Data Driven Marketing

კურსის აღწერა:

Data-driven მარკეტინგი თანამედროვე გამოწვევებთან გამკლავების ერთ-ერთი ყველაზე ეფექტური და მრავალმხრივ საინტერესო საშუალებაა. დღეს, როდესაც თითქმის ნებისმიერ სფეროში უამრავი კონკურენტი ფიგურირებს, განსაკუთრებით დიდი მნიშვნელობა ენიჭება სწორ ანალიზსა და სტრატეგიული ნაბიჯების გადადგმას კონკურენტული უპირატესობის მოსაპოვებლად.

ერთის მხრივ, მნიშვნელოვანია სწორად განვსაზღვროთ ჩვენი მარკეტინგული აქტივობები ისე, რომ მუდმივად მზარდი გაყიდვები თუ მოხმარებლების აქტიურობის ტრენდი შევინარჩუნოთ, მეორეს მხრივ, კი გვაქვს გამოწვევა, რომ ჩვენი გეგმების განსახორციელებლად გამოყოფილი ბიუჯეტი მაქსიმალურად ეფექტურად ავითვისოთ. 

სწორედ, ამ გამოწვევებთან გასამკავებლად დაგეხმარებათ Data-Driven მარკეტინის კურსი, სადაც ისწავლით არამხოლოდ ანალიზს, არამედ ეფექტურ მეთოდებს თუ როგორ გადავდგათ სწორი ნაბიჯები დასახული მიზნების მისaღწევად.

კურსის შედეგები:

კურსის გავლის შემდეგ სტუდენტებს შეეძლებათ დამოუკიდებლად გააანალიზონ ბიზნესში არსებული შიდა თუ გარე მონაცემები და ფაქტებზე დაყრდნობით შეიმუშავონ მარკეტინგის სამოქმედო გეგმა, რომელიც კონკრეტული მიზნების მიღწევას უზრუნველყოფს.

ლექციების მსვლელობისას სტუდენტები გაეცნობიან ყველა იმ საჭირო ხელსაწყოსა თუ სტრატეგიას, რომელიც გამოადგებათ როგორც სტარტაპების მარკეტინგული გეგმის შექმნა-განხორციელებაში, ასევე, არსებული მცირე თუ დიდი ორგანიზაციების მარკეტინგული ხარჯთ-ეფექტურობის გაზრდაში. ისწავლიან ონლაინ პლატფორმების შექმნისას მოგებაზე ორიენტირებული მარკეტინგული ამოცანების დასახვას და მათ სწორ დავალებებად ქცევას, რაც ყველაზე მნიშვნელოვანი ეტაპია ნებისმიერი ონლაინ პლატფორმის შემუშავებისას.

ვისთვის არის კურსი:

კურსი განკუთვნილია გამოცდილი მარკეტერებისთვის ან მარკეტინგის დარგში განათლების მქონე ადამიანებისთვის, რომლებიც ფლობენ  საბაზისო ცოდნას ციფრულ მარკეტინგში და აქვთ სურვილი დამოუკიდებლად, სხვა ადამიანებისა თუ კომპანიების ჩართვის გარეშე შეძლონ, როგორც კომპანიის მარკეტინგული პოტენციალის კვლევა და ანალიზი, ასევე, არსებული მარკეტინგული აქტივობების შეფასება, სწორი ქმედებების განხორციელება და საქმიანობის ეფექტურობის გაუმჯობესება.