ჰიბრიდული
მარკეტინგის სფერო ხშირ შემთხვევაში მოიაზრება მარტივ, „რომანტიკულ“ და სახალისო სამუშაო გარემოდ. სინამდვილეში იმისთვის, რომ მარკეტინგის მენეჯერისთვის სამუშაო პროცესი გახდეს მარტივი და მრავალფეროვანი, საკმაოდ ბევრი, სისტემური და თანმიმდევრული ნაბიჯებია გადასადგმელი. კურსი სწორედ ამ ნაბიჯებს ეხება.
პროგრამა შექმნილია მარკეტერებისთვის, ვისაც სურთ ჩაუღრმავდნენ სტრატეგიულ მარკეტინგს და ლიდერობას მარკეტინგში. კურსი აგებულია პრაქტიკულ გამოცდილებასა და რეალურ ინსაითებზე – იმაზე, რასაც ვერსად წაიკითხავ, თუ პრაქტიკაში არ გამოცდი – რეალურ პროცესზე, მიმდინარე გამოწვევების მიღებასა და გადალახვაზე.
ინტერაქციულ სესიებზე სტუდენტებს საშუალება ექნებათ, კომპანიის ბიზნეს პროცესებს შეხედონ განსხვავებული პრიზმიდან, მიიღონ შთაგონება და მოტივაცია, რათა მათი ყოველდღიური სამუშაო გამოცდილება გახდეს საინტერესო. ისინი შეძლებენ პრაქტიკულ მაგალითებზე დაყრდნობით დაფიქრდნენ იმაზე, თუ როგორ შეუძლიათ მიღებული ცოდნა და უნარები გამოიყენონ რეალურ სამუშაო გარემოში.
კურსის დასრულების შემდეგ შეგეძლება
დამატებითი უნარები: სტრატეგია, ბიუჯეტირება, ბრენდინგი, სააგენტოს მენეჯმენტი
-
სტრატეგიული გეგმის შემუშავება და განხორციელება;
-
ბრენდის იდენტობის განსაზღვრა და მართვა, რებრენდინგი;
-
ბაზრის კვლევის შედეგების რეალურ სცენარებში გამოყენება - კვლევის დაგეგმვა და მიღებული ინსაითების თარგმნა ეფექტური შედეგების მისაღებად;
-
მარკეტინგის ძირითადი მეტრიკების გამოყენება;
-
სააგენტოს შერჩევის პროცესის ჩატარება და კრეატიულ გუნდთან ეფექტური კომუნიკაცია
-
კამპანიის დაგეგმვა და მისი შეფასება;
-
ბიუჯეტის მენეჯმენტი და რესურსების ეფექტურად გადანაწილება;
-
გუნდის წევრებთან, სხვა დეპარტამენტებთან და მენეჯმენტთან სწორი კომუნიკაცია.
ორშ-ხუთ | 19:30-21:30
TBC განვადება
BOG განვადება
ვისთვის არის კურსი
მარკეტერებისთვის
კურსი განკუთვნილია მოქმედი მარკეტერებისთვის, ვინც უკვე მართავს ან მონაწილეობს კომპანიის საკომუნიკაციო მიმართულებისა და მარკეტინგული რესურსების მენეჯმენტში.
საშუალო რგოლის მარკეტინგის მენეჯერებისთვის
კურსი განკუთვნილია უმცროსი ან/და საშუალო რგოლის მარკეტინგის მენეჯერებისთვის, ვისი მიზანიცაა, გაიუმჯობესონ სტრატეგიული ხედვა და პრაქტიკული უნარ-ჩვევები.
პროგრამა მოიცავს
კურსდამთავრებულთა კლუბი
ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.
პრაქტიკული პროექტები
პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.
ორენოვანი სერტიფიკატი
კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.
კურსდამთავრებულები
ლუკა დარჩია
მარკეტინგის მენეჯმენტი
კურსის გავლა დამეხმარა უკეთ დამენახა, როგორ მუშაობს მარკეტინგი საქართველოში, რა თავისებურებები აქვს ქართულ მარკეტს. ეთოს დახმარებით, უამრავ “მოკლე გზას” სწავლობ მარკეტინგული მიზნების წარმატებულად და მაქსიმალურად უდანაკარგოდ მისაღწევად. ქართული ქეისების და აქტუალური ტენდენციები განხილვა, სხვადასხვა კომპანიის წარსულში დაშვებული შეცდომების ანალიზი საქართველოში მომუშავე მარკეტერებს გვეხმარება მარტივად დავეწიოთ სწრაფად მზარდ ბაზარს. და, რაც მთავარია, თუ გამოცდილების შეძენისას კითხვები დაგიგროვდათ, ეთო საუკეთესო კანდიდატია, ვისგანაც პასუხებს მოისმენთ.
ლევან თაღიაშვილი
მარკეტინგის მენეჯმენტი
ლექტორის უშუალობა და მიდგომა მინდა აღვნიშნო. მისი გულწრფელად მოყოლილი ამბები გაცილებით უფრო ფასეული იყო ჩემთვის, ვიდრე ნებისმიერი თეორიული წიგნი მარკეტინგზე. მისი მრავალწლიანი გამოცდილების გაზიარება ყველაზე ღირებულია აქტივია. კურსის გავლის შემდეგ დიდ სურათს გაცილებით უკეთ აღვიქვამ და ეს ჩემს ყოველდღიური საქმიანობაზეც აისახება. ასევე უფრო მეტად ორიენტირებული გავხდი დეტალებზე.
ნიკა კაკოიშვილი
მარკეტინგის მენეჯმენტი
Commshool-ში ორი კურსი გავიარე, ჯერ Data Driven Marketing, შემდეგ Marketing Management. ახლა ხარბად "ვუსადკავებ" ახალ კურსს. Commshool არის პროფესიონალიზმის ნიმუში, მუდმივი ინტერაქცია მენეჯმენტიდან, უკუკავშირის მიღება/გაანალიზება, მომენტალური ცვლილებები და ტექნიკურ საკითხებზე დროული რეაგირება. ლექტორები თავიანთი გამოცდილების ფონზე გვიზიარებენ ძალიან პრაქტიკულ რაღაცებს, რაც მუშაობს და რითაც უკეთესად იმუშავებ. კორონაჩაკეტილობის დროს 4 კურსი მქონდა, 2 Commschool-ში და 2 - სხვაგან, ცა და დედამიწა როგორც შინაარსობრივ, ისე ტექნიკურ ნაწილში - მართალია, უამრავი კურსია დიჯითალ კომპანიების, ზოგი უფასოც, თუმცა თუ ფულის სწორი ინვესტიცია გინდა, აქ ღირს მოსვლა.
მარიამ ფერიშვილი
მარკეტინგის მენეჯმენტი
მარკეტინგი ბევრ პატარა და დიდ რამეს აერთიანებს, ხშირად რთული განსასაზღვრიც კია ზუსტად სად მთავრდება, ამიტომ მარტივად შეიძლება დაიკარგო საქმის კეთების პროცესში და გამოგრჩეს მთავარი, რის გამოც საერთოდ აკეთებ ამ ყველაფერს. ეს კურსი დამეხმარა ცოტა ზემოდან დამენახა პროცესები და გამეხსენებინა, რომ ყველაზე მნიშვნელოვანია დავსვა კითხვა - რატომ? დანარჩენი კი მარტივად დალაგდება.
ნინი ზექალაშვილი
მარკეტინგის მენეჯმენტი
კურსის განმავლობაში ჩემთვის ყველაზე ღირებული ლექტორთან და სტუდენტებთან ურთიერთობა იყო იმიტომ, რომ ეს ნეთვორქინგის საუკეთესო საშუალებაა. კურსი არ გაძლევს თეორიულ ცოდნას, ის გაძლევს პრაქტიკას, რომელსაც იყენებენ სხვადასხვა დიდ და წარმატებულ კომპანიაში. ამ კომპანიების success ქეისები გეხმარება იმაში, რომ საკუთარი კომპანიის მაგალითზე შეაფასო და გარედან შეხედო მოვლენებს.
სალომე მინდიაშვილი
მარკეტინგის მენეჯმენტი
ყველაზე ღირებული ის პრაქტიკა და გამოცდილების გაზიარებაა, რაც კურსის განმავლობაში ლექტორმა მოგვცა. ჩემთვის ასევე ძალიან მნიშვნელოვანი იყო უშუალოდ Commschool-ის ჩართულობა სწავლის პროცესის დროს და ნებისმიერ უკუკავშირზე რეაგირება. თუ ვინმეს რეალური, პრაქტიკული ქეისების საფუძველზე უნდა ცოდნის მიღება, ჩემი გამოცდილებით, ეს სკოლა ერთადერთია, რომელიც გარდა თეორიისა, პრაქტიკულ ნაწილს სრულად აკმაყოფილებს. საინტერესოა ასევე კოლეგების გაცნობა და პროფესიული წრის გაფართოება. სწავლის პროცესში და დასრულების შემდეგ რამდენიმე ღირებული შეთავაზებაც მივიღე.
ლიკა სულავა
მარკეტინგის მენეჯმენტი
კურსის გავლის შემდეგ გაიაზრებ, თუ რატომ არის მარკეტინგი ზუსტი მეცნიერება და როგორ შეიძლება იყოს ნებისმიერი მარკეტინგული აქტივობა თვლადი და გაზომვადი. კურსის დასრულების შემდეგ, შენ შეძლებ ჩამოაყალიბო მარკეტინგის სრულფასოვანი გუნდი, სწორად გაანაწილო რესურსები და შეადგინო სტრატეგიულ მიზნებზე ორიენტირებული მარკეტინგული ბიუჯეტი.
მარიამ მამალაძე
მარკეტინგის მენეჯმენტი
კურსი იდეალურ შესაძლებლობას იძლევა კარგი ფუნდამენტისა და მარკეტინგული პერსპექტივის შექმნისთვის. სწავლის პროცესში თეორიულ ნაწილთან ერთად პრაქტიკულის განხილვა და რეალურ მაგალითებზე მუშაობა ძალიან საინტერესო იყო. კურსის დასრულების შემდეგ, ბევრად ინსპირირებული ვარ, ვიცი როგორ მივუდგე კონკრეტულ ქეისებს და ეს თავდაჯერებულობას მმატებს. კომუნიკაციების სკოლა ავირჩიე, რადგანაც ვენდობი მრავალწლიან გამოცდილებას, პროფესიონალ გუნდსა და ლექტორებს. ზოგადადაც, ვფიქრობ, ამ სფეროში ქომსქული წამყვანია. ვფიქრობ ეს სხვა ყველაფერთან ერთად ეთოს (ლექტორის) დამსახურებაა, მისმა ინსაითებმა სწავლის პროცესი ორმაგად საინტერესო გახადა.
მარიამ ჯიქია
მარკეტინგის მენეჯმენტი
კურსის არჩევა იყო ჩემ კარიერაში ერთ-ერთი ძალიან სწორი გადაწყვეტილება, რადგან ზუსტად ის ცოდნა მივიღე, რაც მაკლდა, ბევრი საკითხის შემდგომ, კითხვის ნიშნები უნებურად წერტილებად გადაიქცა. ვინც ამჟამად ფიქრობს, რომ მარკეტინგის მიმართულებით საკითხების დალაგება, გაანალიზება და სიღრმისეული ჩახედვა სჭირდება, უკეთეს ადგილს ვერ ვურჩევდი, გამორჩეულია ჩემთვის თქვენი, სტაფის ყურადღება, რაზეც თამამად შემიძლის ვთქვა, რომ არსად მიმიღია ამ დოზით.
საბა ლეკიაშვილი
ამ კურსის ყველაზე დიდი სიურპრიზია, რომ იღებ იმაზე ბევრად მეტს, ვიდრე გგონია და განსაზღვრული გაქვს რომ მიიღებ. მთელი ამ პერიოდის განმავლობაში ლექტორიც და კურსიც მიმართულია იმისკენ, რომ აითვისო ახალი ინფორმაცია, შეხვიდე დეტალებში, გაანალიზო ამჟამინდელი და პოტენციური მომხმარებლის თითოეული ნაბიჯი და გესმოდეს სად შეიძლება წარმოიქმნას პრობლემა და როგორ შეიძლება გადაიჭრას. თანამედროვე სამყაროში და განსაკუთრებით მარკეტინგში მონაცემებს უდიდესი როლი უკავია და ამ მონაცემებზე დაფუძნებული გადაწყვეტილების მიღების უნარის გამოსამუშავებლად ვფიქრობ, რომ იდეალური კურსია. ასევე მნიშვნელოვანი იყო Commschool-ის ჩართულობა სწავლის განმავლობაში. კოორდინატორი ყოველთვის მზად არის ყველა კითხვაზე პასუხი გაგცეს და WARC-ზე წვდომაც ძალიან გეხმარება დამატებით ცოდნის მიღებაში.
იოსებ ხუჯაძე
მარკეტინგის მენეჯმენტის კურსი, რომელიც გავიარე, ნამდვილად ღირებული გამოცდილება იყო. კურსი მოიცავდა მარკეტინგის ძირითადი პრინციპების და სტრატეგიების შესწავლას, რაც დაეხმარა ჩემს პროფესიულ განვითარებას. კომუნიკაციების სკოლა შევარჩიე, რადგან ვენდობი მათ მრავალწლიან გამოცდილებას, პროფესიონალურ გუნდსა და კვალიფიციურ ლექტორებს. მთლიანობაში, კურსი იყო ძალიან ინფორმაციული და პრაქტიკული. თუ გსურთ გაიღრმავოთ თქვენი ცოდნა მარკეტინგში და შეიძინოთ უნარები, რომლებიც შეგიძლიათ გამოიყენოთ რეალურ პროექტებში, ამ კურსი ნამდვილად გირჩევთ.
ვიკა ზურაბიშვილი
ჩემთვის, როგორც მარკეტინგის მენეჯერისთვის, ეს კურსი იყო ცოდნის გამყარება და პრაქტიკული გამოცდილების განახლება. ლექტორის უშუალო დამოკიდებულებამ და რეალური ქეისების გაზიარებამ პროცესი უფრო საინტერესო გახადა. კურსმა მნიშვნელოვნად გააღრმავა ჩემი სტრატეგიული აზროვნება და განმივითარა ხედვა, თუ როგორ უნდა ვმართო მარკეტინგული პროცესები და საკუთარი გუნდი უფრო ეფექტურად და შედეგზე ორიენტირებულად.
ანა ზუბიაშვილი
მარკეტინგის მენეჯმენტი
კურსმა ნამდვილად გადააჭარბა მოლოდინებს. თეორიისა და პრაქტიკის იდეალური ბალანსი იყო. ლექტორი, რომელიც თავად არის მოქმედი პროფესიონალი, გვიზიარებდა გამოცდილებას რეალური პროექტებიდან, რაც განსაკუთრებით ღირებული აღმოჩნდა. ვისწავლე, თუ როგორ დავგეგმო მარკეტინგული სტრატეგია კომპანიის მიზნებზე მორგებულად, ავაწყო კომუნიკაციის არხები, განვსაზღვრო სწორი ბიუჯეტი და KPI-ები. ამ კურსმა მომცა არა მხოლოდ ცოდნა, არამედ სისტემური ხედვა — დღეს მარკეტინგს ვუყურებ როგორც ბიზნესის ინტეგრირებულ ნაწილს და არა უბრალოდ ერთ-ერთ ოპერაციულ ფუნქციას. Commschool-ს გამორჩეული მიდგომა აქვს — აქ ყველა მოდული პრაქტიკაზეა ორიენტირებული. Marketing Management-ის კურსი ჩემთვის აღმოჩნდა გარდამტეხი ეტაპი. მან მომცა არა მხოლოდ ცოდნა, არამედ ხედვა, პრაქტიკა და თავდაჯერებულობა, რაც მჭირდებოდა.
სილაბუსი
აარჩიე შენთვის სასურველი დრო
ლექტორები
ეთო მერებაშვილი
Marketing Management
ეთო მერებაშვილი
Marketing Management
ეთოს მარკეტინგის სფეროში მუშაობის 15+ წლიანი გამოცდილება აქვს, რა დროის განმავლობაშიც მისი უშუალო ხელმძღვანელობით 40-ზე მეტი კამპანია განხორციელდა. მისი კარიერა დაიწყო თეგეტა მოტორსში, სადაც 2011-2015 წლებში იკავებდა სხვადასხვა პოზიციას - სოციალური მედიის სპეციალისტიდან მარკეტინგის მენეჯერის პოზიციამდე. მისი გამოცდილება მოიცავს როგორც რითეილის, ასევე B2B მარკეტინგს ქართულ და გლობალურ ბრენდებთან. კარიერის უდიდესი ნაწილი უკავშირდება კომპანია zoommer-ის “ოქროს ხანას”, მის რებრენდინგსა და ყველაზე ხმაურიან კამპანიებს. ეთოს პორტფოლიოშია დეველოპერული კომპანია “მეტროპოლის” ნეიმინგი, ბრენდინგი და ლონჩიც. ამჟამად ეთო ჩეხური მარკეტინგული სააგენტოს - SocialSharks-ის GM-ია, ასევე უწევს ბიზნესებს კონსულტაციებს მომხმარებლის ქცევის, მარკეტინგული სტრატეგიისა და ბიზნესის განვითარების მიმართულებით.
Linkedin
ხშირად დასმული კითხვები კურსის შესახებ
Your search Digital Designer did not match any documents
ვერ მიიღე შენთვის საინტერესო ინფორმაცია?
ჩაეწერე უფასო კონსულტაციაზეშესაძლოა გაინტერესებდეს
საშუალო 
საშუალო 
დამწყები 
დამწყები 
დამწყები 
ექსპერტი 
დამწყები რელევანტური რესურსები
იხილე სრულად
"მარკეტინგის 70% უხილავი შრომაა" - ეთო მერებაშვილი
მარკეტინგის სფერო მრავალი ადამიანისთვის მხოლოდ კრეატიულ რეკლამებთან ასოცირდება. სინამდვილეში მარკეტინგის მენეჯმენტი ბევრად კომპლექსური პროცესია. იგი მოიცავს ბაზრის კვლევას, ბიუჯეტის სწორად გაწერას, კამპანიის ეფექტურად დაგეგმვას, ექსელთან მუშაობას, გუნდის მართვას. კამპანიის წარმატებისთვის კი აუცილებელია სისტემურობა და თანმიმდევრულობა.თუ გაინტერესებს, რეალურად რა პროცესები მიმდინარეობს ლამაზი და შთამბეჭდავი რეკლამების ფარდებს მიღმა, ამ ბლოგს გაეცანი. ეთო მერებაშვილი, მარკეტინგის მენეჯმენტის ლექტორი, მოგიყვება, რატომ არის საჭირო მარკეტინგული კამპანიები და რა განაპირობებს მის ეფექტურობას. დარეგისტრირდი ეთოს მარკეტინგის სფეროში მუშაობის 13+ წლიანი გამოცდილება აქვს, რა დროის განმავლობაშიც მისი უშუალო ხელმძღვანელობით 40-ზე მეტი კამპანია განხორციელდა. მისი კარიერა დაიწყო თეგეტა მოტორსში, სადაც სხვადასხვა დროს იკავებდა განსხვავებულ პოზიციას - სოციალური მედიის სპეციალისტიდან მარკეტინგის მენეჯერის პოზიციამდე. მისი გამოცდილება მოიცავს როგორც რითეილის, ასევე B2B მარკეტინგს ქართულ და გლობალურ ბრენდებთან. კარიერის უდიდესი ნაწილი უკავშირდება კომპანია zoommer-ის “ოქროს ხანას”, მის რებრენდინგსა და ყველაზე ხმაურიან კამპანიებს. ბოლო ორი წლის განმავლობაში მუშაობდა როგორც მარკეტინგ კონსულტანტი და კომპანიებს მარკეტინგული სტრატეგიების შემუშავებაში უწევდა დახმარებას. ამჟამად ეთო ჩეხური მარკეტინგული სააგენტოს - SocialSharks-ის GM-ია. საქმისადმი მთავარი მიდგომა, ალბათ ისაა, რომ ძალიან მიყვარს ის საქმე, რასაც ვაკეთებ და არ ვუდგები მას, როგორც "დავალებას". ვცდილობ, რომ იმ პროექტიდან, რაზეც ვმუშაობ მაქსიმალური სარგებელი და ეფექტი მივიღო ეთო მერებაშვილი რეალურად რას მოიცავს მარკეტინგის მენეჯმენტი? "მარკეტინგი პრობლემის გააზრებისა და პრობლემიდან ამოსვლის საკითხია და არა უბრალოდ ლამაზი ვიდეოები და კარგი პოსტები სოციალურ მედიაში", - ამბობს ეთო. მისი აზრით, ერთ-ერთი ყველაზე გავრცელებული მცდარი შთაბეჭდილება მარკეტინგის სფეროს შესახებ არის ის, რომ იგი მხოლოდ რეკლამაა. რეალურად კი მარკეტინგის მენეჯმენტი ბაზრის კვლევას, პროდუქტის განვითარებას, მომხმარებელთა ქცევის ანალიზსა და სხვა მრავალ შრომატევად პროცესს მოიცავს. როგორც წესი, მარკეტინგს გარედან აღიქვამენ როგორც ლამაზი რეკლამების სამჭედლოს, რაც ასე არ არის. სინამდვილეში მის უკან ძალიან დიდი შრომა იმალება გაყიდვების, პროდუქტებისა და სხვა დეპარტამენტებთან. ჩვენი საქმის 70% უხილავი შრომაა. ეთო მერებაშვილი როგორ ეთო ამბობს, მარკეტინგული კამპანიების უკან დიდი შრომა დგას. სასიცოცხლოდ აუცილებელია, რომ მარკეტინგული აქტივობების ციკლი სრულად დაგეგმილი იყოს. საჭიროა წლის კალენდრის, კონტენტ კალენდრის არსებობა. ამის გარეშე ბიუჯეტს ვერ განსაზღვრავ, დედლაინებს ვერ დაალაგებ, პროექტის ვადაში ჩატევა გართულდება. შესაბამისად, ეფექტურად მუშობა გამორიცხულია. მარკეტინგული კომუნიკაცია კი მაშინ არის წარმატებული, როდესაც:სწორად არის შერჩეული სამიზნე აუდიტორია, რათა მათი საჭიროებები სწორად დადგინდეს;გზავნილი მკაფიო და თანმიმდევრულია;ხდება ემოციური კავშირის დამყარება აუდიტორიასთან;კამპანია დროული და შესაბამისია - გზავნილი სწორად ეხმიანება დღევანდელ საჭიროებებს;საკომუნიკაციო არხების სწორად არის გამოყენებული - მომხმარებელს სწვდება იქ, სადაც მათი ყველაზე დიდი კონცენტრაციაა;არის გაზომვადი. https://www.youtube.com/watch?v=3OGNEus8GQs გარდა ამისა, ეთო მიიჩნევს, რომ მარკეტინგის მენეჯმენტის გუნდი პროდუქტის შექმნასა და განვითარებაში აუცილებლად უნდა იყოს ჩართული. მარკეტინგისა და პროდუქტების გუნდების კოორდინაცია ბაზარზე პროდუქტის სიცოცხლისუნარიანობასა და წარმატებას განაპირობებს:მომხმარებლების ინსაითები გავლენას ახდენს პროდუქტის დიზაინზე. შესაბამისად, მათ საჭიროებებზე მორგებულ პროდუქტს ქმნი;ცდილობ, ბაზარს მიაწოდო ისეთი პროდუქტი, რომელიც ბრენდის გზავნილსა და ღირებულებებს ეხმიანება;ბაზარზე გასვლის ეფექტური სტრატეგიები - უკუკავშირების შეგროვება და პროდუქტის განვითარების პროცესში გამოყენება;მარკეტინგის დახმარებით პროდუქტზე ინტერესი ჩნდება. მარკეტინგის როლი ბიზნესის წარმატებაში მარკეტინგი კრეატიულობის, მონაცემთა ანალიზისა და ფსიქოლოგიის გამოყენებით ცდილობს, გავლენა მოახდინოს მომხმარებლის არჩევანზე; ცდილობს შექმნას ისეთი დამაჯერებელი ნარატივები, რომელთა საშუალებითაც მომხმარებელთან ურთიერთობას მარტივად დაამყარებს და მათ საჭიროებებს მოერგება. სტრატეგიული კამპანიები ამბის თხრობითა და მომხმარებლის ჩართულობით კი ბრენდის ღირებულებასა და მისდამი ნდობას ქმნის. ამიტომ, ეთოს აზრით, სწორად დაგეგმილ სტრატეგიებს გადამწყვეტი მნიშვნელობა აქვს. მარკეტინგის მენეჯმენტი სტრატეგიით და სტრატეგიის გარეშე - ეს იგივე, რაც ლაბირინთში რუკით და რუკის გარეშე სიარული.ალბათ, ხშირად გსმენია მოსაზრება იმის შესახებ, რომ კარგ პროდუქტს მარკეტინგი არ სჭირდება. ეთოს თქმით, ეს შეხედულება მცდარია, რადგან საუკეთესო პროდუქტი მარკეტინგის გარეშე შესაძლოა ყველასგან შეუმჩნეველი დარჩეს. მარკეტინგი საჭიროა ხილვადობისთვის. იგი ბაზარს აწვდის ინფორმაციას პროდუქტის უპირატესობაზე. ზოგისთვის მარკეტინგი მანიპულაციაა - ატყუებს ადამიანებს იყიდონ ის, რაც არ ჭირდება. თუმცა ეთიკური მარკეტინგი ორიენტირებულია მომხმარებელთა საჭიროებების იდენტიფიცირებასა და მათ დაკმაყოფილებაზე, ღირებულებების შექმნაზე. მსგავსი მიდგომა კი ნამდვილად აუმჯობესებს მომხმარებლების ყოველდღიურობას, ან ჭრის მათ პრობლემებს. ეთო მერებაშვილი როდის დგება რებრენდინგის საჭიროება? რაც შეეხება რებრენდინგს, ეთოს აზრით, კომპანიისთვის მისი საჭიროება დგება, როდესაც: ბრენდის იდენტობა მოძველებულია - ბრენდი ვერ მიყვება ბაზრის დინამიკას, მომხმარებლის პრეფერენციებს, ან შეიცვალა კომპანიის ხედვა, მისია და ღირებულებები; რეპოზიციონირება - როდესაც კომპანიას სურს ბაზრის ახალი სეგმენტის ათვისება და ბაზარზე მისი პოზიციონირების ცვლილება; ნეგატიური ასოციაცია - ბრენდის დისტანცირება უარყოფითი წარსულისგან; შერწყმა - როდესაც ორი კომპანია ერთიანდება; რებრენდინგის პროცესი მოიცავს: ვიზუალური იდენტობის ახალი დიზაინის შექმნას - ლოგოს, ფერთა გამის, ტიპოგრაფიის, ვიზუალური სტილის ცვლილებას;ბრენდის გზავნილი, დაპირება, Tone of voice - რომლებიც ეხმიანება ბრენდის განახლებულღირებულებებს და მიზნებს;ყველა მარკეტინგული მასალის განახლება. მისი ეფექტურობა კი შემდეგი კრიტერიუმებით იზომება:ბრენდის ცნობადობა და აღქმა - როგორ შეიცვალა რებრენდინგის შემდგომ მომხმარებლის განწყობა;მომხმარებლის ჩართულობა - მისი გაზომვა სოციალურ მედიაში, ვებ-გვერდებზე;გაყიდვებისა და ბაზრის წილის გაანალიზება;თანამშრომლების უკუკავშირი და განწყობა;ბრენდის იდენტობის გაძლიერება, ბაზარზე პოზიციონირების გაუმჯობესება. მარკეტინგის მენეჯერი - საჭირო უნარები და კვალიფიკაცია მარკეტინგში გადაწყვეტილების მიმღები პირის საჭირო უნარებზე საუბრისას ეთომ რამდენიმე ფაქტორი გამოყო:მონაცემებზე დაყრდნობილი გადაწყვეტილებები;ადაპტაცია და სისწრაფე - თუ უმალვე ცვლილებებს ალღოს ვერ აუღებ, შეიძლება ძალიანმნიშვნელოვანი მოვლენები გამოტოვო და ვეღარასდროს დაეწიო;ექსპერიმენტები - თუ არ სცადე, ვერასდროს გაიგებ, რა იმუშავებს და რა - არა.ლიდერობა მარკეტინგის მენეჯმენტის მიმართულებით ნიშნავს სტრუქტურის სწორად წარმართვას. ლიდერობა მოიცავს გუნდების შთაგონებას, მოტივაციას და მართვას საერთო მიზნების მისაღწევად. რატომ გვჭირდება ლიდერობა? რამდენიმე მიზეზის გამო:მარკეტინგული სტრატეგიების ბიზნესის მიზნებთან შესაბამისობაში მოსაყვანად;ინოვაციისა და ზრდისთვის - ბრენდის ევოლუციისა და ბაზარზე გაფართოებისთვის;გუნდის ერთიანობისა და მორალისთვის - მოტივირებული, ერთგული და ეფექტური გუნდის შესაქმნელად.ლიდერისთვის საჭირო უნარ-ჩვევები:Visionary thinking - ბაზრის ტენდენციების განჭვრეტა და გრძელვადიანი მიზნების დასახვა;ეფექტური კომუნიკაცია - სტრატეგიების მოლოდინებისა და უკუკავშირების მკაფიოდ ჩამოყალიბება;გაძლიერება და დელეგირება - გუნდში ლიდერობის ჩამოყალიბება, ავტონომიურობისა დაპროფესიული ზრდის წახალისება.ამ უნარების გასავითარებლად ეთო გირჩევს, რომ სწავლის უწყვეტ რეჟიმში იყო. თვალყური ადევნე ინდუსტრიის ტენდენციებსა და ინოვაციებს მსოფლიოს მასშტაბით. დაესწარი საინტერესო სემინარებსა და ვებინარებს. მოითხოვე უკუკავშირი უშუალო ხელმძღვანელისგან, თანამშრომლებისა და დაქვემდებარებულებისგან. ინფორმაციისა და გამოცდილებების გაცვლის მიზნით დაამყარე მუდმივი კავშირი შენი სფეროს წარმომადგენლებთან. ახლა კი კურსის შესახებ მოგიყვები. მარკეტინგის მენეჯმენტის პროგრამის განმავლობაში შესაძლებლობა გექნება, ეთოსგან მიიღო საინტერესო ინფორმაცია ბევრ ისეთ პრაქტიკულ საკითხზე, რომლებიც წიგნებში არ წერია. არამედ უნდა გადაგხდეს, გამოცადო, რომ შემდეგ უკვე მზად იყო მსგავსი შემთხვევებისთვის. პროგრამის ფარგლებში სწორედ ამ პრაქტიკულ უნარ-ჩვევებსა და სტრატეგიულ ხედვას გაიუმჯობესებ.კურსის განმავლობაში ეთო მრავალ დაუწერელ ამბავს გაგანდობს. ამიტომ, თუ მზად ხარ ახალი თავგადასავლებისთვის, დეტალურად გაეცანი მარკეტინგის მენეჯმენტის კურსის სილაბუსს და Commschool-ში შემოგვიერთდი!
"მნიშვნელობა არ აქვს, რამხელაა შენი ბიუჯეტი, რადგან მიზანი, ხარჯო ეფექტურად, უცვლელია" - სულხან ლაცაბიძე
როდესაც მარკეტინგს გვიხსენებენ, ჩვენს უმრავლესობას თვალწინ კრეტიული კამპანიებისა და რეკლამების დასაგეგმავ ორომტრიალში ჩაბმული ხალხი წარმოგვიდგება; აქვე ჩნდება კითხვაც - მაშინ რა არის მარკეტინგი?როგორც ჩანს, მარკეტინგი მხოლოდ და მხოლოდ “catchy” რეკლამების შექმნასა და გადასაღებ მოედანზე ღამის გათენებას არ გულისხმობს. სულხან ლაცაბიძე, მარკეტინგის მენეჯმენტის კურსის ლექტორი პროგრამის განმავლობაში თავის განსხვავებულ გამოცდილებას გაგვიზიარებს.სულხანმა მრავალწლიანი გამოცდილება სხვადასხვა კომპანიაში მიიღო: ალდაგი, ბანკი “რესპუბლიკა”, ბილაინი, საქართველოს ლატარიის კომპანია, კავკასუს ონლაინი, ვისოლი, ჯეოსელი – ეს იმ კომპანიათა არასრული ჩამონათვალია, რომელთათვისაც სულხანს მარკეტინგის ან/და გაყიდვების განხრით უმუშავია. გაყიდვებისა და მარკეტინგის მენეჯმენტის მიმართულებით 18 წლის განმავლობაში გამოცვლილმა მრავალმა სამსახურმა მას მარკეტინგის პრაქტიკაში დანერგვის მთავარი პრინციპები დაანახა.მისთვის მარკეტინგი მომხმარებელთან რეგულარულ პოლემიკას, მისთვის “ნერვების მოშლას”, ე.ი. გამუდმებით მისი თვალთახედვის არეში ყოფნას ნიშნავს. მისი აზრით, მიუხედავად ბიუჯეტის ზომისა, მთავარია, რაღაც ფორმით მაინც, რეგულარულად იქცევდე მომხმარებლის ყურადღებას, ამისთვის კი სულაც არ არის აუცილებელი მძიმე ან გრძელვადიანი კომუნიკაციები. “მარკეტინგული კამპანიის მთავარი კომპონენტი კრეატიულად დაგეგმილი კამპანია ან/და ლამაზი რეკლამა არ არის, არამედ მთავარია, სწორად განსაზღვრო შენი რესურსი და მასზე დაყრდნობით გადაწყვიტო, რისი გაკეთება შეგიძლია” სწორედ ამის გამოა, რომ უშუალოდ მარკეტინგულ იარაღად სულხანი ფინანსებს, ექსელს, ციფრებს მიიჩნევს. მისი თქმით, არ აქვს მნიშვნელობა, რა პროდუქტზე გიწევს მუშაობა; მთავარია, რაც შეიძლება, მალე ადაპტირდე და შენი უწინდელი გამოცდილება ახალ პროდუქტს მოარგო. მნიშვნელობა არც იმას აქვს, რამხელაა შენი ბიუჯეტი, რადგან მიზანი, ხარჯო ეფექტურად, უცვლელია. თუმცა, ვიდრე საქმე კამპანიების დაგეგმვა-წარმართვამდე მივიდოდეს, როგორც ის ამბობს, უმნიშვნელოვანესია, მარკეტინგული დეპარტამენტის შექმნა და მისი სტრუქტურული გამართვა: “ჯერ კონვეირი უნდა გამართო; მხოლოდ შემდეგ შეგიძლია, შეუდგე რამის კეთებას.”https://www.youtube.com/watch?v=zagq22PIP4A მარკეტინგის მენეჯმენტი: რას მოიცავს კურსი? როგორც ვხვდებით, მარკეტინგის მენეჯმენტის კურსის უდიდესი ნაწილი პრაქტიკულ მეცადინეობას ეფუძნება, სულხანი საკუთარ მრავალფეროვან გამოწვევებსა და ქეისებს გაგიზიარებთ. მანამდე კი ჩვენ გაგიზიარებთ კურსდამთავრებულების შეფასებებს: "ძალიან საინტერესო და სასიამოვნო პროცესია ლექტორთან გამოცდილების და აზრების გაცვლა. ვფიქრობ ის, რომ კურსი აწყობილია პრაქტიკულ გამოცდილებაზე ძალიან ბევრს ნიშნავს, ასევე თეორიული კუთხით იღებ ზუსტად იმ კონკრეტულ და მნიშვნელოვან ინფორმაციას, რასაც ყოველდღიურად გამოიყენებ და დაგჭირდება მუშაობის პროცესში." თამთა ხარაიშვილიBrand Manager at Askaneli "ძალიან რთულია დაინახო მარკეტინგის რეალური სახე მაშინ, როდესაც გარშემო არის ლამაზი რეკლამები და ყველა იმაზე საუბრობს, თუ რამდენად საჭიროა ეს ყველაფერი, სულხანის ლექცია კი გხსნის ამ ვარდისფერ სათვალეს, გაჩვენებს რეალურ სახეს, გიჩვენებს დადებით და უარყოფით მხარეებს, რაც შემდგომი განვითარებისთვის უმნიშვნელოვანესია." გოგა ჯამაგიძეBrand Manager at Adjarabet "მე პირადად ძალიან დამეხმარა რაღაც საკითხებზე პრაქტიკული მაგალითების გარჩევა ლექტორის მხრიდან და რაღაცები უფრო სიღრმისეულად გავიგე, ვიდრე აქამდე მესმოდა - ვინც ამ მიმართულებით მუშაობს ან აპირებს მუშაობას, ძალიან გამოადგება ეს კურსი." ანი მაჭავარიანიHead Of Marketing & PR Department at Enterprise Georgia "კურსმა ნამდვილად გადააჭარბა ჩემს მოლოდინებს იმ კუთხით, რომ პირველივე ლექციებიდან მივხვდი როგორ გავიზარდე და ძალიან ბევრი განხილული საკითხი რეალურად გამოვიყენე პრაქტიკულ საქმიანობაში, განსაკუთრებით ტექნიკური “down to earth” საკითხები, ბიუჯეტური და მენეჯერული მიდგომები." თათია ჯიქიაMarketing Manager at MarTV Previous Next მარკეტინგის მენეჯმენტის კურსის ფარგლებში გასწავლით, როგორ უნდა გაიწეროს და დაიხარჯოს ბიუჯეტი, როდის არის ოპტიმალური უშუალოდ ექსელზე დაყრდნობა და როდის შეგიძლიათ, “იხალისოთ” კრეატივით, როგორ უნდა იურთიერთოთ კრეატიულ სააგენტოსთან, როგორ აჯობებს სხვადასხვა პროდუქტის გაშვება (“დალონჩვა”), როგორ უნდა შეაფასოთ ჩატარებული კამპანიის ეფექტურობა და ა.შ.კურსით დაინტერესდებით – ნებისმიერ სფეროში მოღვაწე მარკეტინგის მენეჯერები, ექაუნთ თუ ბრენდ მენეჯერები, აგრეთვე – მარკეტინგის დირექტორები და, ზოგადად, ნებისმიერი ადამიანი, ვისაც მარკეტინგის პრაქტიკული მხარის შესახებ მეტი ინფორმაციის გაგება გინდათ.ამდენად, თუკი მარკეტინგის მენეჯმენტის შესწავლა შენთვის საინტერესო ჩანს და ამ მიმართულებით ახალი ცოდნისა და გამოცდილების შეძენა გინდა, შემოგვიერთდი, პროგრამას 30 მაისს ვიწყებთ! გაიგე მეტი მარკეტინგის მენეჯმენტის კურსის შესახებ
ამბები Marketing Management-ის კურსიდან - სოფიკო ბერიძე
Commschool ძალიან საინტერესო კურსის სილაბუსს მთავაზობდა, რაც ბაზარზე ჯერ არავის შეუთავაზებია. ეს იყო პრაქტიკული მარკეტინგი ციფრებში, რაც ყველაზე მთავარია ამ სფეროს სხვა მხრიდან შესწავლის შესაძლებლობას მაძლევდა. მარკეტინგის მენეჯმენტი გულისხმობს სტრატეგიული მარკეტინგის პროგრამების, პროცესებისა და აქტივობების შემუშავებას და განხორციელებას, რომლებიც ემსახურება უფრო ფართო ბიზნეს მიზნების განხორციელებას. წარმატების მისაღწევად ყალიბდება მომხმარებელთა შეხედულებები და ხდება შიდა პროცესების ოპტიმიზაცია.მსგავსი პროცესები ნებისმიერი მზარდი ბიზნესისთვის მნიშვნელოვანია, ამიტომაც თუ გსურს პროგრესის ნაწილი გახდე და დაინტერესებული ხარ მარკეტინგის მენეჯმენტით, სწორ ადგილას მოხვედი, რადგან ამ ბლოგში Marketing Management-ის კურსდამთავრებულს, სოფიკო ბერიძეს გაგაცნობ. სოფიკო უკვე 8 წელია მარკეტინგის სფეროში მოღვაწეობს, მისი უმეტესი ნაწილი კი საინტერესო და ენერგიულ ავტოინდუსტრიას დაუთმო. თუმცა, ნებისმიერ სფეროში, განსაკუთრებით კი მარკეტინგში, საჭიროა სხვა სპეციალისტებთან გამოცდილების გაზიარება და მათი ისტორიებისა და მიდგომების მოსმენაც. ამისთვის კი სოფიკომ Commschool აირჩია! ახალი გამოწვევები და შესაძლებლობები მჭირებოდა, ვგრძნობდი და ვაანალიზებდი რომ ჩემთვის მნიშვენელოვანი იყო სხვა დარგში მომუშავე ადამიანების გამოცდილების გაზიარება. სოფიკოს თქმით, პირველ ლექციაზე მარკეტინგის ერთ-ერთ ყველაზე გამოცდილ ლექტორთან ინტერაქციისას მიხვდა, რომ კურსის არჩევა ყველაზე დროული და სწორი გადაწყვეტილება იყო მისი კარიერისთვის. მისი აზრით, შთამბეჭდავი იყო, თუ რამდენად თანაბარი ყურადღება ეთმობოდა ანალიტიკასა და კრეატიულობას. კურსის განმავლობაში აქტიურად ვმუშაობდით მარკეტინგში ბიუჯეტირებების სწორად დაგეგმვასა და ანალიზზე, მაგრამ შემოქმედებითი ნაწილი და საზღვრებს მიღმა ფიქრი უყურაღებოდ არ გვრჩებოდა. კურსის მიმდინარეობისას სოფიკომ ახალი შემოთავაზება მიიღო ერთ-ერთი საინეტერსო გუნდისგან, რომლებიც აქტიურად ოპერირებდნენ უკრაინაში და საქართველში იწყებდნენ დამკვიდრებას. სწორედ ეს შესაძლებლობა გამოიყენა მან ფინალურ პროექტზე მუშაობისას და ის საავტომობილო ინდუსტრიას მოარგო. პროექტზე მუშაობა თავიდან ძალიან რთული იყო, უნდა გამეცნო ახალი ბრენდი, ციფრებში დამნენახა ჩემი ყველა გადაწყვეტილება და სტრატეგიები ამის მიხევით დამეგემა, მიუხედავად იმისა რომ ამ ინდუსტრიაში დიდი ხანია ვარ, ამ პროექტმა ბევრი ახალი შესაძლებლობა მომცა, რასაც დღეს პარქტიკაში უკვე აქტიურად ვიყენებ. კურსის გავლის შემდეგ, სოფიკომ ბევრად უფრო სიღრმისეულად და საინეტერსოდ დაინახა მარკეტინგის სფერო. ხოლო, დღესდღეობით, ის 2mcars-ის გუნდის წევრია, სადაც კურსზე შეძენილ გამოცდილებას იყენებს ბრენდის სტრატეგიული გადაწყვეტილებების მისაღებად. მათ კი, ვინც მარკეტინგის სფეროთია დაინტერესებული სოფიკო ურჩევს: ეს არის კურსი, რომელიც უნდა გაიაროს ყველა მარკეტინგზე შეყვარებულმა ადამიანმა, კურსი - რომელიც უსაზღვროდ განსხვავებულ ხედვებს და გამოცდილებას გაძლევს, კურსი - რომელიც გეხმარება სწორად გათვალო ყველა აქტივობა და მისი შედეგების გაზომვა შეძლო შემოგვიერთდი Marketing Management-ის კურსზე! მე კი, გეტყვი, რომ თუ გსურს უფრო სიღრმისეულად, მოკლე დროში, პროფესიონალი ლექტორების დახმარებით დაეუფლო მარკეტერის პროფესიას, ქომსქულში Marketing Management-ის კურსს 30 მაისს ვიწყებთ, შემოგვიერთდი! გაიგე მეტი Marketing Management-ის კრუსის შესახებ
შესვლა Google-ით
შესვლა Facebook-ით