დღეს ციფრულმა პროდუქტებმა ძალიან ბევრი ყოველდღიური საქმე ჩაანაცვლა. იმისათვის, რომ ეს პროდუქტები მაქსიმალურად მორგებული იყოს ადამიანის მოთხოვნებს და უმარტივებდეს ყოველდღიურ საქმიანობას, საჭიროებასთან ერთად, აუცილებელიცაა, ვიცოდეთ UX პროცესების სწორად წარმართვა.

ეს კურსი მოიცავს UX პროცესების ძირითად კომპონენტებს და ასწავლის იმ თანამედროვე ინსტრუმენტებს, რომლებიც ინდუსტრიაში მუშაობს. ლექციების განმავლობაში, ღრმად ჩავიხედავთ UX-ის ისეთ თემებში, როგორებიცაა – UX კვლევა, დიზაინი, პროტოტიპის შექმნის ინსტრუმენტები და ტექნიკები, მომხმარებლის ტესტირება და შედეგების გაზომვა.

პროგრამა გათვლილია დამწყები UX დიზაინერებისთვის, UI დიზაინერებისთვის, გრაფიკული დიზაინერებისთვის და ყველა იმ ადამიანისთვის ვინც მონაწილეობს ციფრული პროდუქტის შექმნაში, უწევს ურთიერთობა პროდუქტის დაგეგმვასთან და UX დიზაინერებთან, განსაკუთრებით კი პროდუქტ მენეჯერებისთვის.

კურსი მოიცავს ულიმიტო წვდომას გლობალურ მონაცემთა ბაზასთან WARC, რომლის მეშვეობითაც შეძლებ გაიღრმავო ცოდნა სხვადასხვა მიმართულებით. არ აქვს მნიშვნელობა, რომელი სფეროს წარმომადგენელი ხარ, WARC-ზე თითქმის ყველა ინდუსტრიიდან შეგიძლია იხილო სხვადასხვა ქეისები, სტატიები, მონაცემები, ტრენდები, ვებინარები, მინი კურსები და რეპორტები.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.