IT პროექტების მენეჯმენტი: ნინო კუჭაშვილი პროფესიისა და გამოცდილების შესახებ
ამ დროისთვის კომპანიების მთავარ გამოწვევას ციფრულ სამყაროში ტექნოლოგიური მიმართულებით განვითარება წარმოადგენს. მათი მიზანია, მომხმარებლებს შესთავაზონ მათთვის კომფორტული ციფრული პროდუქტი/სერვისი. ამ მხრივ წარმატებული შედეგების მიღწევას კი IT პროექტების მენეჯმენტი უზრუნველყოფს. ეს მიმართულება ციფრული პროდუქტის შექმნის სრულ ციკლს გეგმავს და ახორციელებს, მისი შექმნის იდეიდან მომხმარებლებისთვის მიწოდებამდე.
თუ ტექნოლოგიურ სფეროში გსურს კარიერის გაგრძელება და მენეჯერული უნარ-ჩვევებითაც გამოირჩევი, ეს პროფესია დაგაინტერესებს. გამოგვყევი და გაიგე მეტი ამ ინდუსტრიის შესახებ ნინო კუჭაშვილისგან. ის Commschool-ში IT პროექტების მენეჯმენტის კურსს გაუძღვება. ამ ბლოგში კი ნინო გვიყვება IT პროექტების მენეჯერის პროფესიაზე, გამოწვევებსა და დარგში არსებულ შესაძლებლობებზე.
ნინოს 10 წლიანი გამოცდილება აქვს როგორც hardware, ისე software პროექტების მართვაში. მისთვის კარიერის გამორჩეული პერიოდი Nokia-ში მუშაობაა, სადაც ტელეკომუნიკაციების მიმართულებით მართავდა პროექტებს. ამჟამად კი საქართველოს ბანკში IT პროექტების მენეჯერის პოზიციას იკავებს.
კარიერის სხვადასხვა ეტაპზე ნინო ასევე იკავებდა Product Owner-ის პოზიციას და უძღვებოდა სხვადასხვა რეგულაციური და საკანონმდებლო ცვლილების დანერგვას საქართველოს წამყვან ტექნოლოგიურ ორგანიზაციებში.
ფაქტობრივად, თავიდანვე პროექტ მენეჯერობით დავიწყე. ძალიან მომწონს ტექნოლოგიური სფერო და მისი შესაძლებლობები. შესაბამისად, ჩემთვის კარიერულად მეორე სფერო არც კი არსებობდა.
პროექტების მართვის სფეროში არაერთი საერთაშორისო დონის სერტიფიცირება არსებობს. თავად ნინო PMP, PMI-ACP, PSM1 და PSPO1 სერტიფიკატებს ფლობს. მისი აზრით, გამოცდილება ბევრს ნიშნავს, მაგრამ სერტიფიკატი დასტურია იმისა, რომ პროექტ მენეჯერს აქვს საერთაშორისო დონეზე აღიარებული და მისი პროფესიული საქმიანობისთვის საჭირო ცოდნა. პროექტ მენეჯერისთვის ჯერ კიდევ ყველაზე რთული და პრესტიჟულია PMP სერტიფიცირება, რომელიც უკვე უმეტესწილად ფარავს Agile მეთოდოლოგიებს და შედარებით ნაკლებად Waterfall მეთოდოლოგიებს. ნინო აღნიშნავს, რომ PMP-თვის მომზადება არც ისე მარტივია, თუმცა ეს პროცესიც ძალიან საინტერესო და დიდი გამოცდილების მომცემია.
ასევე საინტერესოა პირდაპირ Agile სერტიფიცირებებიც:
რადგან Scrum-ის შემქმნელებს თავადვე აქვთ სასერტიფიკატო პროგრამები, ვფიქრობ, საწყისი ეტაპები ყველა მენეჯერმა უნდა დაფაროს. საკმაოდ მარტივია PSPO 1 და PSM 1 სერტიფიცირებისთვის მომზადება და ჩაბარება. ეს ეტაპი უფრო ზოგადია და ძირითადად მოითხოვს Scrum გზამკვლევის კარგად ცოდნასა და აღქმას. ამ სერტიფიკატების შემდეგი დონეები კი უფრო მეტ ყურადღებასა და პრაქტიკულ ცოდნას საჭიროებს.
ტექნოლოგიურ სფეროში წარმატების ერთ-ერთ საწინდრად ნინო მუდმივად ცოდნის გაღრმავებაზე ზრუნვას მიიჩნევს. ეს დარგი მუდმივად იცვლება. შესაბამისად, აუცილებელია, რომ ზოგად ინფორმაციას მაინც ფლობდე მიმდინარე სიახლეებზე, ინოვაციებზე და არა მარტო:
პროექტ მენეჯერობა ისეთი სფეროა, რომ საჭიროა გუნდში და მის გარშემო არსებულ ყველა პოზიციასა და მიმართულებაზე საბაზისო ცოდნის ქონა. ამიტომ, თუ უშუალოდ პროექტების მართვის კუთხით ვერ ხედავ კონკრეტულ საჭიროებას, რომ სადმე ცოდნა გაიღრმაო, მუდამ უნდა გინდოდეს სხვა, შენს სფეროსთან დაკავშირებული პროფესიის უკეთ შესწავლა.
რა შესაძლებლობებს გაძლევს IT პროექტების მენეჯმენტი?
რატომ IT პროექტების მენეჯმენტი? ამასთან დაკავშირებით ნინოს შემდეგი მაგალითი მოჰყავს: “არსებობს Intel-ის დამფუძნებლის, გორდონ მურის კანონი. მისი მიხედვით, ყოველ 1–2 წელიწადში კომპიუტერის მიკროჩიპის შესაძლებლობები ორმაგდება. ვფიქრობ, რომ ეს დაკვირვება ინფორმაციულ ტექნოლოგიებს გლობალურად შეესაბამება. იმისთვის, რომ შესაბამისი ინოვაციური თუ ტრანსფორმაციული პროექტები შესრულდეს მსოფლიოს მასშტაბით, ყველგან აუცილებელია პროექტების კარგი მენეჯერის ყოლა.”
ვფიქრობ, აღარ არსებობს სფერო, სადაც ინფორმაციული ტექნოლოგიები არ გამოიყენება. წლიდან წლამდე მუდმივად ახალ–ახალი სტარტაპები და გამოგონებები ჩნდება, რომელთა სათავეშიც ტექნოლოგიური ინოვაცია ან უკვე არსებული სფეროს ტექნოლოგიური ტრანსფორმაციაა.
რაც შეეხება უშუალოდ ყოველდღიურ საქმიანობას, IT პროექტების მენეჯმენტი მრავალფეროვნებით გამოირჩევა. ნინო აღნიშნავს, რომ ერთი პროექტი განმავლობაშიც კი მუდმივად განსხვავებულ პრობლემასა და ფუნქციონალზე მუშაობა, სხვადასხვა ჯგუფთან, დეველოპერებთან და დაინტერესებულ მხარეებთან მოგიწევს მუშაობა. ხოლო პროექტის ყოველ ეტაპს განსხვავებული მახასიათებლები აქვს, რაც კიდევ უფრო საინტერესოს ხდის ყოველდღიურ სამუშაოს.
რაც შეეხება პროექტების მართვის მეთოდოლოგიებს, Software დეველოპმენტში Scrum Framework-ით მუშაობა ყველაზე პოპულარულია როგორც მსოფლიო, ასევე საქართველოს მასშტაბით. ტექნოლოგიური კომპანიების სრული უმრავლესობა Scrum ან Kanban Framework-ებით მუშაობს. შესაბამისად, ეს პროფესიაც და ამ მიდგომების ცოდნა ძალიან მოთხოვნადია.
Product Owner vs Project Manager
ალბათ, ხშირად შეგხვედრია ასეთი პროფესიაც – პროდუქტის მფლობელი (Product Owner). ეს როლიც ერთ-ერთი მნიშვნელოვანი კომპონენტია ციფრული პროდუქტის განვითარების პროცესში. კერძოდ, პროექტების მენეჯერი ქმნის გამოყენებად პროდუქტს 0-იდან, ხოლო პროდუქტის მფლობელი ავითარებს მას. იგი უკვე დასრულებული პროექტით მიღებულ პროდუქტზე მუდმივად აშენებს პატარ–პატარა ფუნქციონალსა და განახლებებს.
IT პროექტების მენეჯმენტი: კურსის შესახებ
როგორც უკვე გითხარი, ნინო IT პროექტების მენეჯმენტის კურსს გაუძღვება. პროგრამის ფარგლებში შეიძენ და დაეუფლები იმ ცოდნასა და ტექნიკებს, რომლებიც კი IT პროექტების მენეჯერს შეიძლება დაჭირდეს. კერძოდ, გაეცნობი პროექტის მართვის იმ მეთოდოლოგიებსა და ინსტრუმენტებს (Jira, Confluence, Clickup, Trello, Miro), რომლებიც ამჟამად გამოიყენება IT ინდუსტრიაში.
პროგრამის ფარგლებში დავფარავთ იმ თეორიულ და პრაქტიკულ ნაწილს, რომელიც გამოიყენება IT პროექტის მენეჯმენტისას არამარტო საქართველოს, არამედ მსოფლიო მასშტაბით. გარდა ამისა, გვექნება პრაქტიკული სავარჯიშოები და ფინალური პროექტი, რომელთა ფარგლებშიც ინდივიდუალურ უკუკავშირს დავუბრუნებ სტუდენტებს. კურსის ბოლომდე ვეცდები, ყველამ მაქსიმალური ცოდნა და უნარები წაიღოს, რათა მომავალში კარიერის ამ მიმართულებით გაგრძელება მარტივად შეძლონ.
გარდა ლექციებისა, ნინო მუდმივად გაგიზიარებს დამატებით მასალებს, წიგნებს, კურსებს, გამოსადეგ სამუშაო ხელსაწყოებს, რითაც დამოუკიდებლადაც შეძლებ ცოდნის კიდევ უფრო გაღრმავებას. ფინალური ინდივიდუალური პროექტის შესრულება კი ნამდვილად ღირებული პრაქტიკული გამოცდილება იქნება. დამატებით გეტყვი, რომ Commschool-გან კარიერულ მხარდაჭერასაც მიიღებ. ეს გამოიხატება რჩევებისა და კონსულტაციების ჩატარების მხრივ და პარტნიორი კომპანიების ექსკლუზიურ სამუშაო შეთავაზებებთან წვდომაში.
ვისთვის არის ეს კურსი? ნინო მიიჩნევს, რომ ვისაც ცნობისმოყვარეობა და ტექნოლოგიური სფეროს მიმართ დიდი ინტერესი აქვს, ეს პროფესია ერთ-ერთი ყველაზე კარგი არჩევანია. არ არის აუცილებელი წინარე ცოდნა და გამოცდილება ამ ინდუსტრიაში. მთავარია, რომ გქონდეს მუდმივად სწავლის და განვითარების ჟინი, დანარჩენი კი გამოცდილებასთან ერთად მოვა.
ამიტომ, შესაძლებლობების ახალი გზების საპოვნელად Commschool-ში უნდა შემოგვიერთდე. დეტალურად გაეცანი კურსის სილაბუსს და დაიწყე IT პროექტების მენეჯმენტის სწავლა ჩვენთან!
შესაძლოა გაინტერესებდეს
საშუალო
დამწყები
საშუალო
შესვლა Google-ით
შესვლა Facebook-ით