მიიღე პირველმა ინფორმაცია ახალ პროგრამებზე
Facebook Linkedin Instagram Youtube Envelope

გაიცანი Python-ის ლექტორი – ნიკა ჭყონია

თუ გინდა 0-დან დაიწყო Back-end-ის შესწავლა Python-ით, მაშინ სწორ ადგილას შემოგიხედავს, რადგან ამ ბლოგში მინდა Python-ის ლექტორი ნიკა ჭყონია გაგაცნო. 

ნიკას Python-ში მუშაობის რამდენიმეწლიანი გამოცდილება აქვს როგორც ქართულ, ისე საერთაშორისო ბაზარზე პატარა და დიდი მასშტაბის სტარტაპებში. უთანამშრომლია ისეთ კომპანიებთან, როგორებიცაა Innosoft, Genesis AI, Lucid LLC და ა.შ. ამასთან ერთად, მას გამოცდილება აქვს სტარტაპებთან პროგრამული უზრუნველყოფის კონსულტაციაში, სადაც არსებული კოდის ოპტიმიზაციას, API-ს ტესტირებასა და დოკუმენტაციის გაუმჯობესებას უზრუნველყოფდა. 

ნიკა ამჟამად Omedia-ს Full Stack Developer-ია და პარალელურად თანამშრომლობს მრავალი ჯილდოს მფლობელ მანქანური ხედვის სტარტაპთან, NATIX-თან, როგორც Python Back-end დეველოპერი და Full Stack დეველოპერი.

ნიკას აზრით, მუდმივ და მთავარ გამოწვევას წარმოადგენს ის, თუ როგორ უნდა იაზროვნო, როგორც პროგრამისტმა: 

სამეტყველო ენაზე გადმოცემული დავალება უნდა დაალაგო, გადაიყვანო კონკრეტულ ობიექტურ ნაბიჯებში, იპოვო და გამოიყენო პროგრამირების ენის ის კომპონენტები რომლებიც ამ დავალების შესრულებაში მოგეხმარებიან.

ნიკა ასევე იმ გამოწვევებსაც გვიზიარებს, რომელსაც კარიერის დასაწყისში ხშირად აწყებიდან დამწყები პროგრამისტები, თუმცა რომლებიც დროთა განმავლობაში დაძლევადია:

დასაწყისში ერთ-ერთი მთავარი გამოწვევა სწავლის მიდგომების შემუშავებაა, რადგან დაპროგრამება ბოლომდე არც მათემეტიკასა და არც წერას არ ჰგავს, მათი ნაზავია. შესაბამისად, სხვა სწავლის მიდგომებს საჭიროებს, მაგალითად, როგორ გამოიყენო ვიზუალიზაციის ხერხები, როგორ გაავლო ალგორითმების პარალელები რეალურ სამყაროსთან, როგორ წარმოიდგინო შენი დაწერილი კოდის ჩაშვება და იმის ცოდნა, თუ რა ნაბიჯებს გადის და რა მასალაა საჭირო კონკრეტული ამოცანების ამოსახსნელად.


აქვე გეტყვი, რომ Python N2 მოთხოვნადი პროგრამირების ენაა Back-end-ში და როგორც ნიკა გვიამბობს:

Python ისეთ სფეროებშია მოთხოვნადი, როგორებიცაა: Data Science, Machine Learning, Web Scraping, Computer Vision და Backend Engineering. გარდა ამისა, ისეთი ცნობილი აპლიკაციების მნიშვნელოვანი ნაწილი აწყობილია Python-ში, როგორებიცაა Youtube, Instagram, Spotify და Amazon.


ამიტომ თუ ფიქრობ, რომ Python-ის სწავლა გსურს, გეტყვი, რომ კურსის განმავლობაში სტუდენტები გაივლიან კომპიუტერული მეცნიერების საფუძვლებს, შეისწავლიან Python-ის პროგრამირების ენას და ააწყობენ ვებ სერვისს Django-სა და Flask-ის framework-ებით, რაც სტუდენტებს საშუალებას მისცემთ გადადგან შემდეგი კარიერული ნაბიჯები Back-end Development-ში, რადგან მათ Github პორტფოლიოში უკვე იქნება კურსის ფარგლებში შესრულებული ინდივიდუალური პროექტი.

კურსის დასრულების შემდეგ კი შეგეძლება:

  • Visual Studio Code-ში მუშაობა

  • კოდის ვერსიის კონტროლი Git-ის მეშვეობით

  • Python-ის პროექტების ორგანიზაცია

  • Django/Flask-ის გამოყენება ვებ სერვისებისა და API-ების გასამართად

  • პროფესიულ დონეზე კოდის დოკუმენტაცია

  • MD ენის გამოყენება დოკუმენტაციის დასაწერად

  • Swagger-ის გამოყენება დოკუმენტაციის დასაწერად

  • გამართული, სუფთა, პროფესიული სტანდარტის Python-ის კოდის წერა

  • ობიექტზე ორიენტირებული დაპროგრამება ამოცანების შესასრულებლად

  • Python-ის პაკეტებთან მუშაობა

  • Web აპლიკაციის სატესტო და Production გარემოში გაშვება

  • მონაცემთა ბაზების გამართვა-დამუშავება (MongoDB)

  • პროექტის კონფიგურაციის ფაილებთან მუშაობა (JSON)

  • Python-ზე სხვა განხრითაც განვითარება (Machine Learning, Computer Vision, Data Science, Web Scraping)

ასე რომ, თუ ამ ბლოგის წაკითხვის შემდეგ კიდევ მეტად დარწმუნდი, რომ Python-ის სწავლა გსურს, გადადგი პირველი ნაბიჯი 👇🏼

აირჩიე Python

ავორი: მარი ბენიაიძე




გამოიწერე სიახლეები

გაიარე კონსულტაცია

გაგზავნა