ძველ ვერსიაზე გადასასვლელად დააჭირე აქ
რეგისტრაცია | 1250₾

გრაფიკული დიზაინი

  • 5.0 შეფასება

  • 14 ლექცია

  • 48 საათი

  • 7 კვირა

ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში.

პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტებს საშუალება ექნებათ, გაეცნონ სხვადასხვა ტიპის პროექტზე მუშაობის პროცესს, ვიზუალის კეთების სწორ პრინციპებსა და დიზაინის მიმართულებებს; 0-დან შეისწავლიან გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ. Adobe Photoshop-ისა და Adobe Illustrator-ის ტექნიკური ცოდნის მიღებით, ისწავლიან ვიზუალების შექმნას სხვადასხვა მედია არხისთვის, ბრიფის სწორად გაანალიზებას, მუდბორდების შექმნას და დიზაინ-პროექტების დაგეგმვას.

პროგრამის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ სავარჯიშოს. ასევე,  მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს, რომლითაც შეკრავენ კურსის განმავლობაში შექმნილ პორტფოლიოს.

კურსის დასრულების შემდეგ შეგეძლება

დამატებითი უნარები: Adobe Photoshop, Adobe Illustrator.

  • Adobe Photoshop-სა და Adobe Illustrator-ში რასტრულ და ვექტორულ დიზაინზე მუშაობა

  • დიზაინის ტექნიკურად, სტილისტურად და შინაარსობრივად გამართვა

  • ბრენდისთვის ვიზუალის შექმნა

  • ბრიფის ანალიზი და მუდბორდების შექმნა

  • ლოგოს სკეჩების და დრაფტ ვერსიების გაკეთება

  • სხვადასხვა მედია არხისთვის ვიზუალის მორგება

  • დიზაინ-პროექტების სწორად დაგეგმვა

  • ბრიფის სწორად გაანალიზება

  • დავალების მარტივი და მოკლე გზებით შესრულება სხვადასხვა პრინციპის გამოყენებით

28 ოქტომბერი 1250₾

სამ-ხუთ 20:00-23:00

20 იანვარი 1250₾

ორ-ხუთ, 20:00-23:00

რეგისტრაცია
გაზაფხული 1250₾

სამ-ხუთ, 20:00-23:00

წინასწარ ჩაწერა
გადაანაწილე გადასახადი
TBC განვადება
BOG განვადება

ვისთვის არის კურსი

ნულიდან დამწყებებისთვის

მათთვის, ვისაც სურვილი აქვს ისწავლოს გრაფიკული დიზაინი 0-დან, გადადგას პირველი ნაბიჯები დიზაინის სფეროში და დამოუკიდებლად შეძლოს შემდგომი განვითარება.

შემოქმედებითი ადამიანებისთვის

მათთვის ვინც ხატავს და სურს ეს უნარი აქციოს შემოსავლის წყაროდ

პროგრამა მოიცავს

კურსდამთავრებულთა კლუბი

ფინალური გამოცდის წარმატებით ჩაბარების შემთხვევაში, კურსდამთავრებული ავტომატურად ირიცხება Alumni Club-ში, შემდეგ კი იღებს წვდომას ექსკლუზიურ ივენთებზე, კონტენტზე და შემოთავაზებებზე ჩვენი პარტნიორი კომპანიებიდან. ასევე გრაფიკული დიზაინის კურსის შემთხვევაში მოქმედებს სპეციალური შეთავაზებები, რომლებიც გულისხმობს გარანტირებულ სტაჟირებებსა და გასაუბრებებს.

პრაქტიკული პროექტები

პრაქტიკაზე დაფუძნებულ სწავლება, რაშიც იგულისხმება დავალებები / სავარჯიშოები და ინდივიდუალური პროექტი.

ორენოვანი სერტიფიკატი

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.

კურსდამთავრებულები

5.0 Rate

სილაბუსი

რა არის გრაფიკული დიზაინი
გრაფიკული დიზაინერის როლი კომუნიკაციაში
დიზაინის მიმართულებები & მოკლე ისტორია
დიზაინი ჩვენ გარშემო
დიზაინის პრინციპები
რასტრული და ვექტორული გრაფიკა
გრაფიკული რედაქტორები
ფოტოშოპის ინტერფეისი და საბაზისო ხელსაწყოები დავალება
ინსპირაცია
ფერთა თეორიის შესავალი და გამოყენების პრაქტიკული მაგალითები
კონტრასტის მნიშვნელობა ფერში
ფერების პროფილები (RGB და CMYK)
მარტივი გეომეტრიული ობიექტების შექმნა და მათი მანიპულირება
ტექსტის ხელსაწყო
მონიშვნის ხელსაწყოების გამოყენება
შრეები და მათი შერევის მეთოდები
ტრანსფორმაციის ხელსაწყო
დავალება
ინსპირაცია
სურათის შემოტანა და მარტივი მანიპულაციები
Layer Mask-ის გამოყენება და რედაქტირება
ფერებზე მუშაობა/კორექტირება
Pen tool ხელსაწყოს გამოყენება
დავალება
Smart object-ების უპირატესობები
Artboard-ები
Brush tool-ის რედაქტირება
შრეების ეფექტები
ფილტრები
დავალება
რეტუშის მეთოდები
პორტრეტის რეტუში
პროდუქტის რეტუში
რეტუშის ტექნიკის გამოყენების სტანდარტული და საინტერესო მაგალითები
დავალება

აარჩიე შენთვის სასურველი დრო

ლექტორები

ოთო მიქაძე

Graphic Design for Beginners

ოთო მიქაძე

Graphic Design for Beginners

ოთოს გრაფიკული დიზაინის ინდუსტრიაში მუშაობის რამდენიმეწლიანი გამოცდილება აქვს. კარიერა Holmes & Watson-ში დიჯითალ დიზაინერად დაიწყო და მალევე კრეატივის გუნდს შეუერთდა ბრენდინგისა და კამპანიების მიმართულებით. შემდეგ საქართველოს ბანკის Senior Graphic Designer-ის პოზიცია დაიკავა. ამჟამად მუშაობს ფრილანსზე და ფოკუსირებულია ლოგოსა და ბრენდინგის მიმართულებით. მას ასევე უმუშავია ისეთი პროექტებისთვის, როგორებიცაა საქართველოს ბანკის “გავშლით ფრთებს”, “Update”, “არ გაჩერდე”, “500 Startups Georgia”, თიბისის “შენ”, “ახალი წელი მოსულა”, ასევე “GBF” რებრენდინგსა და “Tbilisi School of Communication” ბრენდინგზე

Web

დავით მსახურაძე

Graphic Design

დავით მსახურაძე

Graphic Design

დათო გრაფიკოს-დიზაინერი და ილუსტრატორია, რომელსაც ამ სფეროში უკვე 8 წლიანი გამოცდილება აქვს. ამ დროის განმავლობაში უმუშავია ისეთ კომპანიებსა და სააგენტოებში, როგორებიცაა Leavingstone, McCann, GIPA, ხოლო ამჟამად სენიორ გრაფიკოს-დიზაინერის როლს იკავებს კრეატიულ სააგენტო Windfor’s-ში. მის დამკვეთებს შორის არიან საერთაშორისო კრეატივის ფესტივალი Ad Black Sea, Coca-Cola, EU for Energy, Canada Fund for Local Initiatives, Bank of Georgia, Terabank, Tbilisi Mall, Veli.Store და ა.შ. დათო ორიენტირებულია, ნამუშევრები გრაფიკული დიზაინისა და ილუსტრაციის ერთობლივი გამოყენებით შექმნას, სადაც ილუსტრაცია არა დამხმარე, არამედ ნამუშევრის ძირითადი ნაწილია. მთავარი მიმართულებები, რომელზეც დათო აქტიურად მუშაობს არის ლოგო, გრაფიკული ილუსტრაცია, პერსონაჟების დიზაინი, ვიზუალური იდენტობა, ლეთერინგი და პოსტერის დიზაინი.

მარიამ გოგიაშვილი

Graphic Design for Beginners

მარიამ გოგიაშვილი

Graphic Design for Beginners

მარიამი ილუსტრატორი & გრაფიკოს დიზაინერია და ამ მიმართულებით მას ექვსწლიანი გამოცდილება აქვს როგორც ქართულ, ისე უცხოურ ბაზარზე. კარიერა წლების წინ სხვადასხვა მედიუმში ფრილანს მოღვაწეობით დაიწყო – გრაფიკული დიზაინი, ილუსტრაცია, ასევე ფოტოგრაფია, ვიდეო, კედლის მხატვრობა. ბოლო 2 წლის განმავლობაში მუშაობდა In-House დიზაინერად და ილუსტრატორად Adjara Group-ში ისეთ ბრენდებზე, როგორებიცაა: Stamba, Rooms, Holiday Inn, Shio, Milk, Udabno, Lolita, DBlock, Fabrika, TheShop AG, Shukura, ამჟამად კი კვლავ ფრილანს პროექტებზე მუშაობს. ბოლო დროს განხორციელებულ პროექტებს შორისაა: The Pearl Club ბრენდინგი, Art Direction, ფოტო, ვიდეო; Cord Brunch & Bar – ბრენდინგი, ილუსტრაცია, კონტენტი; Coda Story – Editorial illustration; ილუსტრაციები გამოფენისთვის – United for Georgia’s European Way. მარიამის პორტფოლიოს გამოარჩევს სხვადახვა მედიუმის სინთეზით შექმნილი ნამუშევრები

Behance

ხშირად დასმული კითხვები კურსის შესახებ

A: გრაფიკული დიზაინი დღეს ერთ-ერთი ყველაზე მოთხოვნადი და პერსპექტიული მიმართულებაა. ის საშუალებას გაძლევთ იმუშაოთ როგორც დამოუკიდებლად (ფრილანსერად), ისე კომპანიებში, შექმნათ ვიზუალური მასალები სხვადასხვა სფეროსთვის (რეკლამა, სოციალური მედია, ბრენდინგი), გამოიყენოთ თქვენი კრეატიული უნარები და გამოიმუშავოთ სტაბილური შემოსავალი როგორც ადგილობრივ, ისე საერთაშორისო პროექტებზე მუშაობით.
A: სამწუხაროდ, პროგრამებზე წვდომას ვერ უზრუნველვყოფთ. სტუდენტებმა თავად უნდა უზრუნველყონ Photoshop-ისა და Illustrator-ის ლიცენზიები.

Your search Digital Designer did not match any documents

ვერ მიიღე შენთვის საინტერესო ინფორმაცია?

ჩაეწერე უფასო კონსულტაციაზე

შესაძლოა გაინტერესებდეს

საშუალო
1100₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1300₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი
დამწყები
1400₾
UI დიზაინი
დიზაინის აქტიური გაციფრულების ერაში ჩნდება მზარდი და გადაუდებელი საჭიროება ისეთი პროდუქტების, სისტემებისა და სერვისების შექმნის, რომელიც ადამიანებს კომპიუტერთან ინტერაქციას გაუმარტივებს.ინტერფეისის დიზაინი, როგორც დისციპლინა, შეისწავლის ადამიანის ქცევას და უნივერსალური გამოსახულების მეთოდებს, რათა შეიმუშაოს ინტერაქციის ისეთი პრაქტიკები, რომლებიც უკეთ მოერგება მომხმარებლის ინტუიციას, პრინციპებს, საჭიროებებსა და გადაწყვეტილებებს.კურსის ფარგლებში სრულად განვიხილავთ და გავივლით ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური wireframe-ის, დიზაინ სისტემის, flow-ს, სტრუქტურის შემუშავებით, ტესტინგით და პროტოტაიპის პრეზენტაციით დასრულებული.
14 ლექცია
42 საათი
საშუალო
1700₾
UX კვლევა & დიზაინი
მას შემდეგ, რაც ციფრულმა პროდუქტებმა ბევრი ყოველდღიური საქმე ჩაანაცვლა, გაჩნდა საჭიროება, რომ ეს პროდუქტები მაქსიმალურად მორგებული იყოს ადამიანების მოთხოვნებს და შესაძლებლობებს. პროდუქტებიდან მიღებული გამოცდილება(UX) ერთ-ერთი გადამწყვეტი ფაქტორია წარმატებისთვის. შესაბამისად, მნიშვნელოვანია ამ სფეროში კომპეტენტური კადრის ყოლა.კურსი დაფუძნებულია მომხმარებელზე ორიენტირებული დიზაინის (HCD), კერძოდ, კი Design Thinking-ის პროცესზე (Framework-ზე) და იძლევა ცოდნას ყველა იმ მეთოდზე, რომელიც ციფრული პროდუქტების შექმნაში გამოიყენება.
21 ლექცია
63 საათი
დამწყები
1250₾
გრაფიკული დიზაინი
ფინალური პროექტის შედეგების მიხედვით, საუკეთესო კურსდამთავრებული გაივლის გარანტირებულ სტაჟირებას პარტნიორი კრეატიული სააგენტოდან ერთ-ერთში. პროგრამა სრულად მოიცავს პრაქტიკაზე დაფუძნებულ სწავლებას, რომლის განმავლობაშიც სტუდენტებს საშუალება ექნებათ, გაეცნონ სხვადასხვა ტიპის პროექტზე მუშაობის პროცესს, ვიზუალის კეთების სწორ პრინციპებსა და დიზაინის მიმართულებებს; 0-დან შეისწავლიან გრაფიკული რედაქტორების იმ აუცილებელ ტექნიკურ ნაწილს, რომელიც საჭიროა სხვადასხვა მიმართულებით სამუშაოდ. Adobe Photoshop-ისა და Adobe Illustrator-ის ტექნიკური ცოდნის მიღებით, ისწავლიან ვიზუალების შექმნას სხვადასხვა მედია არხისთვის, ბრიფის სწორად გაანალიზებას, მუდბორდების შექმნას და დიზაინ-პროექტების დაგეგმვას.პროგრამის განმავლობაში თითოეული ლექციის შემდეგ სტუდენტები დამოუკიდებლად შეასრულებენ შესაბამის პრაქტიკულ სავარჯიშოს. ასევე,  მიიღებენ რჩევებს/კონსულტაციებს კარიერული განვითარების კუთხით, კურსის დასასრულს კი შექმნიან ინდივიდუალურ პროექტს, რომლითაც შეკრავენ კურსის განმავლობაში შექმნილ პორტფოლიოს.
14 ლექცია
48 საათი

რელევანტური რესურსები

იხილე სრულად

გრაფიკული დიზაინი - მარიამ გოგიაშვილი პროფესიისა და გამოცდილების შესახებ

კომპანიასა და მომხმარებელს შორის ურთიერთობა ხშირად ვიზუალური კომუნიკაციით იწყება. მასზე ბევრი რამ არის დამოკიდებული: პირველი შთაბეჭდილების მოხდენა, გზავნილის სამიზნე აუდიტორიამდე სწორად მიტანა, ინტერესის აღძვრა. ვიზუალური მხარე მნიშვნელოვნად განსაზღვრავს ბრენდის იდენტობასაც. შესაბამისად, გრაფიკული დიზაინი სულ უფრო და უფრო მოთხოვნადი მიმართულება ხდება.გსურს, უფრო მეტი გაიგო ამ სფეროს შესახებ? მაშინ ეს ბლოგი შენთვისაა. გაიცანი მარიამ გოგიაშვილი, გრაფიკული დიზაინის ლექტორი, რომელიც მოგიყვება, თუ როგორია გრაფიკული დიზაინერის პროფესიული გზა. მარიამის მამა პროფესიით არქიტექტორი იყო, ამიტომ, მის სახელოსნოში მისი ბავშვობის უმეტესი ნაწილი აქვს გატარებული. აქ ბევრი მაკეტი, ფერადი ფანქარი, სხვადასხვა ტექსტურის ფურცელი თუ პრინტი იყო. მათი გამოყენება კი ნებადართული ჰქონდა და მუდმივად ხატავდა. როცა წამოიზარდა, პირველი კომპიუტერი აჩუქეს, სხვადასხვა პროგრამა შეისწავლა და მეათე კლასიდან უკვე შეკვეთებსაც იღებდა. შემდგომ სწავლა თბილისის სამხატვრო აკადემიის არქიტექტურის ფაკულტეტზე გააგრძელა.არქიტექტურულ პროექტებზე მუშაობისას მიხვდა, რომ მისთვის გრაფიკული ნაწილი უფრო მეტად საინტერესო იყო. საქართველოში ინტენსიურად მუშაობდა პროექტებზე, შემდეგ Upwork-ზეც დარეგისტრირდა და Top-rated გახდა. გარკვეული პერიოდის შემდეგ ამ პლატფორმაზე მუშაობა შეწყვიტა და კარიერა In-House დიზაინერის პოზიციაზე აჭარა ჯგუფში განაგრძო. პარალელურად სხვადასხვა საინტერესო ბრენდზე მუშაობდა. ამ პერიოდში შეიძინა ყველაზე მნიშვნელოვანი ადამიანები დიზაინისა და მარკეტინგის სფეროებიდან. რამდენიმე თვის წინ მარიამი freelance პროექტებს დაუბრუნდა. ამ ეტაპზე მისთვის პრიორიტეტულია, დრო პერსონალურ პროექტებსა და ექსპერიმენტებს დაუთმოს. ერთ-ერთი გამორჩეული პროექტი აჭარა ჯგუფს უკავშირდება: აჭარა ჯგუფში მუშაობისას, დილით კაფე სტამბაში ძალიან ბევრი ფერადი ნამცხვარი დამხვდა. მომინდა, რომ ეს კომუნიკაცია გაგვეკეთებინა. მეორე დღეს iPad ვიყიდე და ორშაბათს სამსახურში დასრულებული ნახატით მივედი. ეს ილუსტრაციები სტამბის ნამცხვრის ყუთზე ახლაც დაბეჭდილია. განსაკუთრებულია მარიამისა და Cord Brunch & Bar-ის ურთიერთობა, რომელიც ბრენდინგით დაიწყო. შემდეგ კონტენტსა და ღონისძიებების პოსტერების ილუსტრაცია/დიზაინში ჩაერთო. ეს ბრენდი იმდენად შეუყვარდა, რომ დღეს მთლიან კონტენტს თავად აკეთებს. ამ შემთხვევაში დიდ როლს თამაშობს დამკვეთების დამოკიდებულებაც, რომლებიც მენდობიან და მოსწონთ რასაც ვაკეთებ. დღეს ახალი დამკვეთები რეფერენსად ყველაზე ხშირად Cord-ის პოსტერებსა და სტამბას დესერტების ილუსტრაციებს მიგზავნიან. პროფესია - გრაფიკული დიზაინერი როგორც მარიამი აღნიშნავს, ბრენდებისთვის სავალდებულო გახდა ვიზუალური იდენტობის განვითარება. სხვა შემთხვევაში რთულია, ისინი ერთმანეთისგან გამოარჩიო. ვიზუალური მხარე კომუნიკაციის ერთ-ერთი ძლიერი ფორმაა და ის ხშირად ლაპარაკობს ბრენდის ნაცვლად. შესაბამისად, სწორი კომუნიკაცია წარმატების მომტანია, არასწორმა კომუნიკაციამ კი შეიძლება ბრენდი ჩრდილში ამყოფოს და დიდ პრობლემად იქცეს. ამიტომ მოთხოვნა დიზაინერებზე იზრდება და წლიდან წლამდე ეს პროფესია მნიშვნელობასაც იცვლის. დღეს გრაფიკული დიზაინერი უკვე ბევრ სხვადასხვა რამეს შეიძლება ნიშნავდეს. შეიძლება ეს ადამიანი რაიმე კონკრეტული მიმართულებით მუშაობდეს. როცა გრაფიკულ დიზაინერს ეძებ, კარგად უნდა იცოდე, რა გჭირდება მისგან. ეს მნიშვნელოვანია, რათა კარგი ურთიერთობა შედგეს და საქმეც ორივე მხრივ უმტკივნეულოდ შესრულდეს. კითხვა, ჩანახატების კეთება, თვალიერება - ეს იმ პროფესიული და პერსონალური ჩვევების ჩამონათვალია, რომელთა გამომუშავებასაც მარიამი გრაფიკული დიზაინერისთვის მნიშვნელოვნად მიიჩნევს. აუცილებელია მათზე ყოველდღიური უწყვეტი მუშაობა. მისი თქმით, ეს სისტემურობა მისი ინტერესების ჩამოყალიბებასაც ბევრად განაპირობებს. საკუთარ თავზე მუშაობა კი დამწყებთათვის განსაკუთრებით მნიშვნელოვანია ამ პროფესიის უკეთ გაგებისთვის. საწყის ეტაპზე გრაფიკულმა დიზაინერმა მუშაობა უნდა მოინდომოს თუნდაც ყველაზე მარტივ პოზიციაზე. რეალური მუშაობის დროს ყალიბდება პერსონალური და პროფესიული ურთიერთობების ჩვევები, რაც ამ პროფესიაში უმთავრესია. მარიამი ყურადღებას ამახვილებს ფინანსურ ასპექტზეც. გრაფიკული დიზაინით შესაძლებელია ფინანსური დამოუკიდებლობის მიღწევა, რის გამოც ბევრი ადამიანი ცდილობს ამ პროფესიის დაუფლებას. თუმცა, მისი აზრით, ამ მოტივით და გულწრფელი ინტერესის გარეშე ამ საქმის ყოველდღიურად კეთება ძალიან რთულია.შთაგონების მისაღებად და რეფერენსების მოსაძიებლად მარიამი ინტერნეტში არსებულ არქივებს მიმართავს და ნამუშევრების პირველწყაროებს ათვალიერებს. მარიამს აინტერესებს ყველაფერი, რაც აქამდე ხდებოდა. ზოგჯერ კი ახალ არტისტებსა და მათ ნამუშევრებს ეცნობა. ამჯერად, მისთვის გამორჩეული დიზაინერები Anna Mills, Alexis Jamet, Can Yang და Braulio Amado არიან.თუ  არქივებით დაინტერესდი, მარიამი Flickr პლატფორმას გირჩევს, სადაც საინტერესო არქიტექტურული და დიზაინის ჟურნალების არქივებს აღმოაჩენ. ახალ პროექტებს კი შეგიძლია აქ გაეცნო - itsnicethat.com. ეს კი მარიამის ერთ-ერთი ბოლო აღმოჩენაა: https://www.peculiarmanicule.com/ გამოწვევები და კარიერული პერსპექტივები ყველაზე რთულ გამოწვევად მარიამი დამკვეთთან ურთიერთობასა და მისთვის სწორი შეთავაზების გაკეთებას მიიჩნევს. ასევე, მნიშვნელოვანი ფაქტორია ვადების გაწერა, დროის მენეჯმენტი და დაბალი თვითშეფასება. თუმცა მათთან გამკლავება ყოველთვის არის შესაძლებელი. მარიამის აზრით, თუ კარგ უკუკავშირს მიიღებ, მცირე ცოდნითაც შეიძლება კარგი დიზაინის გაკეთება. ამიტომ, კურსის განმავლობაში აპირებს, რომ სტუდენტებს მუდმივად გაუზიაროს ის პრაქტიკები, რომლებიც საკუთარი გამოცდილებით, წიგნებითა თუ სტატიებით დააგროვა. Previous Next გრაფიკული დიზაინერის კარიერული გზა მრავალფეროვანია და იგი შესაძლოა რამდენიმე მიმართულებით განვითარდეს. კერძოდ:1. freelance დიზაინერი, რომელიც დიზაინის შექმნასთან ერთად კლიენტებთან ურთიერთობაზე თვითონ არის პასუხისმგებელი;2. In-House დიზაინერი კომპანიაში, სადაც უმეტესწილად დაგხვდებათ გუნდი, რომელთან ერთადაც გუნდურად იმუშავებთ;3. დიზაინერი კრეატიულ სააგენტოში, სადაც კრეატიული გუნდი დაგხვდებათ. მათ შორის, ბევრი დიზაინერი, არტ-დირექტორი, ქოფირაითერი და ა.შ.რაც შეეხება მიმართულებებს, დღეს შეგიძლია, რომ მხოლოდ პროდუქციის ან მხოლოდ შეფუთვის დიზაინერი იყო. ასევე, შეიძლება დიზაინიდან წახვიდე ილუსტრაციაში, Art-Direction-ში, UI/UX დიზაინში, Motion დიზაინში და ა.შ. გრაფიკული დიზაინი: კურსის შესახებ როგორც უკვე გითხარი, მარიამი commschool-ში გრაფიკული დიზაინის კურსს გაუძღვება. პროგრამა მოიცავს როგორც თეორიულ ნაწილს, ასევე პრაქტიკული სამუშაოებსა და ნამუშევრების განხილვას. მარიამია მზადაა, სტუდენტებს მისი გამოცდილება გაუზიაროს და ამით ისინი რეალური პროექტებისთვის მოამზადოს. როცა დამწყები ხარ, ძალიან ბევრი კითხვა გებადება. მენტორს შეუძლია მოგცეს მიმართულება, რაც კარგი შედეგის მიღების პროცესს აჩქარებს. გამოცდილი პროფესიონალებისგან რჩევების მიღება ინდუსტრიის სტანდარტებისა და საუკეთესო პრაქტიკის შესახებ ინფორმაციის მარტივად მიღებას გულისხმობს. Previous Next მარიამის სწავლების მიდგომა იქნება სტუდენტებზე ორიენტირებული და მათ ინდივიდუალურ საჭიროებებზე დაფუძნებული. კურსზე მრავალფეროვანი აქტივობები დახვდებათ: გააკეთებენ ექსპერიმენტებს, ისწავლიან ფურცელზე ფანქრით იდეების ჩახატვას/ჩაწერას და კრეატიული პრობლემების გადაჭრას. სწავლას კი მათი გაუფილტრავი იდეებით დაიწყებენ. მარიამისთვის უკუკავშირი მნიშვნელოვანია. ამიტომ სტუდენტების ნამუშევრებს ძირითადად ერთად შეაფასებენ და გააკრიტიკებენ. უკუკავშირის შემდეგ კი მათ შესწორებასა და სრულყოფაზე იზრუნებენ. პროგრამის განმავლობაში ტექნიკური უნარების ათვისებასთან ერთად აქცენტი გაკეთდება ძლიერი კონცეპტუალური საფუძვლის ჩამოყალიბებაზე. კურსი შეიძლება საინტერესო იყოს იმ ადამიანებისთვის, რომლებიც კრეატიულ ინდუსტრიაში მოღვაწეობენ, მაგრამ ეს პრაქტიკა აკლიათ. ასევე სრულიად სხვა სფეროში მოღვაწე ადამიანებისთვის, რომლებსაც თავისი შესაძლებლობების ამ სფეროში გამოცდა აინტერესებთ. რეკომენდაციები: ბოლოს კი იმ პლატფორმებს გაგიზიარებ, რომლებიც, მარიამის რჩევით, პროფესიულ ზრდაში დაგეხმარება:creativelivesinprogress.com - ყველაფერი კრეატიულ ინდუსტრიაში მოღვაწე ადამიანებზეitsnicethat.com - უახლესი პროექტები დიზაინის სფეროშიfontsinuse.com - აქ ნახავთ, რომ ჩვენ მიერ დაწუნებულ ფონტებსაც კი შეიძლება ჰქონდეთ იდეალური ცხოვრებაYouTube არხები:Nicer Tuestays - It’s Nice That-ის ღონისძიების ჩანაწერები, სადაც მოქმედი დიზაინერები და არტისტები უახლეს გამოცდილებებს გვიზიარებენJesse Nyberg - freelance დიზაინერი, რომელიც გვაწვდის ძალიან ბევრ ინფორმაციას. კერძოდ, განიხილავს ტრენდებს, საუბრობს პრობლემებსა და მათი გადაჭრის გზებზე, ფინანსურ ნაწილზე... ყველა დეტალზე, რომელიც შეიძლება დიზაინერს გაინტერესებდეს. ასე რომ, თუ მზად ხარ ახალი გამოწვევებისთვის და გსურს, დიზაინის სამყაროს შეუერთდე, ეს შესაძლებლობა აუცილებლად გამოიყენე. შემოგვიერთდი commschool-ში და დაეუფლე გრაფიკული დიზაინერის პროფესიას სფეროს წამყვან პროფესიონალთან ერთად! დარეგისტრირდი კურსზე

რა არის გრაფიკული დიზაინი?

გრაფიკული დიზაინი არის პროფესია, რომელიც ვიზუალურ გამოსახულებებს იყენებს იდეებისა და მთავარი გზავნილების სამიზნე აუდიტორიისთვის გადასაცემად. კომუნიკაციის ამ ფორმას ციფრულ ერაში დღეს ყველგან შეხვდები - ბილბორდებზე, პროდუქტების შეფუთვასა თუ მობილურ აპლიკაციებში. სხვადასხვა ხერხისა და პრინციპის გამოყენებით, გრაფიკულ გამოსახულებას შეუძლია ჩვენს წარმოდგენებზე, ემოციებსა და გადაწყვეტილებებზე დიდი გავლენა იქონიოს.კომპანიები სწორედ გრაფიკული დიზაინერების დახმარებით უკავშირდებიან მათ მომხმარებლებს. ტექსტის, დიზაინისა და ფოტოსურათების გამოყენებით მათ პროდუქციას არეკლამებენ და ყიდიან და ქმნიან ბრენდის იდენტობას. სხვა სიტყვებით რომ ვთქვათ - ეს სფერო ხელოვნებასა და ბიზნესს, კრეატიულ პროცესსა და კომერციულ მიზნებს აერთიანებს.თუ ეს სფერო გაინტერესებს და გსურს, ამ მხრივ განვითარდე, სწორ ადგილას მოხვედი. წაიკითხე ბლოგი, სადაც უფრო დეტალურად მოგიყვები ამ მიმართულების შესახებ და გაგაცნობ იმ მრავალმხრივ კარიერულ შესაძლებლობებს, რომლებსაც ეს სფერო გთავაზობს. რა ელემენტებისგან შედგება გრაფიკული დიზაინი? გრაფიკული დიზაინის ელემენტები და პრინციპები მოიცავს ხაზს, ფერს, ფიგურას, სივრცეს, აგებულებას, ტიპოგრაფიას, სკალას, დომინანტობასა და ბალანსს. მათი ერთიანობა ქმნის ვიზუალურად თვალშისაცემ და მიმზიდველ გამოსახულებას, რომელიც ეფექტურად გადმოსცემს მთავარ გზავნილს.ხაზი - თითქმის ყველა დიზაინის შემადგენელი ნაწილია და გვხვდება სხვადასხვა ფორმით: სწორი, მრუდე, გრძელი, მოკლე, ვიწრო, სქელი... იგი გეხმარება სივრცის დაყოფაში, ასევე კონკრეტული მიმართულებით ადამიანის ყურადღების მისაქცევად.ფერი - შეიძლება ითქვას, დიზაინის ყველაზე მნიშვნელოვანი და აშკარა, ყველაზე მარტივად შესამჩნევი ნაწილია. მას მაშინვე შეუძლია შთაბეჭდილების მოხდენა, რადგან ყველა ამჩნევს და აღიქვამს. ფერი შეიძლება გამოიყენო როგორც ფონად, ისე რომელიმე ელემენტში (ხაზი, ფიგურა, ტექსტი). იგი ქმნის ემოციასა და ხასიათს. მაგალითად, მწვანე ფერი ბუნებას უკავშირდება, ყვითელ ფერს კი დადებითი ემოციების აღძვრა შეუძლია.ფიგურა - ხაზების კომბინაცია, როგორებიცაა წრე, სამკუთხედი, კვადრატი, მართკუთხედი და სხვა აბსტრაქტული ფორმები. თითოეულ დიზაინში ერთ-ერთს მაინც შეხვდები. ფერების მსგავსად, ფიგურებიც სხვადასხვა ასოციაციებს იწვევენ ადამიანში. მაგალითად, წრე ერთიანობას გამოხატავს, კვადრატი კი - სტრუქტურას. ფიგურის ფერს, სტილს, ფონს, მოხაზულობას შეუძლია ადამიანის აღქმაზე გავლენის მოხდენა.სივრცე - თეთრ ან ნეგატიურ სივრცეს გრაფიკულ დიზაინში უწოდებენ ცარიელ ადგილს, რომელსაც ფიგურების ირგვლივ ან მათში ტოვებენ. მას დიდი მნიშვნელობა ენიჭება, რადგან იგი ადამიანის თვალისთვის ნამუშევრის აღქმას ამარტივებს და აუმჯობესებს.აგებულება (ტექსტურა) - დიზაინში უკვე ხშირად გამოიყენება სხვადასხვა მასალა: ქაღალდი, ქვა, ბეტონი, აგური, ქსოვილი. მათი მეშვეობით შეგიძლია შექმნა მრავალფეროვანი და საინტერესო სამგანზომილებიანი გამოსახულება.ტიპოგრაფია - ტექსტზე მუშაობისას გრაფიკულმა დიზაინერმა უნდა გაითვალისწინოს ორი ფაქტორი და მათ შორის არსებული მიმართება: რას ამბობს ტექსტი და როგორ გამოიყურება იგი. ტიპოგრაფია ტექსტის იმგვარად განლაგებაა, რომ ადვილად გასაგები, აღქმადი და მიმზიდველი იყოს. ამ შემთხვევაშიც, სხვადასხვა ფონტი განსხვავებულ ემოციებს აღძრავს. ამიტომ, საჭიროა მისი სწორად შერჩევა, რათა ძლიერი ვიზუალური ეფექტი იქონიოს მნახველზე.სკალა - გამოიყენება ვიზუალური იერარქიის შესაქმნელად, რაც უფრო დინამიკურს ხდის გამოსახულებას. მისი საშუალებით შეგიძლია მნიშვნელოვანი ინფორმაციის უფრო ნათლად გამოკვეთა და მათზე აქცენტის გაკეთება.დომინანტობა - დიზაინის რომელიმე ნაწილის გამოკვეთა. ამისთვის გამოიყენება კონტური, კონტრასტი, იზოლაცია და სხვა ტექნიკები.ბალანსი - დაბალანსებული დიზაინი სტაბილურობის შეგრძნებას ტოვებს, ხოლო დაუბალანსებელს შეიძლება დინამიკურობის ეფექტი ჰქონდეს. ბალანსის მიღწევა ფიგურების, ფერების, ხაზებისა და სხვა ელემენტების სწორი განლაგებით მიიღწევა.ჰარმონია - გრაფიკული დიზაინერის ერთ-ერთი მთავარი მიზანია. კარგი დიზაინი ნიშნავს იმას, რომ მისი შემადგენელი თითოეული ელემენტი ერთმანეთის შემავსებელია და ერთად ეფექტურად ასრულებენ თავიანთ დანიშნულებას. თუმცა, თუ ყველაფერი ერთმანეთის მსგავსია, დიზაინი შეიძლება მონოტონური და მოსაწყენი გამოვიდეს. ამის თავიდან ასარიდებლად, მნიშვნელოვანია ბალანსის დაცვა ჰარმონიასა და კონტრასტს შორის. რა სახის გრაფიკული და UX დიზაინი არსებობს? არსებობს სხვადასხვა ტიპის გრაფიკული და UX დიზაინი და სპეციალიზაციები. თითოეული მათგანი განსხვავებულ ტექნიკებსა და უნარებს მოითხოვს.ვიზუალური იდენტობა (ბრენდინგი) - ეს მიმართულება მუშაობს ბრენდის ვიზუალურ მხარეზე. მისი მიზანია, კომპანიის იდენტობის გადმოცემა ფოტოსურათების, ფიგურებისა და ფერების გამოყენებით. ამ განხრით მომუშავე გრაფიკული დიზაინერები ქმნიან ლოგოებს, ტიპოგრაფიას, ფერების პალიტრას, სურათებს, რომლებიც გამოხატავენ ბრენდს. ასევე, შეიმუშავებენ მითითებებს, რეკომენდაციებს, რათა ყოველმხრივ დაცული იყოს იდენტობა მისი ნებისმიერი სახით გამოყენების შემთხვევაში.მარკეტინგი და რეკლამირება - გამოიყენება სერვისებისა და პროდუქტების გასაყიდად სხვადასხვა ტიპის რეკლამის შესაქმნელად. მაგალითად, პოსტერები, ბილბორდები, ფლაერები, კატალოგები, შეფუთვა თუ ციფრული რეკლამა (ვიდეორგოლი, სოციალური ქსელისთვის განკუთვნილი პოსტი). ამ მიმართულებით მომუშავე დიზაინერები ქმნიან გრაფიკას მარკეტინგული სტრატეგიებისა და კამპანიებისთვის. ქმნიან სამიზნე აუდიტორიისთვის განკუთვნილ დიზაინებს, ამიტომ, მათ კარგად უნდა ესმოდეთ, როგორ იყიდება პროდუქტი და როგორ მიიქციონ მომხმარებლების ყურადღება.ვებ-დიზაინი - ვებ-გვერდების დიზაინის, სტრუქტურის, სქემის დაგეგმვა და შექმნა. იგი ფოკუსირდება გარეგან მხარე და მომხმარებელთა გამოცდილებაზე (User Experience - UX). ვებ-დიზაინერები იყენებენ სხვადასხვა ვიზუალურ ელემენტს (ტექსტი, ფოტო, გრაფიკა, ვიდეო), რათა შექმნან მომხმარებლებისთვის მარტივად გამოსაყენებელი ვებ-გვერდები. ვებ-დიზაინი მჭიდრო კავშირშია UX და UI დიზაინთან.გამომცემლობა - ტიპოგრაფიისა და ხელოვნების ნიმუშების (ფოტოგრაფიიდან, ილუსტრაციებიდან, გრაფიკული ნამუშევრებიდან) შერჩევა გამოცემებისთვის. ამ განხრით მომუშავე გრაფიკული დიზაინერი მუშაობს წიგნების, გაზეთების, ჟურნალებისა და კატალოგების ვიზუალურ მხარეზე. მათ კარგად უნდა იცოდნენ ფერების ეფექტურად გამოყენება, ასევე, ბეჭდვითი საქმე და ციფრული გამოცემები.შეფუთვა - შეფუთვა არამარტო იცავს ნივთს, არამედ იგი მნიშვნელოვანი მარკეტინგული ხელსაწყოცაა. გრაფიკული დიზაინერები ქმნიან მოდელს და დასაბეჭდად გამზადებულ ფაილს. მათ კარგად უნდა იცოდნენ, როგორ მიმდინარეობს ბეჭდვის პროცესი, ინდუსტრიული დიზაინი და წარმოება. აქტიურად უნდა შეისწავლონ არსებული ტენდენციები, მათი კონკურენტების სტრატეგიები, რათა ამ მხრივ მომხმარებლებისთვის გამორჩეულები იყვნენ.Motion graphic design - ახალი მიმართულებაა გრაფიკულ დიზაინში, თუმცა სწრაფად მზარდი და მოთხოვნადი. იგი ქმნის მოძრავ გრაფიკას: ანიმაციას, ვიდეო თამაშებს, ტრეილერებს, ტიტრებს.გარემო, ინტერიერი - მულტიდისციპლინური მიმართულებაა, რომელიც აერთიანებს გრაფიკულ, არქიტექტურულ, ინდუსტრიულ, ინტერიერისა და ლანდშაფტის დიზაინს. იგი აკავშირებს ადამიანებს გარემოსთან. ზოგადად, ამ განხრით მომუშავე დიზაინერებს აქვთ გრაფიკული დიზაინისა და არქიტექტურის სფეროში ცოდნა და გამოცდილება. ისინი შეიძლება მუშაობდნენ საზოგადოებრივი ტრანსპორტირების სქემებზე, ნავიგაციაზე, სავაჭრო ქსელების ინტერიერზე, ოფისის მოწყობასა და ბრენდინგზე.ილუსტრაცია - გრაფიკული ხელოვანები ქმნიან ორიგინალურ ნამუშევრებს მედიისა და სხვადასხვა ტექნიკის გამოყენებით. უმეტესად მათ აქვთ ხატვის, ანიმაციის ან არქიტექტურის მიმართულებით სწავლის/მუშაობის გამოცდილება. ისინი თანამშრომლობენ მწერლებთან, რედაქტორებთან, მარკეტერებთან და სხვა სპეციალისტებთან. რა განსხვავებაა UX დიზაინსა და გრაფიკულ დიზაინს შორის? გრაფიკული დიზაინერი პროდუქტის გარეგან მხარეზე ზრუნავს, ხოლო UX დიზაინერი მომხმარებლების მიერ პროდუქტის გამოყენების გამოცდილებაზე ფოკუსირდება. მათ ბევრი საერთო ელემენტი აკავშირებთ, თუმცა არსებობს მნიშვნელოვანი განსხვავებებიც.გრაფიკული დიზაინერის მიზანი ვიზუალურად მიმზიდველი პროდუქტების შექმნაა, რომლებიც გარკვეულ ინფორმაციასა და მოწოდებას შეიცავს. ის ფოკუსირებულია ბრენდინგზე, ტიპოგრაფიაზე, კომპოზიციაზე და მუშაობენ სხვადასხვა მარკეტინგულ მასალაზე (ლოგო, რეკლამა, ფლაერი, შეფუთვა, ანიმაცია).რაც შეეხება UX დიზაინს, ის მოიცავს გრაფიკულ დიზაინსაც, თუმცა იგი უშუალოდ საბოლოო პროდუქტზე მუშაობს. მისი მიზანი მომხმარებლის კმაყოფილების გაზრდაა პროდუქტის გამოყენების, ხელმისაწვდომობისა და მასთან ინტერაქციის გაუმჯობესების გზით. UX დიზაინერის საქმიანობა მოიცავს კვლევას, პროტოტიპების შექმნასა და დატესტვას.ამ ორი მიმართულების წარმომადგენლები ერთად მუშაობენ და ხშირად მსგავს დავალებებს ასრულებენ. ამიტომ, მარტივია პოზიციის ცვლილება და გრაფიკული დიზაინიდან UX დიზაინზე გადასვლა ან პირიქით, რადგან დიზაინერები ორივე საქმისთვის საჭირო უნარებს ფლობენ. რა უპირატესობები აქვს გრაფიკულ დიზაინს? კომპანიისთვის სასარგებლოა გრაფიკულ დიზაინზე ზრუნვა სხვადასხვა მიზეზით:ბრენდის ცნობადობა - გრაფიკული დიზაინერი კომპანიას სწორი ლოგოს, ფოტოსურათების, გრაფიკის შექმნაში/არჩევაში ეხმარება. ეს უზრუნველყოფს ბრენდის ერთიანობას ყველანაირი მიმართულებით, სხვადასხვა არხებზე, რომლებსაც მომხმარებლებთან საურთიერთობოდ იყენებს. გაიხსენე რომელიმე წარმატებული კომპანია და დაფიქრდი, რამხელა როლი აქვს გრაფიკულ დიზაინს მის ბრენდინგში.ვიზუალური კომუნიკაცია - გარდა ბრენდის იდენტობის შექმნისა, გრაფიკულ დიზაინ მნიშვნელოვანი როლი აკისრია მომხმარებლებთან საკომუნიკაციოდ. მხოლოდ ფოტოსურათს ან ტექსტს არ შეუძლია სათქმელის ისე ეფექტურად გადმოცემა, როგორც გრაფიკულ დიზაინს. ამიტომ, გრაფიკული დიზაინერი სწორედ იმ კრეატიული გზების ძიებაში ეხმარება კომპანიას, რომელთა დახმარებითაც შეძლებენ სამიზნე აუდიტორიისთვის მათთვის სასურველი ინფორმაციის გადაცემას.გაყიდვების ზრდა და კონკურენტული პოზიცია - კარგ გრაფიკულ დიზაინს შეუძლია კომპანიის ხილვადობის გაზრდა. ეს კი გაყიდვების და შესაბამისად, შემოსავლის ზრდაში გამოიხატება. გრაფიკულ დიზაინს დიდი გავლენა აქვს მომხმარებლის ქცევაზე, ამიტომ, იგი ნამდვილად ეხმარება კომპანიას კომერციული მიზნების  მიღწევაში. როგორც ხედავ, გრაფიკულ დიზაინერს ერთ-ერთი მნიშვნელოვანი და საპასუხისმგებლო მოვალეობა აკისრია კომპანიის წარმატების საქმეში. თანაც, ამისთვის საკმაოდ კარგ ანაზღაურებასაც იღებენ. ამიტომ, თუ გაინტერესებს დიზაინის სფერო და გსურს 0-დან ისწავლო იგი, გირჩევ, რომ Graphic Design For Beginners-ის კურსზე შემოგვიერთდე.პროგრამა პრაქტიკაზე დაფუძნებულ სწავლების მეთოდებზეა აგებული. აქ ისწავლი დიზაინის ტექნიკურად, სტილისტურად და შინაარსობრივად გამართვას, ბრენდისთვის ვიზუალის შექმნას, დიზაინ-პროექტების სწორად დაგეგმვას. ხოლო თუკი კურსდამთავრებულებს შორის საუკეთესო ინდივიდუალურ პროექტს შექმნი, Commschool-ის პარტნიორ კომპანიაში გარანტირებულ სტაჟირებას გაივლი!ასე რომ, გაეცანი უფრო დეტალურად კურსის სილაბუსს და შემოგვიერთდი Commschool-ში! გაიგე მეტი კურსის შესახებ

ის გახსოვს, თამუნა ბუდაღაშვილი რომ ჩვენი ლექტორი გახდა?

დღეს გრაფიკული დიზაინი არა მხოლოდ ხელოვნების ნიმუში, არამედ ვიზუალური კომუნიკაციის საშუალებაა. ბრენდის ლოგოდან დაწყებული აპლიკაციების ინტერფეისით დამთავრებული, რომლებსაც ყოველდღიურად ვამჩნევთ და ვიყენებთ, იგი ჩვენი ციფრული და ფიზიკური სამყაროს განუყოფელი ნაწილია. ამიტომ, მნიშვნელოვანია, კომპანიებმა სამიზნე აუდიტორიასთან ეფექტური ვიზუალური კომუნიკაცია დაამყარონ და მათი მთავარი გზავნილი საინტერესოდ მიაწოდონ მომხმარებლებს.გაინტერესებს, როგორ შეგიძლია შექმნა საუკეთესო სამომხმარებლო გამოცდილება გრაფიკული გამოსახულებების საშუალებით, ამ ბლოგს გაეცანი. თამუნა ბუდაღაშვილი, Commschool-ის ლექტორი, საკუთარი პროფესიისა და გამოცდილების შესახებ გესაუბრება. თამუნა ბავშვობიდან ხატავს და ყოველთვის სურდა, მისი მომავალი პროფესია ხატვასა და ხელოვნებასთან ყოფილიყო დაკავშირებული. მისი ოცნება სამხატვრო აკადემიაში სწავლის შესაძლებლობა იყო. მედიახელოვნების ფაკულტეტმა დაანახა ბევრი გზა, სადაც ხატვასთან ერთად მრავალი სხვა რამის გაკეთება შეეძლო. თამუნამ ანიმაცია შეისწავლა, თუმცა, საბოლოოდ, საქმიანობა გრაფიკული დიზაინისა და ილუსტრაციის მიმართულებით გააგრძელა ხელოვნების სამყაროში თამუნას მოგზაურობა საკმაოდ მრავალფეროვანი გამოდგა. ანიმაცია, ფოტოგრაფია, ვიდეო, Motion Design, UI/UX დიზაინი, Art Direction, Editorial Design (ჟურნალების მიმართულებით). რადგანაც წერა უყვარდა, ქოფირაითერობაც უცდია, რაც მის ბოლო პროექტშიც გამოიხატა – შეძლო, წერისა და ხატვის სიყვარული გაეერთიანებინა და ყველაზე დასამახსოვრებელი და მნიშვნელოვანი მომენტები შეექმნა. ამჟამად თამუნა უცხოურ კომპანიაში წამყვანი დიზაინერის პოზიციას იკავებს და საკუთარ გუნდთან ერთად მუშაობს. ხანდახან ადამიანებს ჰგონიათ, რომ ხატვა და დიზაინი მარტივი რამეა. არადა, როგორც სხვა ნებისმიერი საქმე, ესეც მოითხოვს მუშაობას, დროს, ჩართულობასა და მოკვლევას. ამიტომ აუცილებლად დააფასეთ თქვენი დრო პროფესია - გრაფიკული დიზაინერი როგორც თამუნა იხსენებს, თავდაპირველად  ძალიან დაბნეული იყო მანამ, სანამ გაიგებდა, თუ რას ნიშნავს გრაფიკული დიზაინი. თუმცა ეს მისთვის ეტაპობრივად გამოწვევად იქცა. მისი თქმით, გრაფიკული დიზაინერის ძირითადი ამოცანა ადამიანებისთვის ესთეტიკურად გადამუშავებული ინფორმაციის მიწოდებაა. სწორედ ამიტომ, თამუნას აზრით, ხანდახან კარგი დიზაინი ცუდ პროდუქტსაც კი ყიდის. თუ თან გახლავს ძლიერი სურვილი, რაც შეუძლებელად გეჩვენება, იმის დაძლევაც კი შეგიძლია. გრაფიკული დიზაინერისთვის საჭირო მთავარ უნარად თამუნა მონდომებას მიიჩნევს. მნიშვნელოვანია ნებისყოფის ქონაც – ეს დაგეხმარება ხანდახან ერთი და იგივე მანიპულაცია რამდენჯერმე გაიმეორო, სანამ საუკეთესო შედეგს არ მიაღწევ. გარემოზე დაკვირვება კი ყოველთვის შთაგონების კარგი წყაროა. თამუნა სხვა არაერთ პლატფორმას მიმართავს შემოქმედების პროცესში: Instagram; Artstation – ილუსტრაციისა და ციფრული ხატვის მიმართულებით; Pinterest – აქ ყველაფრის ინსპირაციისა და ესთეტიკის მოძებნა არის შესაძლებელი; It’s Nice that – თანამედროვე ტრენდების გასაცნობად. კარიერული გზა და შესაძლებლობები​ გრაფიკულ დიზაინს ბევრი მიმართულება აქვს. ეს შეიძლება იყოს ბრენდინგი, ფოტომანიპულაცია, პოლიგრაფიული დიზაინი, პოსტერები, შეფუთვა თუ ტიპოგრაფია. ამიტომ ეს სფერო მრავალ შესაძლებლობებს იძლევა და კარიერული გზაც საკმაოდ საინტერესო და მრავალფეროვანია. თამუნა აღნიშნავს, რომ Commschool-ის კურსი საბაზისო ცოდნას მოიცავს, რის შემდეგაც სტუდენტები მიხვდებიან, თუ რომელი მიმართულებაა მათთვის საინტერესო. წლიდან წლამდე უფრო და უფრო მეტ ადამიანს უჩნდება გრაფიკული დიზაინის სწავლის სურვილი, რაც, ბუნებრივია, რომ კონკურენციას ზრდის. ამას ამძაფრებს ხელოვნური ინტელექტის აქტიურად შემოსვლაც, თუმცა ადამიანური რესურსი ყოველთვის საჭირო იქნება. სწორედ ამიტომ ყველაზე მთავარი რამ საკუთარ თავზე მუშაობა და განვითარებაა, რაც პორტფოლიოში საგრძნობ განსხვავებას იძლევა. გრაფიკული დიზაინის მიმართულება დისტანციური მუშაობის საშუალებასაც მოგცემს. თამუნას შემთხვევაში ეს ერთ-ერთი დიდი სარგებელია. ის სახლიდან მუშაობს და ძალიან მოქნილი გრაფიკი აქვს, რის გამოც მისი სამუშაო დღეები ყველანაირი სტრესის გარეშე გადის და ბევრი თავისუფალი დროც რჩება. ამ დროს ყველაზე მეტად არის პროდუქტიულიც და დროის მენეჯმენტის მხრივაც უკეთესი შედეგები აქვს. გრაფიკული დიზაინი: კურსის შესახებ რაც შეეხება გრაფიკული დიზაინის კურსს, თამუნას თქმით, შეეცდება, რომ სტუდენტებს მისი 10+ წლიანი გამოცდილება და დაგროვებული ცოდნა გაუზიაროს. კურსის გავლა ყველა სტუდენტისთვის გამოწვევა იქნება, განსაკუთრებით მათთვის, ვისაც გადაწყვეტილი აქვს, რომ გრაფიკული დიზაინერი გახდეს. პროგრამა ასევე დააინტერესებს მათ, ვისაც შეხება აქვს სოციალურ მედიასთან და კონტენტთან, ფოტოგრაფებს, სტარტაპებისა ან ბიზნესის მფლობელებს, ვისაც სურს, თავად შეფუთონ საკუთარი პროდუქტი; ან სულაც მათ, ვისაც სურს, საკუთარი შვილის ნახატები ციფრულ პოსტერებად აქციოს.ამასთანავე, თამუნა თავადაც მოელის, რომ სტუდენტებისგან უამრავ რამეს ისწავლის - ბევრ რამეს სხვანაირად შეხედავს და ეს მისთვისაც უდიდესი გამოწვევა იქნება.  გრაფიკული დიზაინი 14 ლექცია | 42 საათი | 7 კვირა იხილე კურსი ძალიან ბუნებრივია ტექნიკური პრობლემები, განსაკუთრებით მათთვის, ვინც პირველად იყენებს გრაფიკულ პროგრამებს. შეიძლება ჩამოყალიბებული იდეა გქონდეს, მაგრამ ტექნიკურად თავი ვერ გაართვა. სწორედ ამაში დაგვეხმარება ეს კურსი - ვისწავლოთ გრაფიკული პროგრამების ენა, რათა შემდეგში სხვადასხვა პლატფორმაზე მოძიებული სასწავლო ვიდეოები სრულიად გასაგები იყოს ყველასთვის. თუ შენც დაინტერესდი ამ პროგრამით, გეტყვი, რომ კურსის განმავლობაში ისწავლი Adobe Photoshop-სა და Adobe Illustrator-ის გამოყენებას, დიზაინის ტექნიკურად, სტილისტურად და შინაარსობრივად გამართვას, ბრენდისთვის ვიზუალის შექმნასა და დიზაინ-პროექტების სწორად დაგეგმვა. პრაქტიკაზე დაფუძნებული სწავლების მეთოდი კი მნიშვნელოვანი გამოცდილების დაგროვების საშუალებას მოგცემს. გარდა ამისა, Commschool-სგან კარიერულ მხარდაჭერასაც მიიღებ - ფინალური პროექტის შედეგების მიხედვით საუკეთესო კურსდამთავრებული გარანტირებულ სტაჟირებას გაივლის ერთ-ერთ პარტნიორ კრეატიულ სააგენტოში.ასე რომ, თუ კრეატიულ სამყაროში სამოგზაუროდ მზად ხარ, ეს შესაძლებლობა აუცილებლად უნდა გამოიყენო. შემოგვიერთდი Commschool-ში! გაიგე მეტი კურსის შესახებ