პროგრამული უზრუნველყოფის შექმნა დიდი და მრავლისმომცველი საკითხია, რომლის ერთ-ერთი განუყოფელი ნაწილი არის სასერვერო მხარის პროგრამირება. კურსი განიხილავს Back-End-ის შესწავლას 0-დან და მოიცავს ისეთ მნიშვნელოვან ასპექტებს, როგორიცაა Computer Science-ის საწყისები, მონაცემთა ბაზები, საჭირო ხელსაწყოები და ა.შ.

კურსის ფარგლებში შესასწავლად გამოვიყენებთ ისეთ პროგრამულ ენას, როგორიცაა C#. C# ერთ-ერთი ყველაზე პოპულარული ენაა LinkedIn-ის მიხედვით, ხოლო C#-ის ფლობა ერთ-ერთი ყველაზე მაღალანაზღაურებადი უნარია Upwork-ის კვლევის თანახმად.

C# კერძოდ .NET პლატფორმის დახმარებით, დღესდღეობით, უამრავი Enterpise დონის აპლიკაცია იქმნება. C#/.NET უკან უდგას ისეთი კომპანია, როგორიცაა Microsoft. .NET პლატფორმაზეა შექმნილი ცნობილი პროდუქტები: Stack Overflow, UPS ვებგვერდი და სხვა.

კურსი განკუთვნილია იმ ადამიანებისთვის, რომლებსაც სურთ 0-დან ისწავლონ პროგრამირება და Back-end Development C# ბაზაზე. მათთვის, ვისაც საერთოდ არ ჰქონია შეხება კომპიუტერულ მეცნიერებასთან ან/და მინიმალური ცოდნა გააჩნიათ ამ მიმართულებით.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.