ძველ ვერსიაზე გადასასვლელად დააჭირე აქ

"ძალიან თუ არ მოინდომე, ამ სფეროს რუტინულ სამუშაოდ ვერ აქცევ” - გაიცანი ბექა იჩქითი, Motion Design-ის ლექტორი

blog-detail-img

როცა ახალი სფეროს გაცნობას იწყებ, ალბათ, შენთვის საუკეთესო გზამკვლევი ამ მხრივ გამოცდილი ადამიანის მოსაზრებებია. ამიტომ, მოუშენ დიზაინის ლექტორს, ბექა იჩქითს, უკეთ გაგაცნობთ და, ამასობაში, მოუშენ დიზაინზეც მეტად შეიქმნით წარმოდგენას.

კომპიუტერული გრაფიკა, თავიდან უბრალოდ ბექას ჰობი იყო. როგორც მოგვიყვა, სკოლის პერიოდში თავის მეგობრებს სიამოვნებით უღებდა ხოლმე ვიდეოებს, რომლებსაც სპეც-ეფექტები სჭირდებოდა: 


“ვცდილობდი ცნობილი ფილმებიდან, რეკლამებიდან ჩემი ფავორიტი სცენების მსგავსი ეფექტები გამეკეთებინა. ზოგჯერ ოდნავ მაინც მსგავსი გამოდიოდა.”

ბექასთვის კომპიუტერული გრაფიკის თავის პროფესიად გადაქცევა ადვილი გზა არ იყო: “იმ პერიოდში უბრალოდ მომწონდა, რასაც ვაკეთებდი. თუმცა განვითარება ადვილი არ იყო, რადგან commschool-ის მსგავსი რესურსები, სადაც ამ ინდუსტრიაში დასაქმებული ადამიანებისგან რჩევას მიიღებდი, მაშინ არ იყო.”

ამის გამო მისთვის საინტერესო ინფორმაციას უცხოურ და ქართულ საიტებზე ეძებდა, ამ სფეროთი დაინტერესებულ ადამიანებთან აზრებს ცვლიდა და საერთო ჯამში, პროგრესს მიაღწია:  “მალევე, ჩემდა გასაკვირად, ერთ-ერთ კრეატიულ სააგენტოში ჩემი სამოყვარულო ნამუშევრებით კომპიუტერულ გრაფიკოსად დავსაქმდი. იქ ბევრი რამ ვისწავლე; ცოდნაც კი მქონდა უკვე, მაგრამ რეალურ პროექტებთან და დამკვეთებთან მუშაობა საერთოდ სხვა საკითხია.”

იქიდან მოყოლებული, ბექამ, კრეატიული სააგენტოების გარდა, ტელევიზიებსა და მსხვილ ორგანიზაციებთანაც იმუშავა(TBC, GPI , Beeline, Subway, Toyota, Lenovo, Alta…), 11 წლიანი გამოცდილება დააგროვა და ამჟამად უცხოურ კომპანიებთან თანამშრომლობს, მათ შორის ისეთებთან, როგორიცაა: Kia UK, Tumblr, Paramount Pictures, Srixon Golf, Fluke corporation და ა.შ. ჯამში მას 500-ზე მეტ პროექტზე აქვს ნამუშევარი.

აქვე შეგიძლია, გადახედო მის პორტფოლიოს: 

ბექას თქმით, მოუშენ დიზაინერის სამუშაო ყოველთვის მრავალფეროვანია – იშვიათია შემთხვევა, როცა ერთმანეთის მსგავს პროექტებზე უწევს მუშაობა; ყოველ მათგანს ბევრი ფიქრი სჭირდება სწორი ტექნიკური გზის მისაგნებად,

“..ამის პარალელურად კი შემოქმედებითი უნარებიც უნდა ჩართო, თან ისე, რომ დამკვეთის ბრიფს არ ასცდე. მოკლედ, მგონია, რომ ძალიან თუ არ მოინდომე, ამ სფეროს რუტინულ სამუშაოდ ვერ აქცევ.”

ბექას თქმით, Კომპიუტერულ გრაფიკას ძალიან ბევრი მიმართულება აქვს და აქტიურად გამოიყენება როგორც დიდი ვიდეო ფროდაქშენის დაგეგმვის, ისე მისი დასრულებისას. Შესაბამისად, ხშირად კინო და სარეკლამო ინდუსტრიის ნაწილი ხარ.

საერთო ჯამში, მისი შეფასებით, მიუშენ დიზაინერის პროფესია გამუდმებული განვითარების პროცესია და მისი შესწავლა ცალსახად დამთავრებული არასდროს არის:

“ეს არ არის პროფესია, რომელსაც რაღაც პერიოდში ისწავლი და დამთავრდა. მაგალითად, 15 წელი იმუშავო და ყველაფერი იცოდე – ასე არ მოხდება. რა ეტაპზეც არ უნდა იყო, მუდმივად განვითარებას მოითხოვს და მიუხედავად იმისა, რომ რაღაც კუთხით ეს სირთულეც არის, მგონია, რომ ეს ერთ-ერთი ის მხარეა, რის გამოც სფერო საინტერესოა.”

ბექას აზრით, პროფესიის სირთულე უფრო მეტად საკუთარი და კლიენტის სურვილების ჰარმონიზებაშია:

“ჩემთვის სირთულე, განსაკუთრებით, დასაწყისში, ალბათ, ის იყო, რომ ბალანსი დამეჭირა ჩემთვის მოსაწონსა და დამკვეთის ბრიფს შორის. ზოგჯერ ამ სფეროს ხალხი ვცდილობთ, ისეთი ნამუშევარი დავდოთ, რომ კომპლექსურობით ან სტილით ჩვენი კოლეგები აღვაფრთოვანოთ.  მაგრამ ხშირად კომერციულ პროექტებს უფრო მეტი რამ სჭირდება, ვიდრე უბრალოდ ტექნიკურად გამართული და ვიზუალურად ლამაზი ნამუშევარი.”

სწორედ ამიტომ, კურსის განმავლობაში აქცენტი ამ მიმართულებითაც დაისმება: ის სტუდენტებს ბრიფის სწორ გააზრებას, ორგანიზებულ მუშაობასა და ბიუჯეტის სწორად განსაზღვრას ასწავლის.

“ერთ-ერთი მთავარი უნარი, რაც მოუშენ დიზაინერს უნდა ჰქონდეს, არის კრიტიკული თვალი საკუთარი ნამუშევრის მიმართ: მარჯვენა თვალით შემოქმედის გადმოსახედიდან უნდა აკრიტიკებდე და მარცხენათი – დამკვეთის.”

ბექას აზრით, მნიშვნელოვანია, რომ მოუშენ დიზაინერი ანაზღაურებად პროექტებზე მუშაობის დროსაც კი აკეთებდეს პირად პროექტებს, ექსპერიმენტებს და ამით თვითგანვითარებაზე ზრუნავდეს. რაც შეეხება ტექნიკურ მხარეს, აქ მუდამ სიახლეების საქმის კურსში უნდა იყოს:

“სწრაფად მუშაობა და დედლაინები ამ სფეროს განუყოფელი ნაწილია, ასე რომ, მუდმივად უნდა ადევნებდე თვალს სამუშაო პროგრამების ტექნიკურ განვითარებას, რომ ყოველთვის ყველაზე ეფექტურ ხელსაწყოს იყენებდე.”

კურსის განმავლობაში ბექა სტუდენტებს, ძირითადად, Adobe After Effect-ით მუშაობას შეასწავლის, რომელიც, მისი თქმით, კომპიუტერულ გრაფიკაში ერთ-ერთი ყველაზე ხშირად გამოყენებადი ხელსაწყოა.

თუ ეს ყველაფერი შენთვის საინტერესოა და მონდომებაც საკმარისად გაქვს, შეგახსენებ, რომ Commschool-ის მოუშენ დიზაინის კურსი თავის პირველ სტუდენტებს იღებს და შეგიძლია, ერთ-ერთი მათგანი იყო. შემოგვიერთდი 

კურსზე ჩარიცხვა

 
ავტორი: ანანო ფეიქრიშვილი

გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1000₾
AI გრაფიკულ დიზაინში
დიზაინის ტრადიციული მეთოდები შრომატევადია და დიდ დროის რესურსს მოითხოვს, რაც, ხშირ შემთხვევაში, ზღუდავს შემოქმედობითობას და მოსაწყენს ხდის დიზაინერის ყოველდღიურობას. თუმცა, გენერაციული AI არის ის რევოლუციური გადაწყვეტა, რაც საშუალებას მისცემს დიზაინერებს გადალახონ ამგვარი დაბრკოლებები და მეტიც  იყონ მეტად ეფექტურები ყოველდღიურ საქმიანობაში. კურსი დატვირთულია პრაქტიკული დავალებებით და ფინალური პროექტით, რაც  მოგცემს საშუალებას  დააგროვო პორტფოლიო და შეიძინო ცოდნა, რომელსაც  პრაქტიკაში გამოიყენებ
8 ლექცია
24 საათი
საშუალო
1250₾
Motion Design
Motion Design ერთ-ერთი ყველაზე მოთხოვნადი და პოპულარული პროფესიაა მსოფლიოში, რომელიც აქტიურად გამოიყენება სარეკლამო რგოლებში, მუსიკალურ კლიპებში, სატელევიზიო შოუებსა თუ პრომო ვიდეოებში, მხატვრულ თუ დოკუმენტური ფილმებში. ასევე,  სოციალურ ქსელებში (ციფრული ბანერები, პოსტები, სთორი, ა.შ). კურსის განმავლობაში მთავარი აქცენტი გაკეთდება, არამხოლოდ After Effect-ის ტექნიკური ცოდნის მიღებაზე, არამედ ანიმაციის იმ პრინციპებზე, მეთოდებსა და ხელსაწყოებზე, რომლებსაც აქტიურად იყენებენ ამ სფეროში მომუშავე პროფესიონალები სხვადასხვა სირთულის პროექტის შესაქმნელად. Პროგრამა სრულად დაფუძნებულია პრაქტიკულ სამუშაოებზე, რომლის განმავლობაშიც სტუდენტებს შეეძლებათ სხვადასხვა ტიპის ანიმაციის შექმნა რეალური პროექტებიდან და ბრიფიდან გამომდინარე.  რაც ყველაზე მთავარია, მიიღებენ  ჯანსაღ კრიტიკასა და რჩევებს გაუმჯობესებისთვის.
15 ლექცია
45 საათი
ექსპერტი
1500₾
Sense of Illustration
დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება. კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში. კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. შეხვედრებს უმასპინძლებს სასტუმრო Stamba.
4 ლექცია
20 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება