ძველ ვერსიაზე გადასასვლელად დააჭირე აქ

გვანცა ოქროპირიძის ფინალური ნაშრომი - Motion Design-ის კურდამთავრებული

blog-detail-img

Motion Design-ის კურსდამთავრებულებმა, ფინალური გამოცდის ფარგლებში, ბრიფებზე დაყრდნობით, 30 წამიანი Explainer ვიდეოები შექმნეს. სტუდენტების საბოლოო დავალება კი რეალური დამკვეთისგან მიღებული ბრიფების ანალოგი იყო. მათ ორი კომპანიის შესახებ შესაბამისი ორი ბრიფი წარედგინათ, რომელთაგან ერთ-ერთი უნდა აერჩიათ და მასზე შეექმნათ “motion” ვიდეო.

კურსდამთავრებულმა გვანცა ოქროპირიძემ, Motion Design-ის ფინალურ პროექტად, ონლაინ მაღაზიის Explainer ვიდეოს გაკეთება გადაწყვიტა. გვანცას აზრით, ფინალურ პროექტზე მუშაობა საკმაოდ ნაყოფიერი და საინტერესო გამოვიდა:

“მიუხედავად იმისა, რომ ორი ბრიფი გვქონდა, მაინც ყველას ნამუშევარი სხვადასხვანაირი იყო, ყველამ თემატურად განსხვავებულები გავაკეთეთ და შედარება ძალიან საინტერესო აღმოჩნდა. პრეზენტაციაზე კარგად გამოჩნდა, თუ რამდენნაირად შეიძლება გაკეთდეს იდენტური მასალიდან საბოლოო პროდუქტი. ჩემი კონკრეტული ბრიფი ძალიან გამართული და დაწყობილი იყო, რამაც ძალიან გამიმარტივა მუშაობა და მეტი დროც დავუთმე ანიმაციას”.

გვანცას თქმით, Motion Design-ის შესწავლა სწორი გადაწყვეტილება იყო, რადგან მისი მოლოდინები გამართლდა.

"კურსის განმავლობაში, ბევრი ახალი რამ ვისწავლე, ბევრი რჩევა მივიღე და კომპლექსურ საკითხებთან სწორად მიდგომის საშუალებაც მქონდა. იყო საკითხები, რაზეც ვფიქრობდი, რომ ვერ გავიგებდი ან ვერ გავაკეთებდი, თუმცა ეს ასე არ აღმოჩნდა. დიდი ხნის განმავლობაში ვგეგმავდი Motion Design-ის სწავლას და ზუსტად ის მიზანი მქონდა, რაც საბოლოოდ მივიღე ამ კურსისგან. კურსის განმავლობაში, ასევე, მოძრავი დიზაინის სხვადასხვა მიმართულებებს გავეცანი, რაზეც იქამდე არ მქონია წარმოდგენა. როგორც პრაქტიკული, ასევე თეორიული ცოდნა მივიღე და, ვფიქრობ, საკმაოდ დიდი"

აქვე, გაეცანი გვანცას ფინალურ ნაშრომს:

როგორც ჩანს, Commschool-ის დახმარებით, გვანცამ საკუთარ მიზანს, საკმაოდ მოკლე ხანში, ხარისხიანად მიაღწია. ხოლო კითხვას, რას ნიშნავს შენთვის, იყო “ქომსქულელი” და ურჩევდი თუ არა სხვებსაც Commschool-ში ჩაბარებას, ერთმნიშვნელოვნად უპასუხა:

"საკმაოდ დიდ ხანს ვარჩევდი სკოლას, თუ სად ვისწავლიდი და ვთვლი, რომ სწორი არჩევანი გავაკეთე. მომწონს Commschool-ის მიდგომა და პასუხისმგებლობა, რომ რეალურად, შედეგი დადოს და ცოდნა მიიღონ ადამიანებმა და უბრალოდ არ დარიგდეს სერთიფიკატები. ვისაც სურს, პრაქტიკულად მიიღოს შედეგი და ორიენტირებულია ხარისხზე, ცოდნაზე, უპირობოდ ვურჩევ Commschool-ს"

Motion Design: კურსის შესახებ

თუკი Motion Design გაინტერესებს, მაგრამ არ გაკმაყოფილებს მხოლოდ ონლაინ რესურსით განვითარება, ზუსტად იმ ღილაკს აწვები, რომელიც Youtube-ის ტუტორიალშია ნაჩვენები, მაგრამ რაღაც მაინც ვერ გამოდის ისეთი, Commschool-ში მის შესასწავლად წინაპირობები არ მოგეთხოვება, მთავარი ინტერესი და სურვილია. კურსი ისეა შედგენილი, რომ სულ 16 ლექციის, ჯამში კი 48 საათის განმავლობაში, მიიღებ საფუძვლიან ცოდნას და, რაც მთავარია, პრაქტიკულ დავალებებზე მუდმივად იმუშავებ. 

კურსის დასრულების შემდეგ კი შეგეძლება ნებისმიერი სახის გრაფიკული გამოსახულების გაცოცხლება, სარეკლამო რგოლების შექმნა, ვიდეო, ფოტო და აუდიო მასალასთან მუშაობა After Effect-ში და ა.შ. რაც უპირველესია, შეძლებ დამკვეთისგან მიღებული ბრიფის სწორად გააზრებას, პროექტის სირთულისა და ბიუჯეტის განსაზღვრას და ორგანიზებულად მუშაობას. 

მნიშვნელოვანია ისიც, რომ Commschool-ში ფუნქციონირებს კურსდამთავრებულთა კლუბი, რომელშიც კურსდამთავრებულები ავტომატურად ირიცხებიან. კლუბის წევრები, სკოლისგან მიიღებენ მხარდაჭერას კარიერული განვითარების მიმართულებით, ეს კი გულისხმობს, პარტნიორ კომპანიებში ექსკლუზიურ სამუშაო შეთავაზებებს, გარანტირებულ სტაჟირებებსა და კონსულტაციებს. 

დაბოლოს, ასევე მნიშვნელოვანია, რომ Motion Design-ის შემდეგი მიღება დაწყებულია, რეგისტრაციის გავლა უკვე შეგიძლია! შემოგვიერთდი.

გაიგე მეტი Motion Design-ის პროგრამის შესახებ


ავტორი: მარიამ ჯაფარიძე

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება