ძველ ვერსიაზე გადასასვლელად დააჭირე აქ

Python დეველოპერის კარიერული გზა - გიორგი ჯამბაზიშვილი

blog-detail-img

დღესდღეობით მრავალი პროგრამირების ენა არსებობს, რომელიც სხვადასხვა ტიპის ციფრული პროდუქტის შესაქმნელად გამოიყენება. ერთ-ერთი ყველაზე მოთხოვნადი და გავრცელებული კი Python-ია. იგი N2 ყველაზე გამოყენებადი პროგრამების ენაა მანქანურ სწავლებაში, Back-end და ვებ-დეველოპმენტში, მონაცემთა ინჟინერიისა და სხვა სერვისებისთვის. მას გამოარჩევს მარტივად გასაგები სინტაქსი. ამიტომ მისი შესწავლა დამწყები პროგრამისტებისთვის საუკეთესო არჩევანია.

თუკი პროგრამირების სფერო გაინტერესებს, გიორგი ჯამბაზიშვილს, Python-ის კურსის ლექტორს გაგაცნობ, რომელიც საინტერესო ამბებს მოგიყვება. წაიკითხე ბლოგი და გაიგე, რა შესაძლებლობებს გთავაზობს Python, გაეცანი კარიერულ პერსპექტივებსა და რჩევებს სპეციალისტისგან.

pyhton-ის კურსი გიორგი ჯამაბაზიშვილი

გიორგი 15 წლის ასაკიდან იყო დაინტერესებული პროგრამირებით. როდესაც 17 წლისას პირველ პროექტში ანაზღაურება მიიღო, გადაწყვიტა, ეს ჰობი პროფესიად ექცია. წარმატებულ პროგრამისტობამდე გასავლელი გზა კი რთული აღმოჩნდა:

როგორც თვითნასწავლმა დეველოპერმა, ძალიან გრძელი და ჩახლართული გზა გავიარე იქამდე მისასვლელად, სადაც ახლა ვარ. შემეძლო უფრო მოკლე გზის გავლაც, მაგრამ 10-12 წლის წინ ამდენი შესაძლებლობა და ინტერესი არ იყო. მეორე მხრივ, ყოველთვის ძალიან ვამაყობ, რომ ყველაფერი, რასაც მივაღწიე, ჩემი თავდაუზოგავი შრომის შედეგია.

თავდაპირველად გიორგიმ პროგრამირება C ენით დაიწყო. ის მიკრო-პროცესორებზე მუშაობდა სხვადასხვა პროექტებისთვის, რომლებიც ძირითადად სკოლასა და უნივერსიტეტს უკავშირდებოდა. შემდგომ კი ნახევარ განაკვეთზე გააგრძელა მუშაობა Python-ში როგორც Back-end პროგრამისტმა. ამის შემდეგ, დაიწყო Full Stack დეველოპერად მუშაობა Django-სა და vue.js-ის გამოყენებით პალიტრა მედია ჰოლდინგში, სადაც საბოლოოდ ვებ-განვითარების ჯგუფის დირექტორი გახდა.

გარკვეული პერიოდის შემდეგ, გიორგიმ გადაწყვიტა, სრულ განაკვეთზე მუშაობისთვის თავი დაენებებინა და ემუშავა მხოლოდ Upwork-ზე მისთვის საინტერესო პროექტებზე. 2 წლის მერე კი უკვე დიდ უცხოურ კომპანიებში დასაქმდა და დღეს Olmait-ში აგრძელებს კარიერას:

Olmait ყოველთვის ახალ გამოწვევებს მთავაზობს, არ მაძლევს საშუალებას, ერთ ადგილას გავჩერდე და ყოველ ჯერზე უფრო უკეთეს გამოსავალს ითხოვს ჩემგან. ერთი შეხედვით, უცნაურია, ეს ყველაფერი რომ მომწონს, მაგრამ სამუშაო გარემოს ხშირად ცვლილების მიზეზი სწორედ ამ ყველაფრის არქონა იყო.

კარიერის განმავლობაში არაერთ საინტერესო და გამორჩეულ პროექტზე უმუშავია. მაგალითად, ერთ-ერთი კომპლექსური ამოცანა იყო DDoS შეტევების დაგეგმვა და მომხმარებლებისთვის კომპანიის სერვისების უსაფრთხოების ტესტირების შესაძლებლობის შექმნა. დღეს ამ პროექტით რამდენიმე ევროპული ბანკი სარგებლობს.

რატომ Python?

Python-ზე არჩევანი გიორგიმ შემთხვევით გააკეთა, როდესაც პროტოტიპის შესაქმნელად სჭირდებოდა პროგრამირების ისეთი ენა, რომელიც იქნებოდა თანამედროვე და თან საშუალებას მისცემდა, შედეგისთვის მარტივად მიეღწია. მუშაობის პროცესი ბუნებრივი და სასიამოვნო გამოდგა, ამიტომ, გადაწყვიტა, რომ იგი ძირითად ენად ექცია.

ჩემი აზრით, Python არის პროგრამირების ენა, რომელიც უფრო მეტ საშუალებას გაძლევს, რაღაც გააფუჭო. მერე პროგრამისტი ფიქრობს, რომ ეს რაღაც გაფუჭების ნაცვლად სწორი უნდა ყოფილიყო და უფრო ბევრჯერ აფუჭებს - სანამ იმ შედეგს არ მიიღებს, რაც უნდა.

ყველაზე პოპულარული სფეროები, რომლებშიც პროგრამირების ამ ენას იყენებენ, არის მონაცემებთან მუშაობა (შეგროვება, გაწმენდა, დამუშავება), Back-end Development და ინტერფეისების შეწებება. ასე რომ, თუ ეს მიმართულებები გიზიდავს, აუცილებლად შეისწავლე Python.

კარიერული პერსპექტივები

როგორც უკვე გითხარი, Python ერთ-ერთი ყველაზე მარტივად ასათვისებელი ენაა. თუმცა, გიორგი აღნიშნავს, რომ ამ სიმარტივეს ბაზარზე შედარებით გაზრდილი კონკურენცია მოაქვს. ამიტომ, მხოლოდ Python-ის ცოდნა ბევრს არაფერს ნიშნავს, რადგან მოთხოვნასთან შედარებით მიწოდება ძალიან დიდია. სფეროში თავის დასამკვიდრებლად საჭირო ყველაზე მნიშვნელოვანი თვისებებიდან გიორგი ორ მათგანს გამოყოფს:

1. ინფორმაციის ეფექტურად მოძიების უნარი – დღეს არსებული ხელსაწყოები დიდ დახმარებას უწევს პროგრამისტებს პრობლემების გადაჭრაში.

2. მუდმივი განვითარების სურვილი – ახალი ტექნიკების ათვისება. თუ წინა პროექტში ისეთივე მიდგომებს იყენებდი, როგორსაც ახლანდელში, ეს იმას ნიშნავს, რომ არ ვითარდები.

ჩემი აზრით, ნებისმიერი უნარი გამომუშავდება, თუ რაღაცას საკმარისად ბევრჯერ აკეთებ და ეს პროცესი ხდება ნორმა. ამიტომ, ვეცდები, რომ სტუდენტებს ბევრი რამ გავაფუჭებინო, თუნდაც ისეთი, რაც მეც არ გამიფუჭებია; გამოცდილებაზე დაყრდნობით ვაჩვენო პრობლემების გადაჭრის პროცესი და მიდგომები, ვიდრე მივცე მზა გამოსავალი.

მთელი კარიერა სავსე არის გამოწვევებით, რომლებიც განვითარების სხვადასხვა დონეზე განსხვავებულია:

ძალიან ბევრი ფიქრი და დემოტივატორი მქონია მთელი კარიერის მანძილზე. მაგრამ საბოლოო ჯამში, მთავარია, რომ ცდა არ შეწყვიტო, არ გაჩერდე. თუნდაც იცოდე, რომ ძალიან ცუდად აკეთებ რაღაცას, მთავარია, შედეგამდე მიხვიდე. როცა იგი ხელშესახები ხდება, იმპლემენტაციის დახვეწა ყოველთვის შესაძლებელია.

Python-ის კურსის შესახებ

python

პროგრამის განმავლობაში მთავარი აქცენტი გაკეთდება თანამედროვე Python-ის გამოყენების სხვადასხვა ასპექტზე. გიორგი ამბობს, რომ დღეს უფრო დიდი დატვირთვა ტექნოლოგიებს აქვთ, ვიდრე კონკრეტულ პროგრამირების ენას. მხოლოდ სინტაქსის ცოდნა აღარ არის საკმარისი, მთავარია, იცოდე მიდგომები და ტექნოლოგიები მათი ეფექტური იმპლემენტაციისთვის. ამის შესწავლას კურსის განმავლობაში შეძლებ. გარდა ამისა, ფინალური პროექტის ფარგლებში იმუშავებ ვებ-სერვისის შექმნაზე Django-სა და Flask-ის framework-ებით. ეს დაგეხმარება, გადადგა შემდეგი კარიერული ნაბიჯი Back-end Development-ში.

კურსი სტუდენტებს საკმაოდ ფართო სპექტრის წარმოდგენას შეუქმნის Back-end Development-ზე Python-ის გამოყენებით. ხოლო კურსის წარმატებით დასრულების შემდეგ, ისინი მზად იქნებიან, დამოუკიდებლად გადადგან ნაბიჯები Python-ის პროგრამირების ენის ეკოსისტემაში და აიყვანონ თავიანთი ცოდნა და კარიერული განვითარება შემდეგ დონეზე. ამ კურსის მანძილზე მათ საშუალება ექნებათ, დროის განსაზღვრულ მონაკვეთში გვერდით ჰყავდეთ ისეთი ადამიანები, რომლებიც კონკრეტულ საკითხს განსხვავებულ პერსპექტივაში ხედავენ. ასევე, საშუალება აქვთ მიიღონ უკუკავშირი სხვისი რეალური გამოცდილებიდან, რომელიც მათ სამომავლოდ დროის კარგვას თავიდან აარიდებს.

მომავალ სტუდენტებს გიორგი ურჩევს:

ჩემს მომავალ სტუდენტებს ვურჩევდი, რომ მაქსიმალურად დაიხარჯონ კურსის განმავლობაში. დასვან ბევრი კითხვა და ბოლომდე დაიკმაყოფილონ ინტერესი, რადგან, როგორც აღვნიშნე, ძალიან იშვიათია მსგავსი გარემოს რეალურ ცხოვრებაში შეხვედრა.

ასე რომ, თუკი გსურს, რომ ეს შესაძლებლობა გამოიყენო და დაიწყო შენი თავგადასავალი პროგრამირების სფეროში, Commschool-ში გელოდებით! შემოგვიერთდი Python-ის კურსზე!

გაეცანი კურსის დეტალებსა და სილაბუსს
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

დამწყები
950₾
AI პრაქტიკაში
ხელოვნური ინტელექტი თანამედროვე მენეჯერის განუყოფელი ნაწილი გახდა. შესაბამისად, რაც უფრო მეტად გვესმის რა ენაზე და როგორ ვესაუბროთ ხელოვნურ ინტელექტს მით უფრო მარტივია მისი ყოველდღიურობაში ინტეგრირება. რაც მთავარია, ხელოვნური ინტელექტის საშუალებით შესაძლებელია დროის ეფექტურად გამოყენება და რუტინული საქმეების თავიდან არიდება. ლექციების განმავლობაში დეტალურად შევისწავლით ისეთი პოპულარული AI სისტემების გამოყენებას, როგორიცაა ChatGPT, Claude.ai, და Gemini. პრაქტიკულ დავალებასა და ფინალურ ნაშრომზე მუშაობა კი დაგვეხმარება სიღრმისეული ცოდნა მივიღოთ AI ხელსაწყოების გამოყენებასა და მათ საკუთარ  ნებაზე “მოთვინიერებაში”.
6 ლექცია
18 საათი
საშუალო
1600₾
Android Development
თანამედროვე სამყაროში ნებისმიერი ციფრული პროდუქტი ან მომსახურება არ ითვლება სრულყოფილად, თუ მას მობილური აპლიკაცია არ აქვს. მსოფლიოს მობილური მომხმარებლების დაახლოებით 86% კი ანდროიდის მომხმარებელია,  რაც მას ყველაზე პოპულარულ მიმართულებად ხდის მობაილ დეველოპმენტში.მობილური აპლიკაციები პროგრამული უზრუნველყოფის ერთ-ერთი სახეობაა, ამიტომაც კურსის საწყის ეტაპზე აქცენტი კეთდება პროგრამირების ენებისა და მიდგომების შესწავლაზე. ამის შემდეგ გადავდივართ ანდროიდის სპეციფიკური ფრეიმვორკის, ინსტრუმენტებისა და აპლიკაციის შექმნის პროცესზე.
24 ლექცია
72 საათი
საშუალო
1500₾
Angular
ბოლო წლებია Front-End Development ერთ-ერთ ყველაზე მზარდ და პერსპექტიულ ინდუსტრიად გვევლინება. ამ ყველაფერში დიდი როლი ითამაშა Angular Framework-მა, რომელიც 2016 წელს შეიქმნა Google-ის მიერ და რომლის გაუმჯობესება დღესაც აქტიურად მიმდინარეობს.  Angular Framework-ის გამოყენებით თქვენ შეძლებთ TypeScript-Based Responsive Single-Page აპლიკაციების (SPA) აწყობას. კურსის განმავლობაში მთავარი აქცენტი გაკეთდება Angular-ის მთავარი კონცეფციების ღრმად შესწავლაზე. დიდი დრო დაეთმობა TypeScript-ის და RxJS-ის სიღრმისეულ გარჩევას და ჩვენებას თუ რატომ არის ღირებული ტიპიზაცია (TS) და რეაქტიული პარადიგმა (RxJS)
20 ლექცია
60 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება