტიკული ცოდნა და გამოცდილება, რათა შეძლონ AI ტექნოლოგიების ეფექტურად გამოყენება ყოველდღიურ საქმიანობაში, რაც მნიშვნელოვნად დაზოგავს მათ დროს, გააუმჯობესებს პროდუქტიულობას და დაეხმარება თანამედროვე ცხოვრების სწრაფ ტემპთან ადაპტაციაში.
9 ლექცია
22.5 საათი
საშუალო
1400₾
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
12 ლექცია
36 საათი
დამწყები
1400₾
ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის.  ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.
12 ლექცია
36 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება