Commschool-ის ლექტორების გუნდს გეგა ჯღარკავა შემოუერთდა

სკოლის ასაკიდანვე მივხვდი, რომ ამოცანის ამოხსნა/პრობლების გადაჭრა ძალიან მომწონდა, ამიტომ პროფესიის არჩევის დროსაც სწორედ ამას ვეძებდი. მონაცემთა ანალიზში კი სწორედ ამას ვგრძნობ.

აქვე გკითხავ, შეამჩნიე, რომ ბოლო პერიოდში მსოფლიოს წამყვან კომპანიებში დიდი პოპულარობით სარგებლობს მონაცემთა ანალიტიკა? და გსმენია იმის შესახებ, რომ საქართველოც აქტიურად უწყობს ფეხს ამ პროცესებს და წამყვან კომპანიებს უკვე ჰყავთ საკმაოდ კარგი მონაცემთა ანალიტიკის გუნდები?

თუ ეს სფერო შენთვისაც საინტერესოა და ამ მიმართულებით განვითარებას ფიქრობ, მაშინ მინდა Data Analytics-ის კურსის ლექტორი, გეგა ჯღარკავა გაგაცნო.

გეგას მონაცემთა ანალიტიკისა და რეპორტინგის მიმართულებით მუშაობის რამდენიმე წლიანი გამოცდილება აქვს. მისი კარიერა დაიწყო ქართულ ადგილობრივ ბაზარზე ერთ-ერთ მსხვილ ფინანსურ ინსტიტუტში (Liberty Bank) რეპორტინგ დეველოპერად, მოგვიანებით კი მონაცემთა ანალიტიკოსად. ამ დროის განმავლობაში მისი საქმიანობა ძირითადად მოიცავდა მონაცემთა საცავებთან მუშაობას და დაგენერერირებული მონაცემების მენეჯმენტთან ვიზუალურად წარდგენას/პრეზენტაციას, რაც Senior Management-ს ეხმარებოდა გადაწყვეტილებების მიღებაში. 2022 წლიდან კი გეგა მონაცემთა ანალიტიკოსად TBI-სთან, მსხვილ საერთაშორისო ბანკთან ბულგარეთის, რუმინეთისა და საბერძნეთის ბაზარზე თანამშრომლობს, სადაც მისი ძირითადი საქმიანობა კომპლექსური ბიზნეს ამოცანების გადაწყვეტა, სწორი პროგნოზების გაკეთება და ყველა საჭირო KPI-ის მიწოდებაა Senior Management-ისთვის. გარდა ამისა, გეგა Reporting Owner-ია, რაც ყოველდღიურად მონაცემთა ამოღებას, დამუშავებასა და ვიზუალიზაციას გულისხმობს.

გეგას აზრით, მონაცემთა ანალიტიკას, დღესდღეობით, ბაზარზე დიდი ადგილი უჭირავს.

თანამედროვე ბიზნესი კონსერვატიული მეთოდიდან გადადის ახალ პოსტმოდერნისტულ მოდელზე რომელიც მთლიანად პოზიციონირებულია მომხმარებლის ქცევის შესწავლაზე . თუ აქამდე კომპანიებისთვის მნიშვნელოვანი იყო 'აგრესიული გაყიდვები', მარკეტინგი და ა.შ, ახლა ეს ამოცანა ჩაანაცვლა მომხმარებლებზე მონაცემების შეგროვებამ.

გეგა გვიხსნის, რომ დიდი რაოდენოების ინფორმაციის სწორი ანალიზით კომპანიებს შეუძლიათ უკეთ მოახდინონ ბაზარზე აუდიტორიის თარგეთირება და კომერციალიზაციის ოპტიმალური მოდელის შემუშავება.

სწორედ მონაცემთა ანალიტიკოსები არიან ის „მარველის სუპერგმირები“ რომლებიც ამ ანალიზს ახდენენ ბიზნეს ოუნერებისთვის.

თუმცა გარდა მარკეტინგის და გაყიდვებისა, დიდი მონაცემების დამუშავება უამრავ სხვადასხვა სფეროშია მოთხოვნადი, მაგალითად სპორტში, ან თუნდაც მობილური აპლიკაციების დეველოპმენტში. მაგალითად, ალბათ შენც შეგიმჩნევია, რომ ტაქსის გამოძახებისას კომპანია ფასს ამინდისა და საცობების მიხედვით გთავაზობს.

ამიტომ, თუ შენც ფიქრობ, რომ გინდა მონაცემების დამუშავება და ანალიზი ისწავლო, გეგა მონაცემთა ანალიტიკოსისთვის საჭირო უნარებსაც გვიზიარებს:

ანალიტიკოსის პირველი უნარია ესმოდეს ამოცანა. მეორე მნიშვნელოვანი უნარი კონკრეტულ დეტალებზე ფოკუსირებაა, და ბოლოს რასაც მესამე უნარად დავასახელებდი, საბოლოოდ დაგენერირებული ინფორმაციის სწორად მიწოდებაა, რადგან ის რაც მე დავთვალე უნდა იყოს წაკითხვადი და მარტივად აღქმადი.

გეგა რამოდენიმე რჩევასაც გვიზიარებს და ამბობს, რომ ძალიან მნიშვნელოვანია, კომპეტენტური ადამიანებისგან ნებისმიერი რჩევის მიღება, ყველა პლატფორმის გაცნობა და ტექნიკური უნარების ათვისება.

ჩაიწერეთ ყველაზე სულელური რჩევებიც კი თქვენზე კომპეტენტური ადამიანებისგან

რაც მთავარია, არ აქვს მნიშვნელობა გქონია, თუ არა მანამდე მონაცემებთან შეხება, მთავარია, გქონდეს კარგად განვითარებული ლოგიკური აზროვნება და დაინტერესებული იყო მონაცემებით.

ამდენად, თუ Data Analytics-ის შესწავლა შენთვის საინტერესო ჩანს და ამ მიმართულებით ახალი ცოდნისა და გამოცდილების შეძენა გსურს, გადადგი პირველი ნაბიჯი და გაიგე მეტი კურსის შესახებ.