გაიცანი მონაცემთა ინჟინერიის კურსის ლექტორი- გუჯა ლომსაძე

blog-detail-img

დღესდღეობით მონაცემები ბიზნესის ყველაზე ღირებული რესურსია. ნებისმიერი ინდუსტრია – იქნება ეს ფინანსები, ჯანდაცვა, ტექნოლოგიები თუ გასართობი სერვისები – ეფუძნება მონაცემებზე დაყრდნობილ გადაწყვეტილებებს. შესაბამისად, მონაცემთა ინჟინერია ერთ-ერთ ყველაზე სწრაფად მზარდ და მოთხოვნად პროფესიად იქცა. პრაქტიკული და თანამედროვე ცოდნის მიღება ამ სფეროში დიდ უპირატესობას ანიჭებს დამწყებ და მოქმედ პროფესიონალებს. სწორედ ამ უპირატესობის მოპოვებაში დაგეხმარებათ commschool-ის მონაცემთა ინჟინერიის კურსი.

გაიგე მეტი კურსის შესახებ
მონცაემთა ინჟინერია

 commschool-ის მონაცემთა ინჟინერიის კურსს  გუჯა ლომსაძე კითხულობს. მას 7+ წლიანი გამოცდილება აქვს მონაცემთა ინჟინერიისა და ანალიტიკის მიმართულებით. ამჟამად ის ხელმძღვანელობს მონაცემთა ინჟინერიის გუნდს კომპანია Croco Squad | Crocobet.com-ში და პარალელურად მუშაობს Analytics Engineer-ად გერმანულ Carnival Maritime-ში, რომელიც მსოფლიოს უმსხვილესი საკრუიზო კომპანიის – Carnival Corporation-ის ფლოტის მონაცემთა მხარდაჭერას უზრუნველყოფს.

მისი კარიერა მოიცავს გამოცდილებას ისეთ გიგანტურ კომპანიებში, როგორებიცაა Merck და EPAM Global. Merck-ში გუჯას მიერ ხელმძღვანელებული პროექტი გენების ვიზუალიზაციასა და გენეტიკური ინჟინერიის ავტომატურ ანალიზს უკავშირდებოდა – პლატფორმამ კვლევის პროცესი სამი წლით დააჩქარა ონკოლოგიისა და ვაქცინების მიმართულებით.

გუჯას მიღებული აქვს მაგისტრის ხარისხი მონაცემთა ინჟინერიაში, გერმანიაში – Constructor University-ში, სადაც თავადაც კითხულობდა ლექციებს Data Management-ის თემაზე. ის ფლობს საერთაშორისო სერტიფიკატებს (AWS, Google Cloud) და მნიშვნელოვანი წვლილი აქვს შეტანილი Apache Software Foundation-ის ღია კოდის პროექტებში. მის მიერ შექმნილი PostgreSQL-ის ინსტრუმენტი pgbenchmark კი მონაცემთა ბაზების ანალიზს ამარტივებს.

"მონაცემთა ინჟინერია ყველაზე აქტიურად გამოიყენება იმ ინდუსტრიებში, სადაც უზარმაზარი მოცულობის მონაცემების შენახვა, დამუშავება და მათზე დაყრდნობით ღირებული დასკვნების გამოტანაა საჭირო. დღეს ეს ინტენსიურად ტექნოლოგიურ სფეროებში ხდება, თუმცა მომავალში ყველა ბიზნესი ვალდებული იქნება, დაეყრდნოს მონაცემებს, რათა შეინარჩუნოს კონკურენტუნარიანობა და მიიღოს სწორი გადაწყვეტილებები."

გუჯა ლომსაძე

მონაცემთა ინჟინერიის სფერო

ხელოვნური ინტელექტისა და ავტომატიზაციის განვითარება მონაცემთა ინჟინერიას კიდევ უფრო მნიშვნელოვან მიმართულებად აქცევს. AI-ის შედეგები პირდაპირ არის დამოკიდებული იმ მონაცემების ხარისხზე, რომელსაც ის იყენებს („Garbage In, Garbage Out“ პრინციპი). სწორედ მონაცემთა ინჟინრები არიან ადამიანები, რომლებიც უზრუნველყოფენ მონაცემების სისუფთავეს, სტრუქტურას და უწყვეტ ნაკადს.

API-ების შექმნა და ინტეგრაცია თანამედროვე მონაცემთა ეკოსისტემის გულშია. მონაცემთა ინჟინერი უზრუნველყოფს იმას, რომ მონაცემები თავისუფლად მოძრაობდეს სხვადასხვა სერვისებსა და სისტემებს შორის, რაც ბიზნესს აძლევს მოქნილობას და ამცირებს შეცდომების რისკს.

ასევე, ისეთი ინსტრუმენტები, როგორიცაა Apache Kafka, Airflow, Spark, Flink, დღეს მონაცემთა ინჟინრის ყოველდღიური პრაქტიკის ნაწილი გახდა. მათ გარეშე შეუძლებელია რეალურ დროში მონაცემთა ნაკადების დამუშავება და მასშტაბური პლატფორმების აგება.

გლობალურად, მონაცემთა ინჟინერია ინტენსიურად გამოიყენება ისეთ კომპანიებში, როგორიცაა Google, Amazon, Netflix, Uber და Meta, სადაც პეტაბაიტობით მონაცემები უნდა დამუშავდეს მილიწამებში. საქართველოში კი ამ სფეროს ყველაზე აქტიურად იყენებენ ბანკები, ფინტექი, სატელეკომუნიკაციო კომპანიები, e-commerce პლატფორმები, მიტანის სერვისები და აზარტული თამაშების ინდუსტრია.

მონაცემთა ინჟინერიის კურსის შესახებ

მონაცემთა ინჟინერიის კურსი პრაქტიკაზეა ორიენტირებული. ყოველი თეორიული ბლოკის შემდეგ სტუდენტები უშუალოდ მუშაობენ რეალურ პროექტებზე იმავე ინსტრუმენტებით, რომლებიც დღეს წარმატებულ კომპანიებში გამოიყენება.

კურსის დასრულების შემდეგ მონაწილეები შეძლებენ მონაცემთა ბაზების შექმნას, მართვას და არქიტექტურის დიზაინს, მონაცემთა კონვეიერების აგებას (ETL/ELT პროცესები), მუშაობას Apache-ის ეკოსისტემასთან, მათ შორის Airflow, Kafka და NiFi-ის გამოყენებით. ასევე გაივლიან API-ებისა და FastAPI-ის გამოყენების პრაქტიკას, შეისწავლიან Python-ის ეფექტიან გამოყენებას მონაცემთა ინჟინერიაში, რეალურ დროში მონაცემთა ნაკადების დამუშავებას და Message Broker-ებთან მუშაობას. კურსის ფარგლებში დაეუფლებიან Columnar და Row-based მონაცემთა ბაზების მართვას (PostgreSQL, ClickHouse), ხოლო ფინალური პროექტის დროს შექმნიან Change Data Capture (CDC) სისტემას.

ფინალური პროექტი სტუდენტებს მისცემს არა მხოლოდ პრაქტიკულ გამოცდილებას, არამედ სრულფასოვანი პორტფოლიოს შექმნის შესაძლებლობასაც, რაც კარიერულ გზაზე მნიშვნელოვანი უპირატესობაა.

კარიერული განვითარება

მონაცემთა ინჟინერია მსოფლიოში ერთ-ერთი ყველაზე სწრაფად მზარდი მიმართულებაა. კურსის დასრულების შემდეგ მონაწილეებს შეეძლებათ დაიწყონ კარიერა, როგორც Junior Data Engineer ან Analytics Engineer, ასევე ETL Developer, Streaming Data Engineer თუ DataOps Specialist.

დროთა განმავლობაში, გამოცდილების დაგროვების შესაბამისად, კურსის მონაწილეები შეძლებენ კარიერულ წინსვლას და უფრო მაღალი პოზიციების დაკავებას, როგორიცაა Senior Data Engineer და Lead Data Architect.ეს როლები უკვე გლობალურ დონეზე მოთხოვნადი და მაღალანაზღაურებადია.

მონაცემთა ინჟინერია ერთ-ერთი ყველაზე მოთხოვნადი სფეროა ტექნოლოგიების ბაზარზე, რომელიც მომავალში კიდევ უფრო სწრაფად გაიზრდება. შესაბამისად, კვალიფიციური სპეციალისტების საჭიროება ყოველდღიურად იმატებს.

გუჯა ლომსაძის გამოცდილება და პრაქტიკული ცოდნა, რომელსაც ის კურსის განმავლობაში გაუზიარებს სტუდენტებს, უზრუნველყოფს არა მხოლოდ თანამედროვე ცოდნის მიღებას, არამედ რეალურ სამყაროში მისი ეფექტურად გამოყენების უნარსაც.

თუ გსურთ გახდეთ მომავლის ერთ-ერთი ყველაზე მოთხოვნადი პროფესიული სფეროს ნაწილი, commschool-ის მონაცემთა ინჟინერიის კურსი სწორედ თქვენთვისაა!

დარეგისტრირდი
გაუზიარე მეგობრებს
რელევანტური ბლოგები

რელევანტური ბლოგები

შესაძლოა გაინტერესებდეს

საშუალო
1400₾
AI Agents & Automations
აგენტური ხელოვნური ინტელექტი მსოფლიოში დღეს ყველაზე გავრცელებულ და მოთხოვნად ტექნოლოგიად ითვლება. ის შექმნილია იმისთვის, რომ იმოქმედოს ავტონომიურად და მიიღოს გადაწყვეტილებები ადამიანის მინიმალური ჩარევით. ანუ, მას შეუძლია შეასრულოს კომპლექსური ამოცანები, როგორიცაა დაგეგმვა, პრობლემის გადაჭრა და კომუნიკაცია. AI აგენტები და no-code ავტომატიზაცია საშუალებას გვაძლევს, შევქმნათ სისტემები, რომლებიც აზროვნებენ, მოქმედებენ და რეაგირებენ ცვლად, დინამიურ გარემოზე. კურსის დასრულების შემდეგ სტუდენტები შეძლებენ პერსონალურ საჭიროებებზე მორგებული AI სისტემების დაგეგმვასა და პროცესების ავტომატიზაციას ისე, რომ ნაკლები დროითი დანახარჯით მეტ ეფექტურობას მიაღწიონ.
8 ლექცია
24 საათი
საშუალო
1400₾
AI in Content Creation
ხელოვნური ინტელექტი (AI) აქტიურად ცვლის კონტენტის შექმნისა და მარკეტინგის პროცესებს. თანამედროვე ციფრულ გარემოში, სადაც ცვლილებები სწრაფად მიმდინარეობს, AI-ის გამოყენება უკვე აუცილებელიც კი გახდა. ის მნიშვნელოვნად ამცირებს კონტენტის შექმნაზე დახარჯულ დროს, ზრდის შემოქმედებით შესაძლებლობებს და ხელს უწყობს კონტენტის პერსონალიზაციასა და ოპტიმიზაციას. AI ხელსაწყოები ამარტივებს როგორც იდეების გენერირების, ისე მისი აღსრულების პროცესს. კურსის განმავლობაში ვისწავლით, სწრაფად და მარტივად, ეფექტური ფოტო და ვიდეო ვიზუალური კონტენტის შექმნას სხვადასხვა AI ხელსაწყოების დახმარებით.
10 ლექცია
25 საათი
დამწყები
1400₾
AI ბიზნესის განვითარებაში
ხელოვნური ინტელექტი აღარ არის მხოლოდ ტექნოლოგიური ტრენდი - ის დღითიდღე უფრო მნიშვნელოვან როლს თამაშობს თანამედროვე ბიზნეს სამყაროში. AI ეხმარება ბიზნესებს, გააანალიზონ დიდი მოცულობის მონაცემები, გააუმჯობესონ გადაწყვეტილებების მიღების პროცესი, გაზარდონ ეფექტურობა, შეამცირონ ხარჯები და შექმნან ინოვაციური პროდუქტები თუ მომსახურებები. მეტიც, კომპანიები, რომლებიც AI-ის იყენებენ, შემოსავლების 2.5-ჯერ, ხოლო პროდუქტიულობის 50%-მდე ზრდას აჩვენებენ. სწორედ ამიტომ, AI ტექნოლოგიების ცოდნა და მათი ბიზნეს პროცესებში ინტეგრაციის უნარი დღეს კრიტიკულად მნიშვნელოვანია ნებისმიერი ორგანიზაციის წარმატებისა და კონკურენტუნარიანობისთვის.  ამ პროგრამის ფარგლებში თქვენ შეისწავლით, თუ როგორ შეარჩიოთ და მოარგოთ ხელოვნური ინტელექტის ხელსაწყოები თქვენი ბიზნესის უნიკალურ საჭიროებებს, როგორ გაამარტივოთ და გააუმჯობესოთ სამუშაო პროცესები AI-ის დახმარებით და რაც მთავარია, ტექნიკური ექსპერტიზის გარეშე, შეძლებთ, თქვენი კომპანიის მონაცემები სტრატეგიულ უპირატესობად აქციოთ.
12 ლექცია
36 საათი

ჯერ კიდევ არ იცი რომელი პროფესია შეგეფერება?

შეავსე ქვიზი და მიიღე პერსონალიზებული რეკომენდაციები კარიერულ გზასთან დაკავშირებით

დაწყება