ძველ ვერსიაზე გადასასვლელად დააჭირე აქ

Intro to Front-end Development

  • 5.0 შეფასება

  • 24 ლექცია

  • 72 საათი

  • 12 კვირა

კურსი სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, მიიღოს რეალური პროექტის შექმნის გამოცდილება. პირველ ეტაპზე აქცენტი გაკეთდება HTML-ისა და CSS-ის სიღრმისეულ შესწავლაზე, ხოლო მეორე ეტაპზე სტუდენტები ისწავლიან Javascript-ის ყველა ძირითადი კონცეფციის გააზრებას და პატარა და საშუალო დონის აპლიკაციების შექმნას. კურსი მოიცავს მენტორშიფს ლექტორისგან, რომელსაც Front-end Development-ის მიმართულებით 6 წლიანი გამოცდილება აქვს და ამჟამად ამერიკულ სტარტაპ Rad.inc-ში მუშაობს Senior Front-end Developer-ის პოზიციაზე.

კურსის დასასრულს მონაწილეები შექმნიან ინდივიდუალურ პროექტს N1 ყველაზე მოთხოვნად ენაზე Javascript, გაივლიან გასაუბრების სიმულაციას ლაივ-კოდინგთან ერთად, რომელიც მაქსიმალურად იქნება მიმსგავსებული შერჩევის რეალურ ეტაპებთან.

კურსის დასრულების შემდეგ შეგეძლება

დამატებითი უნარები: HTML, CSS, Javascript, Bootstrap, Visual Studio Code.

  • HTML, CSS და Javascript ტექნოლოგიების გამოყენება

  • მცირე და საშუალო ზომის ვებ გვერდის აწყობა

  • bootstrap-ის დახმარებით ვებ გვერდის აწყობა

  • Visual studio code-ის გამოყენება

  • საკუთარი იდეების რეალიზება და პროტოტიპის შექმნა

  • ახალი ტექნოლოგიების, framework-ების გარჩევა, შესწავლა და გამოყენება დამოუკიდებლად

17 სექტემბერი 1500₾

სამ-პარ 20:00-23:00

3 მარტი 1500₾

ორშ-ხუთშ 20:00-23:00

წინასწარ ჩაწერა
გადაანაწილე გადასახადი
TBC განვადება
BOG განვადება

ვისთვის არის კურსი

ნულიდან დამწყებებისთვის

კურსი განკუთვნილია ყველა იმ ადამიანისთვის, ვისაც სურს 0-დან ისწავლონ ვებ-დეველოპმენტი და ეძებს ამის შედარებით მარტივ გზას

UX/UI დიზაინერებისთვის

კურსი განკუთვნილის ვებ დიზაინერებისთვის, რომლებსაც ყოველდღიურ საქმიანობაში სჭირდებაც ესმოდეთ ვებ დეველოპმენტის საწყისები.

SEO სპეციალისტებისთვის

ციფრული მარკეტერებისთვის, ვისაც სჭირდებათ ვებგვერდზე ტექნიკური სამუშაოების დამოუკიდებლად დაგეგმვა და აღსრულება

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

კურსდამთავრებულები

5.0 Rate

სილაბუსი

კურსის მიმოხილვა
web-ის მიმოხილვა
html, css, javascript ტექნოლოგიების საჭიროება
front-end და back-end ტექნოლოგიები
css-ის მიმოხილვა
html ის მიმოხილვა
javascript ის მიმოხილვა
სხვადასხვა IDE-ს განხილვა
რა არის პროგრამირება
რა არის პროგრამირების ენები
როგორ იგებს კომპიუტერი ჩვენს დაწერილ კოდს
interpreted vs compiled
პროგრამული ენები ორობითი, ათობითი და Tექვსმეტობითი სისტემა
ascii table
დავალება
bitwise operators
Შესავალი git-ში
Git-ის ინსტალაცია
Git global configuration
Git init და git status
Staging changes
Git commit
Git ignore
Git push
Working with branches
Merging
Git diff
Undo commits და revert commits
Github fetching და git pull
დავალება
HTML დოკუმენტის განხილვა
დოკუმენტის სტრუქტურა
HTML ტეგები
ატრიბუტები
HTML პარაგრაფი
HTML comments
Block და inline ელემენტები
html tables
html lists
html forms
HTML style and script tags
დავალება
HTML images
HTML file paths
HTML video
HTML audio
Youtube-ის ინტეგრაცია HTML -ში
დავალება
CSS შესავალი
Style tag
External css
Css selectors
Css comments
Colors Backgrounds
Margins Paddings
Borders
Height / Width
Text და Font
ლინკი
Float
ელემენტების განლაგება
Opacity
Overflow table და list სტილები
დავალება

აარჩიე შენთვის სასურველი დრო

ლექტორები

გიორგი აფხაძე

Intro to Front-end Development

გიორგი აფხაძე

Intro to Front-end Development

გიორგი უკვე 5 წელია ვებ-დეველოპმენტის სფეროშია. ამჟამად მუშაობს ჩეხურ კომპანია DigiSoul-ში React დეველოპერად. წლების განმავლობაში მუშაობდა სხვადასხვა სახის მსხვილ პროექტებზე ისეთ უცხოურ თუ ქართულ კომპანიებთან, როგორიცაა STC Delta, DGA (Digital Goodies Art) და სხვა. მათ შორის ისეთ საქმიანობებზე, როგორიცაა Crypto Trading სისტემები, e-commerce, ERP, LMS და მენეჯმენტის სისტემები.

Linkedin

ხშირად დასმული კითხვები კურსის შესახებ

A: ვებ დეველოპმენტს ძალიან ბევრი სწორედ Front-end ტექნოლოგიის შესწავლით იწყებს, რაც გულისხმობს იცოდე HTML, CSS და JavaScrip-ის ბაზისები. Back-end-თან შედარებით Front-end-ით დაწყება გაცილებით მარტივი გზაა ტექნოლოგიებში გასარკვევად და პირველი ნაბიჯების გადასადგმელად
A: კურსის დასრულების შემდეგ ხდები Marckup დეველოპერი და გაქვს მყარი საფუძველი გააგრძელო კარიერა ამ მიმართულებით. რაც გულისხმობს აირჩიო ერთ-ერთი Front-end ტექნოლოგია (მაგალითად: Reat, Angular, Vue.Js და ა.შ) და გაყვე ამ მიმართულების შესწავლას. დასაქმებისთვის სასურველია ფლობდე მინიმუმ ერთ ტექნოლოგიას, რადგან ასეთ კადრებს უპირატესობას ანიჭებენ კომპანიები

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

დამწყები
1050₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი
საშუალო
1700₾
Android Development
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია,  რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72 საათი
საშუალო
1600₾
Angular
ბოლო წლებია Front-End Development ერთ-ერთ ყველაზე მზარდ და პერსპექტიულ ინდუსტრიად გვევლინება. ამ ყველაფერში დიდი როლი ითამაშა Angular Framework-მა, რომელიც 2016 წელს შეიქმნა Google-ის მიერ და რომლის გაუმჯობესება დღესაც აქტიურად მიმდინარეობს.  Angular Framework-ის გამოყენებით თქვენ შეძლებთ TypeScript-Based Responsive Single-Page აპლიკაციების (SPA) აწყობას. კურსის განმავლობაში მთავარი აქცენტი გაკეთდება Angular-ის მთავარი კონცეფციების ღრმად შესწავლაზე. დიდი დრო დაეთმობა TypeScript-ის და RxJS-ის სიღრმისეულ გარჩევას და ჩვენებას თუ რატომ არის ღირებული ტიპიზაცია (TS) და რეაქტიული პარადიგმა (RxJS)
20 ლექცია
60 საათი
საშუალო
1700₾
Flutter
მობილური აპლიკაციები სულ უფრო პოპულარული ხდება, იზრდება cross-platform-ებზე მოთხოვნაც, რომლის საშუალებით ერთი კოდით აპლიკაციის შექმნა სხვადასხვა პლატფორმაზე არის შესაძლებელი. ერთ-ერთი ასეთი cross-platform Flutter-ია, რომელიც LinkedIn-ის მიხედვით N1 Software უნარია, ხოლო Statista-ს კვლევის თანახმად N1 მობაილ ფრეიმვორკია ბაზრის ყველაზე მაღალი წილით. Flutter Google-ის მიერ შექმნილი UI ფრეიმვორკია, რომელიც საშუალებას გვაძლევს შევქმნათ მობაილ და Web / Desktop აპლიკაციები როგორც Android, ისე IOS პლატფორმისთვის – ამისთვის კი მხოლოდ ერთი კოდია საჭირო. ფრეიმვორკს იყენებენ ისეთი დიდი კომპანიები როგორიც არის Google, Alibaba, Ebay, და ა.შ.
18 ლექცია
54 საათი
დამწყები
1500₾
Intro to Front-end Development
კურსი სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტს საშუალება ექნება, მიიღოს რეალური პროექტის შექმნის გამოცდილება. პირველ ეტაპზე აქცენტი გაკეთდება HTML-ისა და CSS-ის სიღრმისეულ შესწავლაზე, ხოლო მეორე ეტაპზე სტუდენტები ისწავლიან Javascript-ის ყველა ძირითადი კონცეფციის გააზრებას და პატარა და საშუალო დონის აპლიკაციების შექმნას. კურსი მოიცავს მენტორშიფს ლექტორისგან, რომელსაც Front-end Development-ის მიმართულებით 6 წლიანი გამოცდილება აქვს და ამჟამად ამერიკულ სტარტაპ Rad.inc-ში მუშაობს Senior Front-end Developer-ის პოზიციაზე.კურსის დასასრულს მონაწილეები შექმნიან ინდივიდუალურ პროექტს N1 ყველაზე მოთხოვნად ენაზე Javascript, გაივლიან გასაუბრების სიმულაციას ლაივ-კოდინგთან ერთად, რომელიც მაქსიმალურად იქნება მიმსგავსებული შერჩევის რეალურ ეტაპებთან.
24 ლექცია
72 საათი
საშუალო
1500₾
Node JS
Javascript თანამედროვეობაში ერთ-ერთი ყველაზე ფართოდ გამოყენებადი პროგრამირების ენაა, მისი საშუალებით შესაძლებელია თითქმის ყველა განხრით მუშაობა – იქნება ეს Web, Mobile თუ Cross პლატფორმული დესკტოპ-აპლიკაციები. Node-ის გარეშე კი თანამედროვე ჯავასრკიპტის ეკოსისტემაში მანევრირება თითქმის შეუძლებელია, სწორედ ამიტომ Node-ს სწორი შესწავლა ჯავასრკიპტის ინჟინერს სრულიად ახალ გზებს გაუხსნის განვითარებისკენ. Node-ს იყენებენ ისეთ წარმატებულ კომპანიებში, როგორებიცაა Linkedin, Uber, Netflix და სხვა.მოცემული კურსის მთავარი მიზანია, თანამედროვე Javascript ინჟინრებისთვის Node-ის ფუნდამენტური ნაწილების სწორი და თანმიმდევრული შესწავლა და მისი გამოყენების სფეროების სწორი იდენტიფიცირება. სტუდენტები შეისწავლიან, თუ როგორ გამოიყენონ ჯავასკრიპტი სერვერის (Back-end) მხარეს, გაეცნობიან Node-ს მდიდარ ეკოსისტემას და მის ფუნდამენტურ თავისებურებებს, პრაქტიკაში ნახავენ როგორ ააწყონ, გამართონ და განათავსონ Node-ის აპლიკაციები.  
18 ლექცია
54 საათი
დამწყები
1500₾
Python
დღესდღეობით Python ერთ-ერთი ყველაზე მოთხოვნადი და გავრცელებული პროგრამირების ენაა. Google, Dropbox, Spotify, Amazon, Facebook, Instagram – იმ კომპანიების არასრული ჩამონათვალია, რომელთა სერვისების მნიშვნელოვანი კომპონენტები სწორედ Python-ის გამოყენებითაა შექმნილი. მას გააჩნია დეველოპერების აქტიური, გლობალური კომუნა და ერთ-ერთი ყველაზე მეტი ღია წყაროს ბიბლიოთეკა, რაც ხელს უწყობს ამ სფეროში გლობალურ მასშტაბზე საქმიანობასა და ენის განვითარებას.Python ერთ-ერთი საუკეთესო არჩევანია Back-end დეველოპმენტის, მანქანური სწავლების, მონაცემთა ინჟინერიისა და ღრუბლოვანი სერვისებისთვის. სწორედ ამიტომ, მისი შესწავლა კარგი სტარტია ნებისმიერი ადამიანისთვის, ვისაც ტექნოლოგიური სფეროს მრავალფეროვნება აინტერესებს.კურსის განმავლობაში გავივლით კომპიუტერული მეცნიერების საფუძვლებს, შევისწავლით Python-ის პროგრამირების ენას და ავაწყობთ ვებ სერვისს Django-სა და Flask-ის framework-ებით, რაც სტუდენტებს საშუალებას მისცემს გადადგან შემდეგი კარიერული ნაბიჯები Back-end Development-ში, რადგან მათ Github პორტფოლიოში უკვე იქნება კურსის ფარგლებში შესრულებული ინდივიდუალური პროექტი.
20 ლექცია
60 საათი
საშუალო
1600₾
React
თანამედროვე სამომხმარებლო ინტერფეისები უზომოდ კომპლექსური და მრავლისმომცველი საკითხია. დროთა განმავლობაში გამოწვევათა რიცხვი იმატებს და შესაბამისად, პრობლემის გადაჭრის ინსტრუმენტებიც იცვლება. React მოცემულ პრობლემებს უკვე მრავალი წელია აქტიურად უმკლავდება, ის Meta-ს მიერ შექმნილი ტექნოლოგიაა, რომელიც საშუალებას გვაძლევს სწრაფად და მოქნილად შევქმნათ სამომხმარებლო ინტერფეისები. React-ის გამოყენებით შექმნილია ისეთი პროდუქტები, როგორებიცაა: Facebook, Instagram, Netflix, X(twitter), Airbnb, Uber, Dropbox და მრავალი სხვა, შესაბამისად, ის ბაზარზე ერთ-ერთი ყველაზე მოთხოვნადი ტექნოლოგიაა.მოცემული კურსის ფარგლებში პრაქტიკაში განვიხილავთ Javascript-ის ყველა იმ ასპექტს, რომელიც დაგვჭირდება React-ის ფუნდამენტური შესწავლისთვის. გავარჩევთ და შევისწავლით React-ის უახლესი, მე-18 ვერსიის ყველა იმ ძირითად ნიუანსს, კონცეფციებს და არქიტექტურულ ნაწილებს, რომლებიც დაგვჭირდება თანამედროვე სამომხმარებლო ინტერფეისების შესაქმნელად და ამასთან ერთად, ვნახავთ, თუ საით ვითარდება თანამედროვე React Server Component-ების სახით.
20 ლექცია
50 საათი
დამწყები
1400₾
Webflow
თანამედროვე ბიზნეს გარემოში, კომპანიებსა და ინდივიდებს სჭირდებათ პროფესიონალური და ფუნქციონალური ვებგვერდები, მაგრამ მათი შექმნა ხშირად მოითხოვს ძვირადღირებულ დეველოპერებს ან პროგრამირების რთული ენების ცოდნას. ეს ქმნის ბარიერს მათთვის, ვისაც სურს სწრაფად და ეფექტურად შექმნას ან გააახლოს თავისი ონლაინ პლატფორმები. Webflow წარმოადგენს ინოვაციურ გადაწყვეტას, რომელიც საშუალებას აძლევს მომხმარებლებს შექმნან პროფესიონალური დონის ვებგვერდები კოდირების გარეშე. ამ პლატფორმის შესწავლით, ინდივიდებს და ბიზნესებს შეუძლიათ დამოუკიდებლად მართონ თავიანთი ვებ პროექტები, დაზოგონ დრო და რესურსები. კურსი შესაძლებლობას მოგცემს, შექმნა მარტივი ვებგვერდით დაწყებული, დამთავრებული კომპლექსური, დინამიკური ვებგვერდებით. რეალურ პროექტებზე მუშაობის გამოცდილებით კი შესაძლებლობა მოგეცემა, შექმნა პორტფოლიო კურსის დასრულებისთანავე.
13 ლექცია
39 საათი
საშუალო
1700₾
მონაცემთა ანალიტიკა
შეიძლება ითქვას, რომ დღევანდელი სამყარო მონაცემებზე დგას. კომპანიების უმეტესობისთვის ისინი უმნიშვნელოვანესი აქტივია, თუმცა მონაცემები ანალიტიკის გარეშე არის მხოლოდ რიცხვები, რომელთაც არანაირი დამატებითი ღირებულების მოტანა არ შეუძლიათ. მონაცემთა ანალიტიკოსის როლი სწორედ ის არის, რომ დიდი რაოდენობის ნედლი ინფორმაცია თარგმნოს ისეთ მიგნებებში, რომლებიც კომპანიებს ღირებული და მნიშვნელოვანი ნაბიჯების გადადგმისკენ უბიძგებენ. კურსის ფარგლებში შევეხებით მონაცემთა ანალიზის სრულ ციკლს: ბიზნეს პრობლემის ანალიტიკურ პრობლემად ჩამოყალიბებას, შესაბამისი მონაცემების მოძიებას, მათ გაწმენდასა და დამუშავებას SQL-ის გამოყენებით, მონაცემთა ანალიზსა და ვიზუალიზაციას Power BI-ს გამოყენებით, მიღებული მიგნებების კომუნიკაციასა და ანალიტიკაზე დაყრდნობით გადაწყვეტილებების მიღებას.
18 ლექცია
36 საათი

რელევანტური რესურსები

იხილე სრულად

გზამკვლევი Front-End ტექნოლოგიებში: HTML, CSS, JavaScript

კომპიუტერული მეცნიერებებისა და ტექნოლოგიების ეპოქაში Front-end Development ერთ-ერთი ყველაზე საინტერესო და მოთხოვნადი პროფესიაა, რადგანაც ის აკავშირებს ანალიტიკურ და ტექნიკურ უნარებს შემოქმედებით ხელოვნებასთან, დიზაინთან. ეს სფერო კი Front-end ტექნოლოგიების მრავალფეროვნებით გამოირჩევა.თუ დაინტერესებული ხარ Front-end Development-ის შესწავლით, მნიშვნელოვანია გესმოდეს განსხვავება HTML, CSS და JavaScript-ს შორის. ეს სამი ტექნოლოგია არის მომხმარებლის ინტერფეისის სამშენებლო ბლოკი ყველა ვებსაიტისთვის, რომელსაც ოდესმე სწვევიხარ. მიუხედავად იმისა, რომ თითოეულ ენას აქვს განსხვავებული ფუნქციონალური ფოკუსირება, ისინი ერთად მუშაობენ საინტერესო, ინტერაქციული ვებსაიტების შესაქმნელად.ამ ბლოგში აღმოაჩენ, თუ რატომ არის ამ Front-end ტექნოლოგიების სწავლა მნიშვნელოვანი. HTML vs. CSS vs. JavaScript: რა განსხვავებაა? მიუხედავად იმისა, რომ ეს Front-end ტექნოლოგიები ვებ-გვერდების შესაქმნელად გამოიყენება, თითოეულ მათგანს აქვს სპეციფიკური დანიშნულება და სირთულეები. მაგალითად, HTML-სა და CSS-ს შორის მთავარი განსხვავება ისაა, რომ HTML ქმნის ვებ-გვერდის დოკუმენტურ სტრუქტურას, ხოლო CSS მუშაობს მის ვიზუალურ გაუმჯობესებაზე ფორმატირებისა და სტილის დამატებით. JavaScript კი,  სავარაუდოდ, ამ სამიდან ყველაზე რთულია, რადგან სწორედ მას იყენებენ უფრო კომპლექსური ვებ-გვერდების შესაქმნელად. შენი საყვარელი ვებ-გვერდების ყველა დინამიური ასპექტი, სავარაუდოდ JavaScript-ით არის ჩართული. HTML: ინტერნეტის სამშენებლო განყოფილებები/ბლოკები HTML ნიშნავს ჰიპერტექსტის მარკირების ენას. ეს არის შედარებით მარტივი ტექნოლოგია, რომელიც დეველოპერებს საშუალებას აძლევს შექმნან ვებსაიტის ძირითადი სტრუქტურა. ყველაზე რთულ ვებსაიტებსაც კი აქვთ HTML ბირთვში. Stack Overflow-ს ბოლო კვლევის მიხედვით, ის ასევე არის მეორე ყველაზე ხშირად გამოყენებული პროგრამირების ენა დეველოპერების მიერ.შესაძლოა გაგიჩნდეს კითხვა - რატომ ჰქვია HTML-ს „მარკირების ენა“? მიზეზი ის არის, რომ HTML (როგორც სხვა მარკირების ენები) იყენებს თეგებს/დესკრიპტორებს ვებ გვერდზე სხვადასხვა ტიპის შინაარსის ანოტაციისთვის და განსაზღვრავს იმ მიზნებს, რომლებსაც ისინი ემსახურება. HTML-ის ფრაგმენტებს, ალბათ, იმაზე ხშირად ხედავ, ვიდრე შენ გგონია. მარკირების ენა ასევე ეხმარება ვებ დეველოპერებს, თავი აარიდონ ელემენტის კატეგორიის ყველა დონის ცალკე ფორმატირებას (მაგ., ვებსაიტზე სათაურების გამუქება), რაც ზოგავს დროს და თავიდან იცილებს შეცდომებს.HTML იყენებს „ელემენტებს“  ისეთი რაღაცეების აღნიშვნისთვის, როგორიცაა აბზაცის დასაწყისი, შრიფტის გამუქება ან ფოტოზე წარწერის დამატება. ამ გზით, ის აკონტროლებს როგორ გამოიყურება ვებგვერდი, როგორ ხდება ტექსტის ფორმატირება და რას ხედავს მომხმარებელი. თუ აქამდე არასოდეს გამოგიყენებია პროგრამირების ენები, HTML შესანიშნავი დასაწყისია. CSS თუ HTML წარმოადგენს ვებსაიტის სამშენებლო მასალას, CSS არის ამ მასალის ჩამოყალიბებისა და გაძლიერების საშუალება. CSS არის სტილური ცხრილის ენა, რომელიც გამოიყენება მომხმარებლისთვის ვებგვერდის სხვადასხვა ნაწილების გამოსაჩენად. სხვა სიტყვებით რომ ვთქვათ, ეს არის გზა, რომ HTML-ით შექმნილ კარკასს გარკვეული სტილი და ფორმატირება დაამატო.მაგალითად, თუ HTML-ს იყენებდი სათაურის დასამატებლად, CSS გამოიყენება რომ სათაურს ჰქონდეს უფრო სასიამოვნო შრიფტი, ფერი ან სხვა ფორმატირების ელემენტები, რაც მას უფრო პროფესიონალურს და ელეგანტურს გახდის. CSS ასევე ეხმარება ვებსაიტებს, მოერგოს სხვადასხვა მოწყობილობების ტიპს და ეკრანის ზომას, რათა გვერდები თანაბრად კარგად იყოს წარმოდგენილი სმარტფონებზე, ტაბლეტებსა და დესკტოპ კომპიუტერებზე.HTML-სა და CSS-ს შორის განსხვავების გასაგებად, მნიშვნელოვანია მათი ისტორიების გაგება. როდესაც HTML გამოიგონეს 1990 წელს, ის მხოლოდ დოკუმენტის სტრუქტურული შინაარსის ინფორმირებისთვის იყო შექმნილი (მაგ., სათაურების გამოყოფა ძირითადი ტექსტისგან). თუმცა, როდესაც შემუშავდა სტილისტური ელემენტები, როგორიცაა შრიფტები და ფერები, HTML-მა ვერ შეძლო ადაპტირება. ამ პრობლემის გადასაჭრელად CSS გამოიგონეს, რომელსაც შეუძლია HTML ელემენტებისთვის თვისებების მინიჭება. ანუ, არსებული მარკირების ენის საფუძველზე უფრო რთულ ვებგვერდს ქმნის. JavaScript JavaScript არის ამ ბლოგში განხილული Front-end ტექნოლოგიებიდან ყველაზე რთული, რომელიც აგებულია როგორც HTML, ასევე CSS-ზე. თუ ცდილობ ენების შედარებას, იფიქრე ასე: HTML ქმნის ვებსაიტის ძირითად სტრუქტურას, CSS ამ სრუქტურას ამატებს სტილს, ხოლო JavaScript იღებს მთელ ამ სამუშაოს, ხდის მას ინტერაქტიულს და ფუნქციურად უფრო რთულს.კლასიკური მაგალითი იმისა, თუ როგორ მუშაობს JavaScript არის მენიუს ღილაკი ვებ-გვერდების უმეტესობის ზედა კუთხეში, რომელიც აჩვენებს ვებსაიტის სექციების ჩამონათვალს. ის ასევე დაგეხმარება შექმნა კლავიატურის სწრაფი ბმულები ან შეცვალოთ ღილაკის ფერი, როდესაც მასზე კურსორი ჩერდება.JavaScript აუცილებელია ყველა ვებ განვითარებისთვის. Stack Overflow-ს ბოლო გამოკითხვის თანახმად, JavaScript-ს დეველოპერების 67.7% იყენებს, რაც მას Front-end ტექნოლოგიებიდან ყველაზე ხშირად გამოყენებულ პროგრამირების ენად აქცევს. ასე რომ, თუ გაინტერესებს ვებ დეველოპმენტის სწავლა – პროფესიონალურად თუ უბრალოდ ჰობის სახით – ჭკვიანური იქნება ისწავლო JavaScript. როგორ მუშაობს Front-end ტექნოლოგიები (HTML, CSS, JavaScript) ერთად? აღნიშნული Front-end ტექნოლოგიები აგებულია ერთმანეთზე – ვებსაიტის უმარტივესი სტრუქტურებიდან ყველაზე მოწინავე ინტერაქციულ ფუნქციებამდე. როგორც ადრე აღვნიშნე, HTML ქმნის ვებსაიტის შინაარსს, CSS ამ სტრუქტურას ამატებს სტილსა და ფორმატირებას, შემდეგ კი JavaScript აქცევს ამ სტილიზებულ კომპონენტებს ისეთად, რომლებთანაც უკვე მომხმარებელს შეუძლია ინტერაქცია.ვთქვათ, გსურს შექმნა ვებ-გვერდი, სადაც მომხმარებლებს შეუძლიათ შეავსონ ფორმა კონკურსისთვის. HTML საშუალებას მოგცემს მიუთითო განსხვავება 2 სახის ტექსტს შორის: რომელიც აცხადებს კონკურსს და რომელიც სვამს კითხვებს, როგორიცაა მონაწილის სახელი, ასაკი, მისამართი და ა.შ. CSS საშუალებას მოგცემს, დააფორმატირო ეს ტექსტი, დაგეხმარება შექმნა ველები, სადაც მომხმარებლები შეიტანენ პასუხებს. შემდეგ JavaScript საშუალებას მოგცემს, მას შემდეგ რაც ყველაფერი შევსებულია, დაპროგრამო პატარა ბოქსი, რომელიც გამოჩნდება და ამბობს: "გმადლობთ რეგისტრაციისთვის"! ეს ყველაფერი უფრო პერსონალიზებული რომ იყოს, მას ასევე შეუძლია შეტყობინებასთან ერთად ჩასვას ამ პიროვნების სახელიც. ასე რომ, თუ გაინტერესებს Front-end ტექნოლოგიები და მზად ხარ ერთ-ერთ ყველაზე მოთხოვნად პროფესიას დაეუფლო, Commschool-ში გელოდებით! Intro to Front-end Development-ის კურსს 12 ივნისს ვიწყებთ გაიგე მეტი კურსის შესახებ

Front-end vs Back-end - გზამკვლევი ვებ დეველოპმენტში

თუ Google-ში რამეს მოძებნი, შედეგად მიიღებ რამდენიმე არჩევანს. ყოველი დაწკაპუნებით, ეს შედეგები ჩვენი სურვილებირამებრ იცვლის იერსახეს და ვიღებთ ლამაზ, ფუნქციონალურად გამართულ უკუკავშირს. ამ შედეგებს ჩვენ ვებ-გვერდების სახელით ვიცნობთ და მათი შექმნა ცნობილია, როგორც ვებ-დეველოპმენტი. ტერმინი ვებ-დეველოპმენტი ნაცნობად ჟღერს, რადგან ეს არის ერთ-ერთი ყველაზე ტრენდული უნარი, რომლის შეძენაც შეგიძლია IT სფეროში. ვებ-დეველოპმენტი ვებ-დეველოპმენტი არის IT-ის ერთ-ერთი ყველაზე მნიშვნელოვანი ნაწილი, რადგან ის ქმნის ხიდს მომხმარებელსა და პროვაიდერს შორის. ამასთანავე, ის ფუნქციონალის მეშვეობით, გვეხმარება რთული ამოცანების ავტომატიზირებაში. ვებ-დეველოპმენტის განუყოფელი ნაწილებია Front-end და Back-end. რა არის ეს ნაწილები? რამდენად განსხვავდება ისინი ერთმანეთისგან? რამდენად არის მათზე დამოკიდებული ვებსაიტის ფუნქციონირება? დგას თუ არა ერთი მათგანი მეორეზე მაღლა?თუ ამ კითხვებზე პასუხი გაინტერესებს, სწორ ადგილას მოხვედი, რადგან ამ ბლოგში გაეცნობი ვებ-დეველოპმენტის ორ მიმართულებას - Front-end და Back-end-Development-ს, მათ მნიშვნელობასა და ფუნქციებს. რა არის Front-end? როგორც სახელი გვეუბნება, Front-end არის ის, რასაც მომხმარებელი ხედავს, უკავშირდება და გამოცდის. ვებ-დეველოპმენტის ეს მიმართულება ძირითადად მოიცავს ვებსაიტისა და აპლიკაციების იმ ნაწილებს, რომლებიც მომხმარებლისთვის ხილულია. პირი, რომელიც ამაზე მუშაობს, ცნობილია როგორც Front-end Developer.Front-end დეველოპერის საქმე არის დიზაინების შექმნა მომხმარებლის ინტერფეისისა და გამოცდილების გამოყენებით. Front-end დეველოპერის ძირითადი უნარები მოიცავს HTML, CSS, JavaScript-ის ცოდნას, ასევე ისეთ ფრეიმვორკებს როგორიცაა Angular JS, node js და ა.შ. ამასთან ერთად, მნიშვნელოვანია გამოცდილება ვერსიების კონტროლის სისტემაში, როგორიცაა GIT და GITHUB. Front End დეველოპერი არის ვებ დეველოპმენტის განუყოფელი ნაწილი, რადგან ისინი უზრუნველყოფენ საჭირო სტრუქტურის შექმნას შესასრულებელი სამუშაოებისთვის. რა არის Back-end? ვებ-დეველოპმენტის მეორე მიმართულება, Back-end development ჰგავს ფილმის ან შოუს კულისებს. მომხმარებლის მიერ განხორციელებული ქმედებები ანალიზდება და უკან იგზავნება back-end-ის მიერ დაწერილი კოდების მეშვეობით. პირი, რომელიც ამას ავითარებს, ცნობილია როგორც Back-end Developer.Back-end Developer-ის მთავარი სამუშაო მოიცავს ყველა ასპექტის მონაცემთა ბაზებთან და Front-end-თან დაკავშირებას. Back-end Developer-ის პირველადი უნარები მოიცავს ენების ცოდნას, როგორიცაა C#, Python, Java, Ruby და ა.შ. Back-end ძალიან მნიშვნელოვანია, რადგან ის აპლიკაციის ან ვებსაიტის სილამაზეს აძლევს მიზანსა და ფუნქციონირებას . Front-end-ის მახასიათებლები ფუნქციების ფართო სპექტრთან ერთად, Front-end-ს აქვს მრავალი მახასიათებელი:კლიენტის მხარის ვიზუალიზაცია: ის დეველოპერებს საშუალებას აძლევს, JavaScript-ის საშუალებით, გამოიტანონ მთელი ვებსაიტი მომხმარებლის ბრაუზერზე.სერვერის მხარის ვიზუალიზაცია: ის შესაძლებელს ხდის საიტების ვიზუალიზაციას უშუალოდ მომხმარებლების ბრაუზერში, მომხმარებლისავე მიერ მოთხოვნილი ცვლილებების საფუძველზე.ოპტიმიზაცია: HTML, CSS და JavaScript-ის დახვეწილი რეგულირება უზრუნველყოფს მომხმარებლებისთვის საიტების სწრაფ ჩამოტვირთვას. Back-end-ის მახასიათებლები Front-end-ის მსგავსად, Back-end ასევე აღჭურვილია მრავალი ფუნქციით, რომლებიც სასარგებლოა დეველოპერებისთვის:მონაცემთა ბაზები: ინახავს მომხმარებლისთვის საჭირო მონაცემებს.ვებსაიტის არქიტექტურა: ის გულისხმობს იმ მიზნების გააზრებას, რომლებიც საჭიროა აპლიკაციის შესაქმნელად.სკრიპტირება: მოიცავს კონსტრუქციის სწორ ფორმატირებას.API: აპლიკაციის მომხმარებლის ინტერფეისი ან API არის ინსტრუმენტები, რომლებიც მოიცავს ტექნოლოგიებს შორის კომუნიკაციასა და საჭირო მონაცემების მიწოდებას. Front-end Development-ის ენები HTML: ჰიპერტექსტის მარკირების ენა ან ცნობილი როგორც HTML, არის მარკირების ენა, რომელიც გამოიყენება ვებ-დეველოპმენტის მხრივ. ენა შეიცავს ელემენტებს, რომლებიც უზრუნველყოფენ ვებსაიტის ძირითად განლაგებას. ვებსაიტებისთვის სტრუქტურის მინიჭებასთან ერთად, ის ასევე ასახავს სურათებს ან ვიზუალებს. მის უპირატესობებია: მარტივი გამოყენება, მრავალი ბრაუზერის მხარდაჭერა და სხვა ენებთან კომბინაცია. მისი ნაკლოვანებებია: სტატიკური ბუნება, უსაფრთხოება და კოდების უზარმაზარი გროვა.CSS: სტილების კასკადური ცხრილები ან CSS ჰგავს ვებსაიტის ინტერიერის დიზაინს. CSS მარტივია, რადგან ენა მეტ-ნაკლებად მოიცავს ძირითად ინგლისურს. მის უპირატესობებში შედის ბრაუზერის მრავალჯერადი მხარდაჭერა, სიმარტივე და სიჩქარე. მისი ნაკლოვანებები მოიცავს ბრაუზერის ჯვარედინ ხარვეზებს და ასევე, დამწყებთათვის დამღლელია.JavaScript: JavaScript არის Front-end development-ის ყველაზე მნიშვნელოვანი და პოპულარული ენა. ის უზრუნველყოფს ვებსაიტის მოქნილობასა და რეაგირებას. უპირატესობებში შედის: მარტივი ბუნება, სიჩქარე და დამატებითი ან გაფართოებული ფუნქციონირება, როგორიცაა დიალოგური ფანჯრების, ფორმების, 'ამომხტარი' ფანჯრების შექმნა და ა.შ. ნაკლოვანებები არის: გამართვის სირთულე და ბრაუზერის მხარდაჭერა. თუმცა, Javascript ასევე გამოიყენება back-end-შიც.Elm: Elm არის მარტივი ენა, რომელიც გამოიყენება სწრაფი და უწყვეტი ვებსაიტების შესაქმნელად.SASS: SASS არის კიდევ ერთი სკრიპტირების ენა, როგორიცაა CSS. SASS-ს გააჩნია უნიკალური ფუნქციები, რომლებიც მომხმარებლებს დაუბრკოლებელ გამოცდილებას აძლევს. უპირატესობებში შედის: მრავალჯერადი გამოყენება და მკაფიო კოდები. ნაკლოვანებები მოიცავს: პრობლემების პოვნასა და მათ მოგვარებას.Jquery: Jquery არის JavaScript ბიბლიოთეკა, რომელიც აძლიერებს HTML  მოვლენების მართვასა და ანიმაციებს. ის ძალიან ლაკონურია და ამცირებს დაწერილი კოდის სტრიქონების რაოდენობას. Front-end-ის ფრეიმვორკები vue.js: ეს არის JavaScript-ის ირგვლივ აგებული ჩარჩო და გამოიყენება კომპაქტური ვებ აპლიკაციების შესაქმნელად.AngularJS: JavaScript-ის ირგვლივ აგებული ვებ ჩარჩოა. ის უზრუნველყოფს ფუნქციებს HTML შაბლონებისთვის და ზრდის პერფორმანსს.React: ეს არის პოპულარული JavaScript ჩარჩო, რომელიც აძლიერებს მომხმარებლის ინტერფეისის კომპონენტებს და უზრუნველყოფს ვებ აპლიკაციების დინამიურ ხასიათს. Back-end Development-ის ენები Python: Python არის ფართოდ გამოყენებული back-end development-ის ენა. მისი უპირატესობებია:  ბიბლიოთეკების უზარმაზარი კოლექცია, კოდების მარტივი წაკითხვა, ინტეგრაციები, მრავალფეროვნება და ა.შ.PHP: ეს არის კიდევ ერთი ფართოდ გამოყენებული ენა back-end development-ში. მისი მახასიათებლები მოიცავს: უსაფრთხოებას, პლატფორმის თავსებადობას, ობიექტზე ორიენტირებული პროგრამირების ფუნქციებს და მონაცემთა ბაზებთან ინტეგრაციას.Java: ეს ფართოდ გამოიყენება ანდროიდისა და დესკტოპის აპლიკაციების შესაქმნელად. მისი ფუნქციები მოიცავს: მეხსიერების ავტომატურ განაწილებას, პორტატიულობასა და ერთჯერად კომპილაციას.Ruby: Ruby არის ზოგადი დანიშნულების ენა, რომელსაც გააჩნია ისეთი ფუნქციები, როგორიცაა დიდი სტანდარტული ბიბლიოთეკა, მოქნილობა, მასშტაბურობა და ა.შ. Back-end-ის ფრეიმვორკები Django: ეს არის მაღალი დონის ვებ ჩარჩო, რომელსაც გააჩნია ჩაშენებული დანამატები. ის საუკეთესოა ფართომასშტაბიანი, მონაცემზე ორიენტირებული, ინტერაქტიული ვებ აპლიკაციებისთვის. თუმცა, ის არ არის რეკომენდებული მცირე ზომის პროექტებისთვის.Flask: Flask არის მიკროჩარჩო, რომელიც დაფუძნებულია პითონის ენაზე. მას არ სჭირდება ბიბლიოთეკები ან ხელსაწყოები და, შესაბამისად, შესაფერისია მცირე პროექტებისთვის.Ruby on Rails: Ruby on Rails არის ვებ აპლიკაციის ჩარჩო, რომელიც დაწერილია Ruby ენაზე. იგი გამოიყენება მონაცემთა ცხრილის უნაკლო ფორმირებისა და მიგრაციის შემუშავებაში. მარტივი შედგენა და ტესტირება მისი დამატებითი უპირატესობაა.CakePHP: CakePHP არის პოპულარული ვებ ჩარჩო PHP-სთვის. იგი გამოიყენება როგორც მცირე, ისე დიდი აპლიკაციების შემუშავებაში, რადგან უფრო ადვილია კონფიგურაცია და უზრუნველყოფს სრულ უსაფრთხოებას. განსხვავება Front-end და Back-end Development-ს შორის Front-end არის ვებსაიტის ან აპლიკაციის ინტერაქტიული ნაწილი. მომხმარებლის გრაფიკული ინტერფეისი (GUI) საშუალებას აძლევს მომხმარებლებს განახორციელონ ქმედებები მათი სურვილის მიხედვით. მომხმარებლებს შეუძლიათ ნახონ და დაუკავშირდნენ Front-end-ს. ვებსაიტის ან აპლიკაციის კულისებს, ანუ Back-end-ს მომხმარებლები ვერ ხედავენ. ის აგროვებს ინფორმაციას მომხმარებლებისგან, ამუშავებს მას და უზრუნველყოფს აპლიკაციის ფუნქციონირებას.Front-end დეველოპერი მუშაობს განლაგებაზე, ხოლო back-end დეველოპერის სამუშაო არის ფუნქციური ეტაპის მიღწევა.Front-end დეველოპერებს უნდა ჰქონდეთ წარმოდგენა Back-end-ზე. ამრიგად, მისი განვითარება მხოლოდ სილამაზეს არ ეხება. მიუხედავად იმისა, რომ back-end-ის განვითარება ძირითადად ეხება ლოგიკას, გამოთვლებს, სერვერებს, API-ებსა და ტესტირებას, ფრონტისა და ბექის დეველოპერებს შორის თანამშრომლობა და მონაცემთა მიმოცვლა ძალიან მნიშვნელოვანია.ასე, რომ, როგორც ხედავ ვებ-დეველოპმენტი საინტერესო დარგია ტექნოლოგიების სფეროში. Front-end Development ჰგავს სახლის ექსტერიერს; საღებავი, კედელზე ჩუქურთმები, კედლის საკიდი ან ყველაფერი, რაც ადამიანს შეუძლია დაინახოს და იგრძნოს. Back-end ჰგავს ელექტრომომარაგებას, სამშენებლო მასალებს, რომელსაც ვერ ხედავთ, მაგრამ გადამწყვეტია სახლისთვის. ეს ორი რამ მხოლოდ ერთად აძლევს აპლიკაციას საუკეთესო იერსახესა და ფუნქციონირებას.  გაეცანი Commschool-ის კურსების ჩამონათვალს

Back-end დეველოპერისთვის საჭირო უნარები

ალბათ ერთხელ მაინც შეგივსია რაიმე სახის ანკეტა ინტერნეტში; მაგრამ, ოდესმე გიფიქრია, რა ხდება წითელ ღილაკზე დაჭერისას? სად მიდის შენი ინფორმაცია? ან როგორ? ის უბრალოდ ქრება შავ სივრცეში, თუ არის მექანიზმი ამ ყველაფრის უკან? მინდა გითხრა, რომ არის და ის ცნობილია როგორც Back-end.დღეს ინტერნეტს ყოველდღიურად, ნებისმიერი აქტივობისთვის ვიყენებთ. ინტერნეტი შემოიჭრა ჩვენი ცხოვრების ყველა ასპექტში, დაწყებული ბილეთების დაჯავშნიდან, დასრულებული - ადამიანებთან ვირტუალური კომუნიკაციით. ის მოქმედებს, როგორც ერთგვარი გზამკვლევი ყველა ინფორმაციისა და შეკითხვისთვის შესახებ.თავად ინტერნეტმა განიცადა ტრანსფორმაცია. თავის ადრეულ დღეებში, ის იყო სტატიკური ქსელი, რომელიც შექმნილი იყო ინფორმაციის ან სტატიკური მონაცემების ვიზუალურად წარმოსაჩენად, სარეზერვო და მომხმარებლის სპეციფიკური მონაცემების გარეშე. ჩვენ არ შეგვეძლო დინამიური მონაცემების გაზიარება. მაგრამ დღეს, დიდი რაოდენობით მონაცემები აიტვირთება და ჩამოიტვირთება ამ მედიაზე.ტექნოლოგიური მიღწევების მთელი ამ აღმავლობით, ჩვენ გავეცანით ახალ დომენს, რომელიც ცნობილია ვებ განვითარების სახელით. ვებ დეველოპმენტი არის ვებსაიტების შექმნა და შენარჩუნება; ეს არის ფუნქციონალი, რომელიც მუშაობს კულისებში, რათა ვებსაიტი ლამაზად გამოიყურებოდეს და კარგად შეასრულოს მომხმარებლების მოთხოვნები. ვებ განვითარება გახდა დღევანდელი ციფრული სამყაროს განუყოფელი ნაწილი. ეს არის კარიერა, რომელიც ბევრ შესაძლებლობას სთავაზობს კარგი ტექნიკური უნარების მქონე პირებს.ვებ განვითარება ძირითადად იყოფა ორ ნაწილად - Front-end და Back-end. Front-end არის ყველაფერი, რასაც მომხმარებელი ხედავს, ანუ ვიზუალი და დიზაინი. და Back-end არის მთელი ლოგიკა, რომელიც ამ ყველაფერს შესაძლებელს ხდის. რა არის Back-end Development? Back-end Development ასევე ცნობილია როგორც სერვერის მხარის განვითარება. ეს არის ყველაფერი, რასაც მომხმარებლები ვერ ხედავენ და შეიცავს კულისებში არსებულ აქტივობებს, რომლებიც ხდება ვებსაიტზე რაიმე მოქმედების შესრულებისას. ის ძირითადად ყურადღებას ამახვილებს მონაცემთა ბაზებზე, back-end ლოგიკაზე, API-ებსა და სერვერებზე.Back-end-ის დეველოპერების მიერ დაწერილი კოდი ეხმარება ბრაუზერებს მონაცემთა ბაზებთან კომუნიკაციაში და მონაცემთა ბაზაში შენახვაში, მონაცემთა ბაზიდან წაკითხვაში, მონაცემების განახლებასა და იქიდან ინფორმაციის წაშლაში.Back-end-ის დეველოპერები ჩვეულებრივ მუშაობენ ჯგუფურად ან გუნდთან ერთად. დიდი გუნდები მოიცავს როგორც back-end, ასევე front-end დეველოპერებს, სადაც ორივე დეველოპერი თანამშრომლობს სიცოცხლისუნარიანი პროდუქტების შესაქმნელად. Backend-ის დეველოპერები თანამშრომლობენ ფრონტენდის დეველოპერებთან, მთავარ არქიტექტორებთან, პროდუქტის მენეჯერებთან და ტესტერებთან, რათა თავიანთი წვლილი შეიტანონ და განავითარონ პროდუქტი.Backend-ის დეველოპერები იყენებენ სხვადასხვა სახის ინსტრუმენტებს, ენებს და ფრეიმვორკებს ამ ამოცანების შესასრულებლად. ამ ყველაფრის გასაკეთებლად ისინი იყენებენ სხვადასხვა სერვერის ენებს, მათ შორის Java, .NET, PHP, Ruby და NodeJS. ისინი ასევე იყენებენ ინსტრუმენტებს, როგორიცაა MySQL, MongoDB, Oracle და SQL სერვერი, რათა შექმნან, წაიკითხონ, განაახლონ ან წაშალონ მონაცემები. საუკეთესო უნარები Back-end Developer-ისთვის Back-end-ის პროგრამირების ენები;მონაცემთა ბაზები;სერვერები;გამოყენებითი პროგრამების ინტერფეისი; 1. Back-end პროგრამირების ენები .NET – .NET არის ვებ აპლიკაციის ჩარჩო, რომელიც გამოიყენება ვებსაიტების შესაქმნელად ისეთი ენების გამოყენებით, როგორიცაა C#, VB.NET და სხვა. ის პირველად შეიქმნა Microsoft-ის მიერ..NET არის ერთიანი გამოსავალი სწრაფი და ძლიერი მობილური, დესკტოპის, ვებ და ქლაუდ აპლიკაციების შესაქმნელად. ეს არის ღია წყარო და მხარს უჭერს ყველა პლატფორმას, მათ შორის macOS, Windows და Linux. .NET არის სწრაფი, მეგობრული და კარგად შეესაბამება სხვა პროგრამირების ენებსა და პლატფორმებს. Python - პითონი პირველად გამოიყენა გვიდო ვან როსუმმა 1991 წელს. Python არის ინტერპრეტირებული ზოგადი დანიშნულების პროგრამირების ენა. ის მნიშვნელოვნად ამცირებს კოდირების საჭიროებას.მას აქვს მაღალი სარგებლობა გამოყენების სიმარტივის და ვრცელი ბიბლიოთეკების გამო, რომლებიც შემოთავაზებულია back-end დეველოპმენტისთვის. ბევრი განვითარებადი ტექნიკური კომპანია იყენებს Python ვებ ჩარჩოებს, როგორიცაა Django და Flask, მათი ვებ აპლიკაციების გასაძლიერებლად.გარდა ამისა, პითონის სინტაქსი ადვილად გასაგებია სხვა ენებთან შედარებით. პითონი შეიძლება გამოყენებულ იქნას როგორც ჯვარედინი პლატფორმა shell სკრიპტირებისა და სწრაფი ავტომატიზაციისთვის. ფრეიმვორკების გამოყენებით, როგორიცაა flask, ჩვენ ასევე შეგვიძლია განვათავსოთ მანქანური სწავლის მოდელები ვებსაიტებზე. PHP – PHP არის ენა, რომელიც გამოიყენება დინამიური ვებსაიტების შესაქმნელად. ის პირველად გამოვიდა 1995 წელს და არის ერთ-ერთი პირველი ენა დინამიური ვებსაიტების შექმნის შესაძლებლობით. PHP ამჟამად აძლიერებს დინამიური ვებსაიტების 78.2%-ს. ტრადიციულ ვებსაიტებში, PHP ჩვეულებრივ გამოიყენება მომხმარებლის ინფორმაციის შესაგროვებლად და მონაცემთა ბაზაში უსაფრთხოდ შესანახად. PHP-ის ერთ-ერთი უპირატესობა ის არის, რომ მისი სწავლა და გამოყენება მარტივია, მისი სინტაქსის სიმარტივის გამო. Ruby – Ruby არის დინამიური, მაღალი დონის პროგრამირების ენა. ის ყურადღებას ამახვილებს პროდუქტიულობასა და სიმარტივეზე. Ruby-ით კოდირება დეველოპერებს საშუალებას აძლევს სწრაფად შექმნან ვებ აპლიკაციები, ბევრი კოდის დაწერის გარეშე.რუბი პითონის მსგავსია იმით, რომ ის ფანტასტიკურია პროტოტიპებისთვის. ის პრიორიტეტს ანიჭებს კონვენციებს და არა კონფიგურაციას, რაც ეხმარება back-end-ის დეველოპერებს, რათა არ დახარჯონ დრო ფაილების კონფიგურაციისთვის განვითარების პროცესის დასაწყებად. რუბით ჩვენ შეგვიძლია განმეორებადი ამოცანების ავტომატიზაცია, ვებ აპლიკაციების, მობილური აპლიკაციებისა და პროტოტიპების შექმნა. Java – Java არის ობიექტზე ორიენტირებული, პლატფორმისგან დამოუკიდებელი და ზოგადი დანიშნულების პროგრამირების ენა. Indeed-ის გამოკითხვის თანახმად, Java არის მსოფლიოში ერთ-ერთი ყველაზე პოპულარული პროგრამირების ენა.Java-ს ახასიათებს მაღალი მოხერხებულობა და უსაფრთხოება. ამრიგად, ის გახდა ყველაზე სასურველი ენა დეველოპერებს შორის.მიუხედავად იმისა, რომ ჯავა ძალიან პოპულარულია დესკტოპისა და ბიზნეს software development-ის შემქმნელებში, ის არ არის დამწყებთათვის. ეს იმიტომ ხდება, რომ Java არის ვრცელი და უმარტივესი ფუნქციების შესაქმნელად უფრო მეტ კოდს მოითხოვს . Spring Boot არის ერთ-ერთი საუკეთესო Java back-end ჩარჩო, რომელიც გამოიყენება ეფექტური ვებ განვითარებისთვის. 2. მონაცემთა ბაზების ცოდნა ყველა ვებსაიტს სჭირდება მონაცემთა ბაზა კლიენტის მონაცემებთან გასამკლავებლად. მონაცემთა ბაზა ინახავს მონაცემებს და საიტის შინაარსს ისე, რომ გაადვილდეს ინფორმაციის აღდგენა, მოწყობა, შეცვლა და შენახვა. Back-end-ის დეველოპერს უნდა ჰქონდეს ფართო ცოდნა სხვადასხვა DBMS ტექნოლოგიების შესახებ.ბაზარზე ორი ტიპის მონაცემთა ბაზაა ხელმისაწვდომი – SQL და NoSQL. SQL მონაცემთა ბაზა არის ის, სადაც მონაცემები მოცემულია ცხრილში და თითოეული მათგანი დაკავშირებულია ერთმანეთთან მნიშვნელოვანი გზით.  NoSQL მონაცემთა ბაზაში, SQL-ისგან განსხვავებით, არ არის საჭირო მონაცემების წინასწარ სტრუქტურირება. NoSQL მონაცემთა ბაზები ძირითადად მუშაობს JSON-ზე (JavaScript Object Notation) და XML-ზე (გაფართოებადი მარკირების ენა). შესავალი პროგრამირებაში C# & .Net 7 იხილე სილაბუსი 3. გამოყენებითი პროგრამების ინტერფეისის (API) ცოდნა მთელი ინტერნეტი მუშაობს API-ების საშუალებით. API ნიშნავს გამოყენებითი პროგრამირების ინტერფეისს და არის საშუალება, რომლის მეშვეობითაც ორ კომპიუტერულ პროგრამულ უზრუნველყოფას შეუძლია ერთმანეთთან საუბარი.API არის წესებისა და განმარტებების ერთობლიობა, რომელიც  კლიენტს, პროგრამულ უზრუნველყოფასა და სერვისებს, ერთმანეთთან აკავშირებს, ინტერნეტის საშუალებით. API იღებს მოთხოვნას მომხმარებლისგან და აგზავნის სერვერზე, რომელიც შემდეგ პასუხს უგზავნის მოთხოვნის საფუძველზე.ეს კომუნიკაცია ხდება HTTP მეთოდებით, როგორიცაა:GET: გამოიყენება რესურსის მოსაძიებლად.DELETE: გამოიყენება რესურსის წასაშლელად.PUT: გამოიყენება არსებული რესურსის ჩასანაცვლებლად.POST: გამოიყენება ახალი რესურსის შესაქმნელად.Back-end დეველოპერებს უნდა ჰქონდეთ ფართო ცოდნა API-ების შესახებ, რადგან ისინი ხელს უწყობენ მონაცემთა გადაცემას.  Back-end დეველოპერები ქმნიან API-ებს სხვადასხვა ენებისა და ჩარჩოების გამოყენებით, მათ შორის Python, NodeJS და ა.შ. შემდეგ ამ API-ების გამოყენება შესაძლებელია front-end დეველოპერების მიერ, რათა შეაგროვონ მონაცემები, აჩვენონ ისინი ვებსაიტის წინა მხარეს და გააუმჯობესონ მომხმარებლის გამოცდილება. 4. სერვერების ცოდნა ყველა ვებ აპლიკაცია, რომელსაც დღეს ხედავ, მუშაობს დისტანციურ კომპიუტერზე, რომელსაც სერვერი ეწოდება. ინტერნეტში ტერმინი "სერვერი" ჩვეულებრივ გამოიყენება კომპიუტერულ სისტემაზე, რომელიც იღებს მოთხოვნებს ვებ ფაილებზე, რაც მოიცავს HTML, CSS, Javascript და ა.შ. და ამ ფაილებს კლიენტს უგზავნის.ვინაიდან სერვერები ყველაზე ხშირად გამოყენებული საშუალებებია მნიშვნელოვანი სერვისების მიწოდებისთვის, სერვერების უმეტესობა ყოველთვის ჩართულია. სერვერების მაგალითია: Apache, Nginx, IIS სერვერები და Microsoft IIS. რა Back-end უნარებია მოთხოვნადი? Back-end დეველოპერმა უნდა იცოდეს: ალგორითმები - ალგორითმები არის პრობლემის გადაჭრის საფუძველი. ისინი განსაზღვრავენ მიდგომას და შესაბამის მეთოდს ნებისმიერი მოცემული პრობლემისთვის. ამ ასპექტში ცოდნის ნაკლებობა ზღუდავს back-end დეველოპერის დასაქმებას. მონაცემთა სტრუქტურები – ალგორითმებთან ერთად, მონაცემთა სტრუქტურები დეველოპერის კარიერის ყველაზე მნიშვნელოვანი ასპექტია. იგი საფუძველს უქმნის პროგრამირებაში მონაცემების ორგანიზებას, წვდომას და შეცვლას. ყველაფერი, რასაც ვიყენებთ და ვხედავთ ყოველდღიურ ცხოვრებაში, გადავიდა ინტერნეტში. ამ ტექნოლოგიური აღმავლობით, მოთხოვნა back-end დეველოპერებზეც იზრდება. ასე რომ, თუ გეგმავ მიმართულების მიცემას თქვენი კარიერისთვის, back-end development კარგი არჩევანია საინტერესო კარიერისთვის.თუ შენც გაინტერესებს Back-end დეველოპმეტი და კარიერულ განვითარებას ამ სფეროში მოიაზრებ, შემოგვიერთდი, Introduction to Programming-ის კურსს 16 სექტემბერს ვიწყებთ! დარეგისტრირდი